Camera – Photo Malayalam https://photomalayalam.com Camera News For Malayali Sat, 24 Sep 2022 09:44:32 +0000 en-US hourly 1 https://photomalayalam.com/wp-content/uploads/2020/04/cropped-fav-32x32.png Camera – Photo Malayalam https://photomalayalam.com 32 32 EOSR10, RF-മൗണ്ടിൽ ബഡ്ജറ്റ് ക്യാമറ https://photomalayalam.com/eosr10-apsc-canon-rf-budget/ https://photomalayalam.com/eosr10-apsc-canon-rf-budget/#respond Sat, 24 Sep 2022 09:23:08 +0000 https://photomalayalam.com/?p=1074
കാനൻ EF, EF-S, EF-M മൗണ്ടുകളിൽ നിന്ന് RF മൗണ്ടിലേക്കു മാറുകയാണ്. അപ്പോൾ RF ക്രോപ് ഫ്രെയിം ക്യാമെറകൾക്കു വേണ്ടി RF മൗണ്ടും ലെന്സുകളും ഇറക്കി കഴിഞ്ഞു. ഇതാണ് RF-S. കാനൻ EOS R7, EOS R10 എന്നീ ക്യാമറകൾ RF-S മൗണ്ടിൽ ആണ് ഇറങ്ങിയിരിക്കുന്നത്. രണ്ടും APSC സെൻസർ ആണ് എന്ന് എടുത്തു പറയേണ്ടത് ഇല്ലലോ. നമുക്ക് EOS R10 ഇന്റെ വിശേഷങ്ങളിലേക്ക് പോകാം.

EOS R10

eoar10 view
നിലവിൽ കാനൻ RF മൗണ്ടിൽ ഉള്ള എൻട്രി ലെവൽ ക്യാമറ എന്ന് വിശേഷിപ്പിക്കാവുന്ന ക്യാമറ  ആണ് EOSR10. എൻട്രി ലെവൽ എന്ന് പറഞ്ഞത് കൊണ്ട് ഇത് ഒരു കുറഞ്ഞ കാമറ എന്ന് അർഥം ആക്കേണ്ടതില്ല. EOSR7 ന്റെ ഏകദേശം എല്ലാ സംവിധാനങ്ങളും ഇതിലും ഉൾപ്പെടുത്തിയിട്ടുണ്ട്.

ഒരു 24.2MP (മെഗാ പിക്സൽ) ഉള്ള ക്രോപ് ഫ്രെയിം APSC സെൻസറോഡ് കൂടി വരുന്ന ക്യാമറ പരമാവധി 6000×4000 പിക്സൽ റെസൊല്യൂഷൻ ചിത്രങ്ങൾ തരുന്നുണ്ട്. JPEG , HEIF , RAW ഫോര്മാറ്റുകളിൽ ചിത്രങ്ങൾ എടുക്കാം. സെക്കൻഡിൽ 15 ചിത്രങ്ങൾ വരെ (15fps) മെക്കാനിക്കൽ ഷട്ടർ ഉപയോഗിച്ച് എടുക്കാൻ കഴിയും. ഇലക്ട്രോണിക് ഷട്ടർ ഉപയോഗിച്ച് സെക്കൻഡിൽ 23 fps വേഗത ലഭ്യം ആണ്. മെക്കാനിക്കൽ ഷട്ടർ വേഗത 30 മുതൽ 1/4000 sec വരെ ആണ്.

4K UHD Fine ക്വാളിറ്റിയിൽ 30 fps , 4K UHD Crop (സെൻസർ ക്രോപ്) ഓട് കൂടി 60 fps ഇലും റെക്കോർഡ് ചെയ്യാം. എന്നാൽ കാനൻ ലോഗ് (Canon Log) ലഭ്യം അല്ല. ഫുൾ എഛ് ഡി (Full HD 1920 x 1080) വീഡിയോ ഹൈ ഫ്രെയിം റേറ്റ് ആയി 120 fps വേഗതയിൽ ഷൂട്ട് ചെയ്യാം.

canon eos r10 top
ഇമേജ് സ്റ്റെബിലിസിങ് (Image Stabilisation)

ഒപ്റ്റിക്കൽ സ്റ്റെബിലിസിങ് ഉള്ള ലെൻസുകൾ ഉപയോഗിക്കുമ്പോൾ അതും, ക്യാമെറയിൽ ഡിജിറ്റൽ സ്റ്റെബിലൈസിംഗും ലഭ്യമാണ്. എന്നാൽ സെൻസർ ഷിഫ്റ്റ് ഇൻ ബോഡി സ്റ്റെബിലിസിങ് (IBIS) ഈ ക്യാമെറയിൽ ഇല്ല.

നോർമൽ  ഓട്ടോ ISO സെന്സിറ്റിവിറ്റി 100 മുതൽ 32000 വരെ ആണ്. എന്നാൽ ഇത് 51200 വരെ കൂട്ടാം.

കാനൻ LP-E17 ബാറ്ററി ആണ് നു ഉള്ളത് (ഇത് EORSR,R6, R7 എന്നിവയിൽ നമ്മൾ കണ്ട ബാറ്ററി അല്ല).

ഒരു മെമ്മറി കാർഡ് മാത്രം ആണ് ഇടാൻ കഴിയുക.

SD, SDHC, SDXC, UHS-II എന്നീ മെമ്മറി കാർഡുകൾ ഉപയോഗിക്കാം. UHS-II ഹൈ സ്പീഡ് മെമ്മറി കാർഡുകൾ ആണ് 4k വീഡിയോ പകർത്താൻ കാനൻ റെക്കമെന്റ് ചെയ്യുന്നത്.

സാധാരണ അമേച്ചർ കാമെറകളിൽ കാണുന്ന പോലെ ഇൻ ബോഡി ഫ്ലാഷ് നൽകിയിട്ടുണ്ട്.

1024×768 റെസൊല്യൂഷൻ (2.36 Million dots) ഉള്ള ഒരു 0.39″ ഇഞ്ച് OLED കളർ ഇലക്ട്രോണിക് വ്യൂ ഫൈൻഡർ (EVF) ആണ് EOSR10 നു ഉള്ളത്.

2.95″ TFT കളർ LCD മോണിറ്റർ ഏകദേശം 1.04 മില്യൺ ഡോട്ട് റെസൊല്യൂഷനോട് കൂടി ആണ് വന്നിരിക്കുന്നത്. ഇത് പുറത്തേക്കു തുറക്കാവുന്ന സെൽഫിക്കു സഹായകമാകുന്ന വെരി ആംഗിൾ ഡിസ്പ്ലേ ആയി ആണ് വരുന്നത്.

ഒരു ക്രോപ് ഫ്രെയിം കാമറ നോക്കുന്ന തുടക്കക്കാർക്ക്, വൈൽഡ് ലൈഫ് ഫോട്ടോഗ്രാഫേഴ്സ് നു, വെഡിങ് വീഡിയോഗ്രാഫി നോക്കുന്നവർക്ക്, കാനൻ RF മൗണ്ട് കാമറ ഉപയോഗിക്കുന്നവർക്ക്  ഒരു സെക്കന്ററി കാമറ ആയി വെക്കാൻ ഒക്കെ നല്ല ഒരു ഓപ്ഷൻ ആണ് EOSR 10.

RF-S18-150mm കിറ്റ് ലെന്സ് ഉൾപ്പടെ 1,17,995.00 രൂപ ആണ് വില നിശ്ചയിച്ചിരിക്കുന്നത്, ബോഡി മാത്രം ആയി 80,995.00 രൂപ 

കൂടുതൽ വായന.

]]> https://photomalayalam.com/eosr10-apsc-canon-rf-budget/feed/ 0 കാനൻ EOSR 7 ആരൊക്കെ വാങ്ങേണ്ടത് https://photomalayalam.com/canon-eosr7/ https://photomalayalam.com/canon-eosr7/#respond Fri, 19 Aug 2022 03:07:36 +0000 https://photomalayalam.com/?p=1033
ഡിജിറ്റൽ ക്യാമറകൾ ഫുൾ ഫ്രെയിമിലേക്കു കൂടുതൽ പ്രചാരം ആയപ്പോഴും അതിനിടയിൽ വളരെ  അധികം പ്രിയപ്പെട്ടതായി നിന്ന APS-C (ക്രോപ് ഫ്രെയിം)  ക്യാമെറ ആണ് കാനൻ EOS 7D. കാനോൺ മിറർലെസ് ക്യാമറകളിലേക്ക് വന്നപ്പോൾ EOS 7D യുടെ പിൻഗാമിയായി ആണോ EOSR 7  ഇറക്കിയിരിക്കുന്നത് എന്ന് തോന്നാം. കാനൻ ആർ എഫ് മൌണ്ടില്‍ 32.5 എംപി എ പി എസ് സി സീമോസ് സെൻസർ ഓടുകൂടി വരുന്ന പുതിയ ക്യാമറയാണ് EOSR 7.

ക്രോപ് ഫ്രെയിം സെൻസർ ആണെങ്കിലും സെന്സറിനു 32.5 MP ഉള്ളതിനാൽ 6960×4640 വരെ ഉയർന്ന റെസൊല്യൂഷനിൽ ചിത്രങൾ ലഭിക്കുന്നു. മെക്കാനിക്കൽ ഷട്ടറിൽ സെക്കൻഡിൽ 15 ചിത്രങ്ങളും ഇലക്ട്രോണിക് ഷട്ടറിൽ സെക്കൻഡിൽ 30 ചിത്രങ്ങളും പകർത്താൻ കഴിയും.

60p Fps 4K വീഡിയോ സൗകര്യം ലഭ്യമാക്കിയിട്ടുണ്ട്. 10 bit C-Log 3 വീഡിയോ പകർത്താൻ സാധിക്കും. ക്യാമറയുടെ പരമാവധി ഡൈനാമിക് റേഞ്ച് പ്രേയോഗനപ്പെടുത്തി വിഡിയോകൾ ഗ്രേഡ് ചെയ്യാൻ ഇത് വളരെ അധികം സഹായകമാകും.

EOSR7 dial display
100 മുതൽ 32000 വരെ ആണ് നോർമൽ ഓട്ടോ ISO എന്നാൽ ഇത് 51200 വരെ കൂട്ടാൻ ആകും. ഇൻ ബോഡി സെൻസർ-ഷിഫ്റ്റ് ഇമേജ് സ്റ്റെബിലൈസേഷൻ ഉൾപ്പെടുത്തിയിട്ടുണ്ട്. 8 സ്റ്റോപ്പുകൾ വരെ ഇൻ-ബോഡി ഇമേജ് സ്റ്റെബിലൈസേഷൻ (IBIS) ലഭ്യമാകും.

651 ഫോക്കസ് പോയിന്റുകളോട് കൂടെ കോർണർ റ്റു കോർണർ 100% ഓട്ടോ ഫോക്കസ് കവറേജ്‌ ഈ ക്യാമെറ നൽകുന്നു. EOS R7 സാധാരണ പുതു തലമുറ ക്യാമെറകൾക്കു എല്ലാം ഉള്ള ഐ സെറ്റക്ഷന്, ഹെഡ് ഡിറ്റക്ഷൻ, ട്രാക്കിങ് തുടങ്ങിയ സംവിധാങ്ങളിൽ ഒന്നും കുറവ് വരുത്തിയിട്ടില്ല.

വൈൽഡ് ലൈഫ്, ബിഡ് ഫോട്ടോഗ്രാഫി എന്നീ മേഖലകളിൽ ഉള്ളവർക്ക് APSC ക്യാമെറകളോഡ് പ്രിയം കൂടുതൽ ആണല്ലോ. ഇത്തരക്കാർക്ക് ഉപകാരം ആകും വിധം അനിമൽ പ്രേയോറിട്ടി മോഡും അതിനു പുറമെ സ്പോർട്സ് റേസിംഗ് ഫോട്ടോഗ്രാഫി നോക്കുന്നവർക്ക് വെഹിക്കിൾ പ്രേയോരിറ്റിയും ഉൾപ്പെടുത്തിയിട്ടുണ്ട്.

പനോരാമിക് ചിത്രങ്ങൾ എടുക്കാനുള്ള സൗകര്യം ക്യാമെറയിൽ ഉണ്ട്. എടുത്തു പറയേണ്ട മറ്റൊരു സൗകര്യം ആണ് ബോഡിയിൽ വെച്ച് തന്നെ  ഫോക്കസ് സ്റ്റാക്കിങ് ചെയ്യുക എന്നത്. മാക്രോ ഫോട്ടോഗ്രാഫി ചെയ്യുന്നവർക്ക് വളരെ ആശ്വാസകരമാവുന്ന വാർത്തയാണ് ഇത്.

ക്യാമറയുടെ ഇൻ ബോഡി സ്റ്റെബിലിസിങ് ന്റെ സാധ്യത ഉപയോഗിച്ച് ചിത്രങ്ങളുടെ ഹൊറിസോണ്ടൽ ലെവെലിങ് ഓട്ടോമാറ്റിക് ആയി ബോഡിയിൽ ചെയ്യാം.

കാനൻ EOSR 7 ആരൊക്കെ വാങ്ങേണ്ടത് 2
 

കാനൻ ക്യാമെറയിൽ കണ്ടു വരുന്ന മൾട്ടി കണ്ട്രോൾ ജോയ് സ്റ്റിക് നു  ഒരു ക്വിക് കണ്ട്രോൾ ഡയല് കൊടുത്തിരിക്കുന്നത്. ക്യാമെറയുടെ മുൻപിൽ വലത് വശത്തായി മാനുകൾ/ഓട്ടോ ഫോക്കസ് സെക്ക്ടർ ആയി ഒരു ലിവർ സ്വിച്ച് കൊടുത്തിട്ടുണ്ട്.

2.36 മില്യൺ ഡോട്സ് ഉള്ള ഇലക്ട്രോണിക് വ്യൂ ഫൈൻഡർ ആണ് നൽകിയിട്ടുള്ളത്. ഒരു ഒപ്റ്റിക്കൽ വ്യൂ ഫൈൻഡർ പോലെ ഉള്ള അനുഭവം ഇത് നൽകും എന്ന് കാനൻ അവകാശപ്പെടുന്നു. 1.62 മില്യൺ ഡോട്സ് ഉള്ള 3 ഇഞ്ച് പുറത്തേയ്ക്കു തുറക്കാവുന്ന ഡിസ്പ്ലേ ആണ് (Vari-Angle LCD) EOSR7 ഇന് ഉള്ളത്.

1DX മാർക്ക് 3, EOS R5,  EOS R6  എന്നീ ക്യാമെറകൾക്ക് ഉപയോഗിച്ച ഡിജിക് എക്സ് (DIGIC X) പ്രൊസസർ ആണ് EOS R7 ഇന് ഉള്ളത്. മെമ്മറി കാർഡുകൾ 2 എണ്ണം ഉപയോഗിക്കാവുന്ന തരത്തിൽ ആണ് സ്റ്റോറേജ് സംവിധാനം ഒരുക്കിയിരിക്കുന്നത്.

ഹൈ കപ്പാസിറ്റി ബാറ്ററി ആയ LP-E6 NH എന്ന മോഡൽ ബാറ്ററി EOS R7 ഇൽ ഉപയോഗിക്കുന്നു.

ഒരു പുതു തലമുറ മിററർലെസ്സ് ക്രോപ് ഫ്രെയിം കാമറ നോക്കുന്നവർക്ക്, എന്തുകൊണ്ടും പരിഗണിക്കാവുന്ന ഒരു മോഡൽ ആണ്  കാനൻ EOSR 7.

ബോഡിക്ക് 127995 രൂപ ആണ് വില നിശ്ചയിച്ചിരിക്കുന്നത്.

 

കൂടുതൽ വായന.

]]> https://photomalayalam.com/canon-eosr7/feed/ 0 കുഞ്ഞൻ ഡ്രോണിൽ ഒത്തിരി കാര്യം. Mavic Air 2S അവതരിപ്പിച്ച്‌ DJI https://photomalayalam.com/dji-mavic-air-2s/ https://photomalayalam.com/dji-mavic-air-2s/#respond Fri, 15 Oct 2021 07:39:40 +0000 https://photomalayalam.com/?p=931
ഫോട്ടോഗ്രാഫി വീഡിയോഗ്രാഫി മേഖല, സിനിമ ചിത്രീകരണം മുതലായവയിൽ വ്യത്യസ്ത രീതിയിൽ വൈഡ് ആംഗിൾ, ഏരിയൽ ഫോട്ടോഗ്രാഫി എന്നിവയിൽ വിപ്ലവ മാറ്റത്തിന് തുടക്കം കുറിച്ചു കൊണ്ടാണ് ഡ്രോൺ ഉപയോഗിച്ച് കൊണ്ടുള്ള ചിത്രീകരണ ആവിഷ്കാര രീതി ഇപ്പോൾ അവലംബിച്ച് പോകുന്നത്. മുൻകാലങ്ങളിൽ ഇത്തരം ചിത്രീകരണത്തിന് ഭാരിച്ച ചിലവ് വന്നിരുന്നു. ഇന്ന് ഡ്രോൺ സാങ്കേതികവിദ്യയിൽ മുൻനിര കമ്പനിയായ Dji ആണ് ഇക്കാര്യത്തിൽ നവീന സാങ്കേതിക രംഗത്തെ പ്രമുഖ ബ്രാൻഡ്ആയി അറിയപ്പെടുന്നത്. Dji യുടെ മുൻ മോഡലായ മാവിക് (Mavic) സീരീസിലെ മാവിക് എയർ (Mavic- air) മാവിക് മിനി (Mavic- mini) എന്നിവയും ഒട്ടേറെ പ്രചാരം നേടിയ മറ്റ് മോഡലുകളാണ്.

Dji കമ്പനി Mavic സീരീസിലെ ഏറ്റവും പുതിയ മോഡലായാണ് മാവിക് എയർ ടു എസ് (Mavic- Air 2S) ഒട്ടനവധി പ്രത്യേകതകളോടെ 2021-ൽ പുറത്തിറക്കിയിരിക്കുന്നത്.

സവിശേഷതകൾ

Dji Mavic Air 2S sensor
മാവിക് എയർ ടു എസ് (Mavic Air 2S) എന്ന മോഡലിൽ പ്രധാനഘടകം അതിന്റെ 1 ഇഞ്ച് (1 inch CMOS 2.4) സെൻസർ ആണ്. ഇതിൽ നിന്ന് മികച്ച ക്വാളിറ്റി ഉറപ്പുവരുത്തുന്നു. “വലിയ ലോകം വലിയ സെൻസർ” (Big World, Big Sensor) എന്ന ക്യാപ്ഷൻ തന്നെയാണ് കമ്പനി അതിന്റെ സവിശേഷതകളെക്കുറിച്ച് വർണിച്ചിരിക്കുന്നത്. ഇത് 5.4K റെസല്യൂഷനിൽ വീഡിയോ ചിത്രീകരണം 30fps (Frame Per Second) വരെ സാധ്യമാകുന്നു. കൂടാതെ 4k യിൽ പരമാവധി 60fps വരെയും 2k യിൽ 120 fps വരയും നൽകിയിരിക്കുന്നു.

മാവിക് എയർ ടു എസ് (Air 2 S) വളരെ സൗകര്യപ്രദമായി ഉപയോഗിക്കുന്നതിന് വേണ്ടി ഇതിന്റെ ബോഡി വെയ്റ്റ് 600 ഗ്രാമിൽ താഴെ മാത്രമായി ചുരുങ്ങിയിരിക്കുന്നു. ഇത് യാത്രകളിലും മറ്റും ഉപയോഗിക്കുന്നവർക്ക് സൗകര്യപ്രദമായി കൊണ്ടുപോകുന്നതിന് എളുപ്പമാക്കുന്നു. 12 കിലോമീറ്റർ ദൂരത്തേക്ക് പോയി വരെ ചിത്രീകരണം സാധ്യമാക്കുന്ന “Ocu sync Wi-Fi protocol transmission system 3.0” മറ്റൊരു പ്രധാനപ്പെട്ട സവിശേഷതയാണ്.

കുഞ്ഞൻ ഡ്രോണിൽ ഒത്തിരി കാര്യം. Mavic Air 2S അവതരിപ്പിച്ച്‌ DJI 4
ഹെലിക്യാം ഉപയോഗിക്കുന്നവരുടെ പ്രധാന വെല്ലുവിളി ഇതിൽ ഉണ്ടാകുന്ന അപകടസാധ്യത തന്നെയാണ് അതായത് എവിടെയെങ്കിലും തട്ടി താഴെ വീണുണ്ടാകുന്ന നഷ്ടം,അത് പരിഹരിക്കുന്നതിനായി 4 ഡയറക്ഷൻ ഒബ്സ്റ്റക്കിൾ സെൻസിംഗ് തടസ്സങ്ങളെ അതിജീവിച്ച സ്വയംനിയന്ത്രിത സംവിധാനം ഈ മോഡലിൽ കൂടുതൽ കാര്യക്ഷമമായി പ്രവർത്തിക്കുന്നു. അതിനായി (ADSB) ഡിജെഐ പുതുതായി അവതരിപ്പിച്ചിട്ടുള്ളത് മാവിക് എയർ ടു എസ് എന്ന ഈ മോഡലിലൂടെ ആണ്.

കൂടാതെ 10 Bit D-log-m കളർ പ്രൊഫൈൽ, സിനിമ,വീഡിയോ ചിത്രീകരണത്തിന് ഈ ചെറിയ ഡ്രോൺ മോഡലിൽ ഉൾക്കൊള്ളിച്ചിട്ടുണ്ട്. 20 എം പി റെസല്യൂഷനിലുള്ള വൺ ഇഞ്ച് സെൻസറിൽ നിന്നും ഷാർപ്പ് ആയ ചിത്രങ്ങൾ റോ ഇമേജ് ലൂടെ 12.6 സ്റ്റോപ്പ്‌ ഡൈനാമിക് റേഞ്ച് നൽകുവാൻ പുതിയ മോഡലിനെ കഴിയുന്നു. ഇത് പോസ്റ്റ് പ്രോസസിംഗ് സമയത്ത് പ്രൊഫഷണൽ ക്യാമറകളോട് സാമ്യമായ രീതിയിൽ ചിത്രങ്ങൾ എടുക്കാൻ സഹായിക്കുന്നു. Intelligent HDR ടെക്നോളജിയിലൂടെ പോസ്റ്റ് പ്രൊഡക്ഷൻ ഒഴിവാക്കിയുള്ള ഫോട്ടോ ചിത്രീകരണം ഇതിൽ ഉൾക്കൊള്ളിച്ചിട്ടുണ്ട്. മൾട്ടിപ്പിൾ പിക്ചർ ഷൂട്ട് ലൂടെയാണ് ഇത് സാധ്യമാക്കുന്നത്. ഇത്തരം ചിത്രീകരണ സംവിധാനത്തിലൂടെ ഡൈനാമിക് റേഞ്ച് കൂട്ന്നതിനും ഇത് സഹായിക്കുന്നു. ഒറ്റക്ലിക്കിൽ നൂതന വീഡിയോ സാങ്കേതികവിദ്യ ആയ ഹൈപ്പർ ലാപ്സ് ചിത്രീകരണം, പനോരമിക് എന്നീ ഫീച്ചറുകളും നൽകിയിട്ടുണ്ട്.

“സ്മാർട്ട് ഫീച്ചർ പെർഫെക്ട് ഷോട്ട്” എന്നാണ് കമ്പനി ഇതിനു നൽകുന്ന ഓമനപ്പേര്. ഡ്രോൺ ഉപഭോക്താക്കൾക്ക് പ്രധാനമായും നേരിടുന്ന പോരായ്മയാണ് ഫോക്കസിംഗ്. ഇതിന് പരിഹാരമെന്നോണം വിവിധ ഇനം ആവശ്യങ്ങൾക്കുള്ള ഫോക്കസ് ട്രാക്കിംഗ് ഓപ്ഷൻ ഇതിൽ പുതുതായി അവതരിപ്പിച്ചിരിക്കുന്നു.

Cinematic, spotlight 2.0, active tracking, point of interest എന്നിങ്ങനെ വിവിധ ഉപയോഗത്തിന് ആവശ്യമായ ഫോക്കസ് സംബന്ധമായ പ്രശ്നങ്ങൾ കമ്പനി കണ്ടെത്തിയതാണ് ഇത്തരം ഓപ്ഷനുകളും ചിത്രീകരണ രീതിയും സുഗമമാക്കും.

Dji mavic air 2s Environment Sensing APAS 4.0
മുൻപ് സൂചിപ്പിച്ച സെൻസർ സവിശേഷതകൾ AI environmental sensing algorithm ഉപയോഗിച്ചാണ് നാല് ദിശകളിലും ഉള്ള തടസ്സങ്ങളെ സ്വയം അതിജീവിച്ച് പ്രവർത്തിക്കുവാൻ APSC 4.0 ( advanced pilot assistance system technology ) യുടെ പ്രത്യേകതയാണ്.

മുൻപ് ഉപയോഗിച്ചിരുന്ന വൈഫൈ പ്രോട്ടോക്കോൾ ടെക്നോളജി ആയ ബ്രിഡ്ജ് പ്രോട്ടോക്കോളിൽ നിന്നും വൃത്യസ്തമായി ഒക്കൂ സിംഗ് ലൂടെ വീഡിയോ ട്രാൻസ്മിഷൻ 1080p ക്വാളിറ്റിയിൽ കാണുവാനും സാധിക്കുന്നത് കമ്പനിയുടെ പുത്തൻ ടെക്നോളജി തന്നെയായി Dji ക് മാത്രം അവകാശപ്പെട്ട ഒന്നാണ്. 4ആന്റിനകളുടെ സഹായത്തോടെയാണ് 2.4Ghs, 5.8 Ghs എന്നീ ബാൻഡ് വിഡ്ത്തുകളിൽ 12km ദൂരത്തുനിന്ന് വരെയുള്ള തൽസമയ വീഡിയോ സംപ്രേക്ഷണവും നിയന്ത്രണവും സുഖമായി സാധ്യമാക്കുക. അതിൽ ഡി ജെ ഐ (DJI) കമ്പനിയോട് കിടപിടിക്കുവാൻ മറ്റു കമ്പനികൾക്ക് സാധിക്കാത്തത് ഇതിനാൽ മാത്രമാണ്. വളരെ വേഗത്തിൽ ഈ മേഖലയിൽ ഡ്രോൺ മറ്റ് അനുബന്ധ ഉൽപ്പന്നങ്ങളുമായി ഒന്നാം സ്ഥാനം നിലനിർത്തി മുന്നോട്ടു കുതിക്കുന്നത്. Dji അവതരിപ്പിച്ചിട്ടുള്ള വിവിധ ഉൽപ്പന്നങ്ങൾ കാര്യക്ഷമതയിലും ഗുണമേന്മയിലും ഇപ്പോഴും മുൻപന്തിയിൽ തന്നെ എന്ന് അനുമാനിക്കാം.


പോരായ്മകൾ.

വൺ ഇഞ്ച് സെൻസർ കളിൽനിന്നും 5.4k, 4.K ഇമേജുകൾ ക്രോപ് ഫാക്ടറി ലൂടെ ലഭ്യമാകുമ്പോൾ വളരെ മികച്ച ദൃശ്യാനുഭവം എന്ന് അവകാശപ്പെടാൻ കഴിയില്ല. ആക്ടീവ ട്രാക്ക്, പോയിന്റ് ഓഫ് ഇൻട്രസ്റ്റ് എന്ന ഓപ്ഷൻ 5.4k, 4k എന്ന റസല്യൂഷൻ ലഭ്യമല്ല.

ഇന്ത്യയിൽ നിലവിൽ അംഗീകൃത ്് സെയിൽസ് , സർവീസ് സെന്ററുകൾ മാവിക് മിനി സീരീസ് ഒഴികെ ഒന്നിനും ലഭ്യമല്ല. നിലവിലെ നിയമമനുസരിച്ച് ഡി ജെ ഐ യുടെ വിവിധ മോഡലുകൾ ഇറക്കുമതി ചെയ്യുന്നതിനും മറ്റ് വിദേശരാജ്യത്ത് നിന്ന് വാങ്ങി ഇവിടെ ഉപയോഗിക്കുന്നതിനും നിയന്ത്രണങ്ങൾ ഏറെയാണ്. സൈഡ് സെൻസർ ഇല്ല എന്നതും മറ്റൊരു പോരായ്മയാണ്.


അവലോകനം

ഒട്ടനവധി സവിശേഷതകൾ കൊണ്ട് ഈ മേഖലയിൽ DJI mavic 2Sപുതു വിപ്ലവത്തിന് മാറ്റ് കൂട്ടും എന്ന കാര്യത്തിൽ സംശയമില്ല. ഒരു ചെറിയ മോഡൽ ഡ്രോൺ ഇത്രയധികം ഉപഭോക്താവിനാവശ്യകാര്യം ഉൾപ്പെടുത്തി അവതരിപ്പിക്കുവാൻ ഡിജെഐ കംബനിക്ക് മാത്രമേ എളുപ്പത്തിൽ കഴിയൂ. എങ്കിലും ഇന്ത്യയിലെ നിലവിലെ നിയമവ്യവസ്ഥയിൽ ഇത്തരം ഉപകരണങ്ങൾ ഉപയോഗിക്കുന്നതിന് ചെറിയ ഇളവുകൾ നിലനിൽക്കുന്നുണ്ടെങ്കിലും DGCA ഈ കമ്പനിയെ നിലവിൽ ഉൾപ്പെടുത്താത്ത തിനാൽ ഇത്തരം മോഡലുകൾ ഇന്ത്യയിൽ സുഖമായി ഫോട്ടോഗ്രാഫി വീഡിയോഗ്രാഫി സിനിമ മേഖലകളിൽ ഉപയോഗിക്കുന്നതിനായി നിയമത്തിലെ ചില നിയന്ത്രണങ്ങൾ അനുവാര്യത ആണോ എന്ന് ആത്മപരിശോധന നടത്തേണ്ടിയിരിക്കുന്നു. ഒറ്റ ചാർജിൽ 31 മിനിറ്റ് ആണ് ബാറ്ററി ദൈർഘ്യം. 20mm wide angle lens ,In built 8 gb memmory.999 ഡോളറാണ് വില, fly മോർ combo 1299 ഡോളർ. 75000 രൂപയാണ് ഇന്ത്യൻ മാർക്കറ്റിലെ ഏകദേശ വില.


Research & Writing:

Yasar Amaurys
Phototech journalist

കൂടുതൽ വായന.

]]> https://photomalayalam.com/dji-mavic-air-2s/feed/ 0 റസല്യൂഷനും സ്പീഡും ഒരുമിച്ചു നൽകി സോണി A1 https://photomalayalam.com/sony-a1/ https://photomalayalam.com/sony-a1/#comments Sat, 31 Jul 2021 11:32:21 +0000 https://photomalayalam.com/?p=733
കൂടുതൽ മെഗാ പിക്സലുകൾ അടങ്ങിയ ഫുൾ ഫ്രെയിം ഹൈ റസല്യൂഷൻ ക്യാമറകൾ ആണ് സോണി R സീരീസിൽ ഉൾപ്പെടുന്നത്. ആൽഫ 7R, 7R-2, 7R-3, 7R-4 എന്നിവയാണ് ഈ സീരീസിൽ ഉള്ളത്. 61 മെഗാപിക്സലുള്ള ആൽഫ 7R 4 ന് സെക്കൻഡിൽ 10 ചിത്രങ്ങൾ (10 fps) എന്ന വേഗതയാണ് ഉള്ളത്. വേഗതയ്ക്ക് വേണ്ടി ഇറക്കിയിരിക്കുന്ന സോണി ആൽഫ 9 മാർക്ക്‌ 2 എന്ന ഫുൾ ഫ്രെയിം ക്യാമറക്കു സെക്കൻഡിൽ 20 ചിത്രങ്ങൾ (20 fps) എടുക്കാൻ കഴിയും എന്നാൽ ഇതൊരു 24 മെഗാ പിക്സൽ ക്യാമറ ആണ്.

വേഗതയോടൊപ്പം ഹൈ റെസൊല്യൂഷൻ എന്ന പരിമിതി മറികടക്കും വിധം, 50 മെഗാപിക്സെൽ ഫുൾ ഫ്രെയിം സെൻസറോഡ് കൂടിയ സോണി a1 സെക്കൻഡിൽ 30 ചിത്രങ്ങൾ (30 fps) എന്ന വേഗത നൽകുന്നു. ഇവിടെയാണ് a1 വ്യത്യസ്തമാകുന്നത്.


കൂടുതൽ വിവരങ്ങൾ നോക്കാം.

50.1MP (മെഗാപിക്സൽ) ഉള്ള Exmor RS CMOS ഫുൾ ഫ്രെയിം (full frame) സെൻസർ ആണ് a1 ഇൽ ഉൾപ്പെടുന്നത്. 3:2 അനുപാതത്തിൽ 8640 x 5760 റെസൊല്യൂഷൻ ചിത്രങ്ങളും 16:9 അനുപാതത്തിൽ 8760 x 4864 റെസൊല്യൂഷൻ ചിത്രങ്ങളും പകർത്തുവാൻ കഴിയും. JPEG, RAW എന്നിവക്ക് പുറമെ HEIF ഫോർമാറ്റും ഉൾപ്പെടുത്തിയിട്ടുണ്ട്. സെന്‍സറിന്റെ 92 ശതമാനം ഓട്ടോഫോക്കസ് (AF) കവറേജ് നൽകുന്ന ക്യാമറയ്ക്ക് 759 ഫെയ്‌സ് ഡിറ്റെക്ട് ഓട്ടോഫോക്കസ് പോയിന്റുകളും ഉണ്ട്. 5 ആക്സിസ് ഇൻ ബോഡി ഇമേജ് സ്റ്റെബിലിസിങ് (5-axis in-body image stabilisation) ഉൾപ്പെടുത്തിയിട്ടുണ്ട്.

ഇലക്ട്രോണിക് വ്യൂഫൈന്‍ഡറും മികവുറ്റതാക്കിയിട്ടുണ്ട്. ഏകദേശം 9.44 മില്യൺ ഡോട്സ് ഉള്ള വ്യൂ ഫൈൻഡർ 240 fps റിഫ്രഷ് റേറ്റ് ഉള്ളതാണ്. കണ്ടിന്യൂസ് ഷട്ടർ ഉപയോഗിച്ച് ചിത്രങ്ങൾ എടുക്കുമ്പോ ബ്ലാകൗട് ഉണ്ടാകില്ല.


വീഡിയോയുടെ കാര്യം നോക്കുകയാണെങ്കിൽ 4K യുടെ 4 മടങ്ങു റെസൊല്യൂഷൻ ഉള്ള 8K വീഡിയോ (7680×4320) 30p മോഡിൽ എടുക്കാം. റിയൽ ടൈം ട്രാക്കിങ്ങും റിയൽ ടൈം eye AF സൗകര്യവും ഉൾപ്പടെ ആണ് 8k റെക്കോർഡിങ് സാധ്യമാകുന്നത്. സ്ലോ മോഷന് വേണ്ടി 4K വീഡിയോസ് 120 fps ഇൽ എടുക്കാൻ കഴിയും. S-Log2, S-Log3 എന്നീ ലോഗ് ഫോർമാറ്റുകൾ ലഭ്യമാണ് 10bit വീഡിയോ എടുക്കാൻ സാധിക്കും. കളർ ഗ്രേഡിങ്ങിനു 8 bit വിഡിയോയെക്കാൾ വളരെ അധികം സാധ്യത ഉള്ളതാണ് ഇത്. 15+ ഡൈനാമിക് റേഞ്ച് ആണ് സോണി അവകാശപ്പെടുന്നത്. എക്സ്ടെർണൽ റെക്കോർഡറിന്റെ സഹായത്താൽ 16-bit RAW വീഡിയോ പകർത്തുവാൻ a1 നു കഴിയും.

ഇത്തരം പ്രോസസ്സുകൾ ചെയ്യുവാൻ വളരെ വേഗത നൽകുന്ന പ്രൊസസർ അത്യാവശ്യമാണ്. a1 ഇൽ ഉപയോഗിച്ചിരിക്കുന്ന സോണിയുടെ പുതിയ BIONZ XR പ്രൊസസർ സോണിയുടെ BIONZ X എന്ന മുൻ തലമുറ പ്രോസസറിനേക്കാൾ 8 മടങ്ങു വേഗത നൽകുന്നതായി സോണി അവകാശപ്പെടുന്നു.

സോണി a 1 ഇൽ കൊണ്ട് വന്ന ഏറ്റവും മികച്ച സംവിധാനങ്ങൾ.

1) ഇലക്ട്രോണിക് ഷട്ടർ ഫ്‌ളാഷ് സിങ്ക് (Flash sync with electronic shutter)

ഇലക്ട്രോണിക് ഷട്ടർ ഉപയോഗിക്കുന്നവരുടെ ഏറ്റവും വലിയ പരിമിതി ആയിരുന്നു ഫ്ലാഷ് ഉപയോഗത്തിന്റെ പരിമിതി. ഇലക്ട്രോണിക് ഷട്ടറിൽ ഹൈ സ്പീഡ് ഫ്‌ളാഷ് സിങ്ക് സാധ്യമാകുന്ന സംവിധാനം സോണി a 1 ക്യാമെറയിൽ വരുത്തിയിരിക്കുന്നു

2) ആന്റി ഡിസ്ട്രോഷെൻ ഷട്ടർ (Anti-distortion Shutter)

ഇലക്ട്രോണിക് ഷട്ടർ മോഡിൽ ചിത്രം എടുക്കുമ്പോ ചിത്രത്തിൽ വരുന്ന ഡിസ്ട്രോഷെൻ (വേഗത്തിൽ ചലിക്കുന്ന ഒബ്ജക്റ്റുകൾക്കു വളവു സംഭവിക്കുന്ന പ്രതിഭാസം) വളരെ അധികം കുറക്കുന്ന സംവിധാനം ആണ് ഇത്. സോണിയുടെ a 9 മാർക്ക് 2 വിനേക്കാൾ 1.5 മടങ്ങു മികച്ച രീതിയിൽ ആന്റി ഡിസ്ട്രോഷേൻ പ്രവർത്തിക്കും.

3) ഫ്ലിക്കർ ഫ്രീ ഷട്ടർ (Flicker-free electronic and mechanical shutters)

ഫ്ലൂറസെന്റ് ലൈറ്റൊ മറ്റു ആർട്ടിഫിഷ്യൽ ലൈറ്റുകളോ ഉപയോഗിച്ച് ചിത്രങ്ങൾ എടുക്കുമ്പോ ചിത്രത്തിൽ കാണാറുള്ള ഫ്ലിക്കറിങ് ഒഴിവാക്കുന്ന സംവിധാനം.

ഇന്ത്യൻ വിപണി വില 559,990 രൂപ ആണ്.

കൂടുതൽ വായന.

]]> https://photomalayalam.com/sony-a1/feed/ 1 4k വീഡിയോയുമായി മാവിക് മിനിയുടെ രണ്ടാം പതിപ്പ് എത്തി – DJI Mavic Mini 2 https://photomalayalam.com/dji-mavic-mini-2-4k-video/ https://photomalayalam.com/dji-mavic-mini-2-4k-video/#respond Mon, 09 Nov 2020 05:58:43 +0000 https://photomalayalam.com/?p=669
ഡി ജി സി എ യുടെ (Directorate General of Civil Aviation) നിയമപ്രകാരം, 250 ഗ്രാമിൽ താഴെ ഉള്ള നാനോ (Nano) വിഭാഗത്തിൽ പെടുന്ന ഡ്രോൺ ആയി ഡി ജെ ഐ (DJI) അവതരിപ്പിച്ചതാണ് മാവിക് മിനി (DJI Mavic Mini) ഡ്രോൺ. ഡ്രോണുകളിലെ കുഞ്ഞൻ ഡി ജെ ഐ (DJI) മാവിക് മിനി യുടെ രണ്ടാം പതിപ്പ് ഡി ജെ ഐ മാവിക് മിനി 2 (DJI Mavic Mini 2) പുറത്തിറങ്ങി.

DJI mavic mini 2
രൂപത്തിലും ഭാരത്തിലും കാര്യമായി മാറ്റങ്ങൾ ഒന്നും ഇല്ല എങ്കിലും സൗകര്യങ്ങളിൽ 4k വീഡിയോ ഉൾപ്പടെ വളരെ അധികം അപ്ഡേറ്റഡ് ആയി ആണ് മിനി 2 വന്നിരിക്കുന്നത്. 3 ആക്സിസ് ഗിമ്പലിൽ (3-Axis Motorized Gimbal) ഉറപ്പിച്ച കാമറ ആണ് ഇതിനു ഉള്ളത്. 1/2.3 ഇഞ്ച് സെന്സറില് 12 മെഗാപിക്സല് റോ (DNG) ഫോട്ടോ പകര്ത്താന് കഴിയും.m

Dji Mavic air 2 side
ഡ്രോണിൽ നിന്നും നവീകരിച്ച റിമോട്ട് കോൺട്രോളറിലേക്കു വീഡിയോ ട്രാൻസ്മിറ് ചെയ്യാൻ ഒക്യൂ സിങ്ക് 2.0 (OcuSync 2.0) എന്ന പുതിയ സാങ്കേതികവിദ്യ ഉപയോഗിക്കുന്നതിനാൽ മുൻപ് ഉണ്ടായിരുന്നതിനേക്കാൾ കൂടുതൽ ദൂരത്തു നിന്നും വീഡിയോ സ്ട്രീമിംഗ് സാധ്യമാകും. പറക്കുന്ന വേഗതയിലും ബാറ്ററി ക്ഷമതയിലും പുതിയ ഡ്രോൺ അല്പം കൂടി മികവ് കാണിക്കുന്നുണ്ട്.

ഡ്രോൺ പറക്കുന്ന സമയത്തു തടസങ്ങളിൽ തട്ടാതെ നീങ്ങാനായി ഉള്ള സെൻസറുകൾ മാവിക് മിനി 2 വിൽ പഴയ മാവിക് മിനിയുടെ അവസ്ഥയിൽ തന്നെ ആണ്. അതായത് വശങ്ങളിലേക്കോ മുന്നിലേക്കോ മുകളിലേക്കോ തടസം മനസിലാക്കാൻ ഉള്ള സെൻസറുകൾ ഇല്ല. പറക്കുന്ന അവസ്ഥയിൽ ഡ്രോൺ സ്ഥായിയായി നില്കുന്നതിനും താഴേക്ക് തടസങ്ങൾ ഉണ്ടോ എന്ന് മനസിലാക്കുന്നതിനും ഉള്ള സെൻസർ മാത്രമാണ് ഉള്ളത്. 249 ഗ്രാമിന് ഉള്ളിൽ നിർത്തി ഡ്രോൺ നിർമിക്കുമ്പോൾ ചെയ്യേണ്ടി വന്ന വിട്ടുവീഴ്ച ആയിരിക്കാം അത്.

കാര്യമായ ഒരു വെത്യാസം കാണുന്ന മറ്റൊരു ഭാഗം വീഡിയോ തന്നെ ആണ്. 4k / 30 P വീഡിയോ എന്നതിന് പുറമെ 100 Mbps ബിറ്റ് റേറ്റിൽ വരെ വീഡിയോ എടുക്കാൻ കഴിയും എന്നത് വേർഷൻ 1 ഇൽ നിന്നും മാവിക് മിനി 2 നെ വ്യത്യസ്തമാക്കുന്നു. മാവിക് മിനി 1 നു പരമാവധി 40 Mbps ബിറ്റ് റേറ്റ് ആയിരുന്നു ഉണ്ടായിരുന്നത്. ഈ വെത്യാസം ലൈവ് വീഡിയോ ബിറ്റ് റേറ്റിലും കാണാനാകും.

പോക്കറ്റിൽ ഒതുക്കാവുന്ന ഈ കുഞ്ഞൻ ഡ്രോണിൽ വ്യത്യസ്ത തരത്തിൽ മുൻകൂട്ടി പ്രോഗ്രാം ചെയ്ത ഷൂട്ടിംഗ് മോഡുകള് ചേർത്തിട്ടുള്ളതിനാൽ തുടക്കക്കാർക്ക് സിനിമാറ്റിക് ഷോട്ടുകൾ എടുക്കുവാനും പനോരമ, 180 ഡിഗ്രി പോലെ ഉള്ള ഫോട്ടോസ് പകർത്തുന്നതിനും സൗകര്യം ഒരുക്കുന്നു.

ഡി ജെ ഐ ( DJI ) യുടെ വെബ് സ്റ്റോറിൽ 449 ഡോളർ ആണ് ബേസിക് കിറ്റിന്റെ വില.

കൂടുതൽ വായനക്ക്.

]]> https://photomalayalam.com/dji-mavic-mini-2-4k-video/feed/ 0 ചെറിയ ബോഡിയിൽ ഫുൾ ഫ്രെയിം കാമറ, സോണി a7C പുറത്തിറങ്ങി. https://photomalayalam.com/a7c-compact-full-frame-camera-%ce%b17c/ https://photomalayalam.com/a7c-compact-full-frame-camera-%ce%b17c/#comments Thu, 17 Sep 2020 03:16:02 +0000 https://photomalayalam.com/?p=595
ഒപ്റ്റിക്കൽ ഇൻ ബോഡി സ്റ്റെബിലൈസേഷനോട് (IBIS) കൂടിയ ലോകത്തിലെ ഏറ്റവും ചെറുതും ഭാരം കുറഞ്ഞതുമായ ലെന്സ് മാറ്റാവുന്ന ഫുൾ ഫ്രെയിം മിറർലെസ്സ് ക്യാമറ സോണി a7C (ആൽഫ 7C) പുറത്തിറക്കി. (full-frame interchangeable-lens digital cameras with optical in-body image-stabilisation mechanism.)

a7C (Alpha α7C)

കാഴ്ചയിൽ സോണിയുടെ a6600 യോട് ചേരുന്ന രൂപം. ഉള്ളിൽ a7-3 യെ പുതുക്കിയതാണോ എന്ന് തോന്നിപ്പിക്കും വിധം സംവിധാനങ്ങൾ. ഇതാണ് സോണിയുടെ പുതിയ ഫുൾ ഫ്രെയിം മിറർ ലെസ്സ് ക്യാമറ.

sony a7c vs a6600 front
ചെറിയ (കോംപാക്ട്) ക്യാമെറകൾ ഇഷ്ടപ്പെടുന്നവർക്കും APSc യിൽ നിന്ന് ഫുൾ ഫ്രെയിമിലേക്ക് അപ്ഗ്രേഡ് ചെയ്യണം എന്ന് ആഗ്രഹിക്കുന്നവർക്കും sony a7-C ഇഷ്ടമാകും. മറ്റു ഫുൾ ഫ്രെയിം മിററ്റ്ലെസ് ക്യാമെറകളെ അപേക്ഷിച്ചു വ്ളോഗിംഗിന് ഒരു ഫുൾ ഫ്രെയിം ക്യാമറ കരുതണം എന്ന് ആഗ്രഹിക്കുന്നവർക്കും ഇത് ഒരു നല്ല മോഡൽ ആണ്. വ്ളോഗിംഗിന് ഒരുപാടു ഉപകരിക്കുന്ന പുറത്തേക്കു തുറക്കാവുന്ന വേരി ആംഗിൾ ഡിസ്പ്ലേ ആണ് ക്യാമെറയിൽ ഉള്ളത്. ഈ അടുത്ത് അവതരിപ്പിച്ച സോണിയുടെ a7S3 യിലും ഇത്തരത്തിൽ ഉള്ള ഡിസ്പ്ലേ ആയിരുന്നു ഉള്ളത്. ഇനി കുറച്ചു ഡീറ്റൈലിലേക്കു പോകാം.

കാഴ്ച്ചയിൽ a6600 എന്ന് പറഞ്ഞത് കൊണ്ട് താരതമ്യം അവിടെ നിന്ന് തന്നെ തുടങ്ങാം.
124 mm വീതി ഉണ്ട് a7C ക്കു സോണിയുടെ a6600 ക്കു 120 mm ആണ്. വളരെ ചെറിയ വെത്യാസം മാത്രം. 509 ഗ്രാം ഭാരം ആണ് a7C ക്കു ഉള്ളത് a6600 ക്കു 503 ഗ്രാം. അതായത് a6600 ഉപയോഗിച്ച ആൾക്ക് വലുപ്പത്തിലും ഭാരത്തിലും വെത്യാസം തോന്നില്ല. a6600 യിൽ കണ്ട രീതിയിൽ നിന്നും ബട്ടണുകളുടെ സ്ഥാനങ്ങളിൽ മാറ്റം വരുത്തിയിട്ടുണ്ട്. a6600 യുടെ മുകളിലും മുന്നിലും ഉള്ള കസ്റ്റം ബട്ടണുകൾ a7C യിൽ നിന്നും ഒഴിവാക്കിയിരിക്കുന്നു.

a6600 vs a7c top button
ഇനി ക്യാമറക്കു ഉള്ളിൽ ഒരുക്കിയിരിക്കുന്ന സംവിധാനങ്ങൾ പരിശോധിക്കാം. ഇത് സോണി a7-III ക്യാമെറയുമായി താരതമ്യം ചെയ്തു നോക്കിയാൽ കാര്യങ്ങൾ എളുപ്പം മനസിലാക്കാം.
സോണി a7-III ക്യാമെറയിൽ ഉപയോഗിച്ചിരിക്കുന്നതു പോലെ 24.2 മെഗാ പിക്സൽ ഫുൾ ഫ്രെയിം സിമോസ് സെൻസർ (24.2 megapixels, 35 mm full frame Exmor R CMOS sensor) ആണ് a7C യിലും ഉള്ളത്.

വീഡിയോ മോഡിലും ഫോട്ടോ മോഡിലും നോർമൽ ISO 100 മുതൽ 51200 വരെ ആണ്.
14 bit RAW, JPEG എന്നീ ഫോര്മാറ്റുകളിൽ ചിത്രങ്ങൾ എടുക്കാം. കാനൻ (Canon) ക്യാമെറകളിൽ കാണുന്ന പുതുതായി ഉൾപ്പെടുത്തി കാണുന്ന HEIF ഫോർമാറ്റ് ഉൾപ്പെടുത്തിയിട്ടില്ല. സെക്കൻഡിൽ തുടർച്ചയായി (CONTINUOUS DRIVE SPEED) 10 ചിത്രങ്ങൾ വരെ പകർത്തുവാൻ കഴിയും. 1/4000 ആണ് പരമാവധി ഷട്ടർ സ്പീഡ്. 7M-3 യിൽ 1/8000 വരെ കഴിയും.
ഇനി വിഡിയോഗ്രഫിയുടെ കാര്യം നോക്കിയാൽ 4k വീഡിയോ (3840 x 2160 (4:2:0, 8 bit)) 30 ഫ്രെയിംസിൽ റെക്കോർഡ് ചെയ്യാൻ കഴിയും. എന്നാൽ 4K, 60 ഫ്രെയിം സ്പീഡ് ലഭ്യമല്ല. സ്ലോ മോഷൻ എടുക്കണമെങ്കിൽ റെസൊല്യൂഷൻ ഫുൾ എഛ് ഡി (Full HD) യിലേക്ക് മാറ്റേണ്ടതായി വരും. ഫുൾ HD (1920 x 1080) റെസൊല്യൂഷനിൽ 120p സ്പീഡ് ലഭിക്കും. 5 മടങ്ങു വരെ സ്ലോ മോഷൻ വീഡിയോ എടുക്കാൻ ഇത് സഹായിക്കും. a7M-3 യിലും സമാനമായ സൗകര്യം ആയിരുന്നു സോണി നൽകിയിരുന്നത്. XAVC S മോഡിൽ ആണ് വീഡിയോ റെക്കോർഡ് ആകുക.

a7M-3 യിലെ പോലെ തന്നെ 5 ആക്സിസ് ഇൻ ബോഡി സ്റ്റെബിലൈസേഷൻ (5-axis IBIS) ഉണ്ട് എന്ന്   പറഞ്ഞിരുന്നു.

ഓട്ടോ ഫോക്കസ് (AF) ..
സോണിയുടെ പുതു തലമുറ ക്യാമെറകളൊന്നും ഫോക്കസിന്റെ പേരിൽ പരാതി കേൾപ്പിച്ചിട്ടില്ല. അതിൽ a7M-3 യെക്കാൾ ഒരു പടി മുൻപിൽ ആണ് a7-C. ഇമേജിന്റെ 93 ശതമാനവും ഉൾകൊള്ളുന്ന ഓട്ടോ ഫോക്കസ് (AF) ഏരിയ ആണ് 693 ഫേസ് ഡിറ്റക്ഷൻ ഓട്ടോ ഫോക്കസ് പോയ്ന്റ്സ് ആയി a7C ക്കു ഉള്ളത്. ചിത്രങ്ങൾക്ക് മൃഗങ്ങളുടെ ഐ ഫോക്കസിംഗും വീഡിയോക്കു മനുഷ്യരുടെ ഐ ഫോക്കസിംഗും ലഭിക്കും എന്ന പുതുമയും ഉണ്ട് (EYE AF Human (Right/Left Eye Select)).

a6600 ബോഡിയിൽ കണ്ടത് പോലെ തന്നെ ഒരു മെമ്മറി കാർഡ് സ്ലോട്ട് മാത്രമേ a7c യിൽ ഉള്ളു (UHS-I/II compliant memory card).
3 ഇഞ്ച് വൈഡ് TFT വേരി ആംഗിൾ ഡിസ്പ്ലേയോടൊപ്പം 1 cm ഇലക്ട്രോണിക് വ്യൂ ഫൈൻഡറും ആണ് a7C യിൽ ഉള്ളത് (1 cm electronic viewfinder XGA OLED). സോണിയുടെ ഫുൾ ഫ്രെയിം ക്യാമെറയിൽ കണ്ടു വരുന്ന NP-FZ100 എന്ന ബാറ്ററി ആണ് a7c ക്കും പവർ നൽകുന്നത്.
28 – 60 mm സൂം 4-5.6 വേരിയബിൾ അപ്പേർച്ചർ ഉള്ള ലെൻസാണ് കിറ്റ് ലെൻസായി വരുന്നത്.
$ 1799, US ഡോളർ ആണ് വില ഇത് ഇന്ത്യൻ രൂപയിലേക്കു മാറ്റിയാൽ 132300 രൂപ ആണ് വരുക. ഇന്ത്യൻ വിലയുടെ ഏകദേശ ധാരണ ഇതിൽ നിന്നും ലഭിക്കുമല്ലോ. ഇന്ത്യൻ വിപണി വില ഇതാകണം എന്നില്ല. കാമറ ഉടനെ തന്നെ ഇന്ത്യൻ വിപണിയിൽ എത്തിക്കും എന്ന് സോണി അറിയിച്ചു.
ഒരു ഫുൾ ഫ്രെയിം സോണി ക്യാമെറ ലോ ബഡ്ജറ്റിൽ സ്വന്തമാക്കാൻ ആഗ്രഹിക്കുന്നവർക്കും, ക്വാളിറ്റിയിലും സൗകര്യങ്ങളിലും ഒരു കോംപ്രമൈസും ഇല്ലാതെ എല്ലാം കൊണ്ടും ഒതുങ്ങിയ ഒരു സോണി ഫുൾ ഫ്രെയിം ക്യാമെറ വേണം എന്ന് ആഗ്രഹിക്കുന്നവർക്കും ഒരു ബെസ്ററ് ചോയ്സ് ആയി തന്നെ സോണി a7C യെ കാണാം.
കൂടുതൽ വായനക്ക്.

]]> https://photomalayalam.com/a7c-compact-full-frame-camera-%ce%b17c/feed/ 1 വേണ്ടതെല്ലാം ചേർത്ത് സോണി എ 7എസ് മാർക്ക് 3 ഇറങ്ങി. https://photomalayalam.com/sony-a7s-iii-mark-3-4k-120-full-frame/ https://photomalayalam.com/sony-a7s-iii-mark-3-4k-120-full-frame/#comments Tue, 11 Aug 2020 02:53:54 +0000 https://photomalayalam.com/?p=579
a7S, a7M, a7R, a9 സോണി ഈ മൗണ്ട് (E-mount) മിറർ ലെസ്സ് ക്യാമറകൾ ഇങ്ങനെ പ്രധാനമായും 4 സീരീസ് ആയി ആണ് വരുന്നത്. ഇതിൽ സോണി ഏറ്റവും കൂടുതൽ വീഡിയോയ്ക്ക് പ്രാധാന്യം നൽകുന്ന സീരീസ് ആണ് “S” സീരീസ് എന്ന് നിസംശയം പറയാം. a7s III ഇതിൽ “S” എന്നത് സെന്സിറ്റിവിറ്റി (പ്രകാശവുമായി പെട്ടെന്നു പ്രതികരിക്കുന്ന) എന്ന ആശയം മുന്നോട്ടു വെക്കുന്നവ ആണ്. എന്നാൽ ഈ മൂന്നാം തലമുറ ക്യാമറക്കു സുപ്രീം (supreme) എന്ന് കൂടി സോണി വിശേഷണം നൽകുന്നു.

a7s III

2015 ഇല് a7S രണ്ടാം വേർഷൻ a7S-2 ഇറങ്ങിയത് ശേഷം 2020 ഇൽ ജൂലൈ 28 ന് ആണ് അടുത്ത മോഡൽ ആയ a7S-3 (a7s Mark III) സോണി അവതരിപ്പിച്ചത്. 120 ഫ്രെയിം സ്ലോ മോഷൻ 4K യും പുറത്തേയ്ക്കു തുറക്കാവുന്ന തരത്തിൽ വേരി ആംഗിൾ ഡിസ്പ്ലേയും (Vari-angle LCD monitor) ഒക്കെ ചേർത്തു ഒട്ടേറെ പുതുമകളും ആയി ആണ് a7S-3 യുടെ വരവ്.

ഇനി കുറച്ചു ഡീറ്റൈൽ നോക്കാം.

12.1 മെഗാപിക്സൽ ഉള്ള ബാക് ഇല്ല്യൂമിനേറ്റഡ് ഫുൾ ഫ്രെയിം സിമോസ് സെൻസർ (Back-illuminated Exmor RTM) ആണ് a7S 3 യിൽ ഉള്ളത്. പഴയ വേർഷനേക്കാൾ (7S-2) രണ്ടിരട്ടി റീഡൗട് സ്പീഡ് ഉണ്ട്. ഒപ്പം ലോ ലൈറ്റ് പെർഫോമെൻസ് കിട്ടും വിധത്തിൽ പുതുതായി വികസിപ്പിച്ചത് ആണ് ഇത്. സോണിയുടെ ലോഗ് ഫോർമാറ്റ് S-Log 3 യിൽ ഷൂട്ട് ചെയ്തു ലഭിച്ച റിസൾട്ട് പ്രകാരം 15+ സ്റ്റോപ്പ് ഡൈനാമിക് റേഞ്ച് ക്യാമറ നൽകുന്നുണ്ട്. ഇതിൽ ഉപയോഗിച്ചിരിക്കുന്ന സോണിയുടെ BIONZ XR എന്ന പുതിയ പ്രൊസസർ സോണിയുടെ പഴയ BIONZ X ഇനേക്കാൾ 8 മടങ്ങു ശേഷി ഉള്ളതാണ്.

വീഡിയോയുടെ കാര്യത്തിലേക്കു വരാം.

ലൈൻ സ്കിപ്പിംഗ് അല്ലെങ്കിൽ പിക്സൽ ബൈൻഡിങ് എന്നിവ ഇല്ലാതെ ഫുൾ പിക്സൽ റീഡ് ചെയ്തു 4K 60p വീഡിയോ 7S-3 യിൽ റെക്കോർഡ് ചെയ്യുന്നു. 102400 വരെ നോർമൽ ആയും 409600 വരെ കൂട്ടാവുന്നതും ആയ (Auto, 80-102400 (expands to 40-409600)) ISO ആണ് ക്യാമറക്കു ഉള്ളത്. 10 ബിറ്റ് (10bit) 4:2:2 കളർ സംബ്ലിങ് All-I വീഡിയോ എല്ലാ ഫ്രെയിം റേറ്റിലും റെസല്യൂഷനിലും (FHD/4K) എടുക്കാൻ സാധിക്കും. കളർ ഗ്രേഡിങ്ങിനു 8 ബിറ്റ് (8bit) വിഡിയോയെക്കാൾ 4 മടങ്ങു സാധ്യത ഇത് നൽകുന്നു. 4k വീഡിയോ 120p ഫ്രെയിം റേറ്റിലും (10% ക്രോപ്) ഫുൾ എഛ് ഡി (FHD) 240p ഫ്രെയിം റേറ്റിലും സ്ലോ മോഷന് വേണ്ടി എടുക്കാം. ഇതിന് പുറമെ HDMI ഔട്ട്പുട്ട് ആയി 16 ബിറ്റ് റോ (16 bit RAW) 60p വീഡിയോയും ലഭിക്കുന്നു. H265 കമ്പ്രഷൻ ചെയ്യുന്ന കോടെക് ഉപയോഗിച്ച് XAVC HS ഫോർമാറ്റിൽ റെക്കോർഡ് ചെയ്യാൻ സാധിക്കും. ഇത് വീഡിയോയുടെ ഫയൽ സൈസ് വളരെ അധികം കുറഞ്ഞു കിട്ടാൻ സഹായിക്കുന്നു. ഇൻസ്റ്റന്റ് HDR സോലൂഷൻ ആയി 10-bit HLG (HDR) ലഭിക്കും.

ഓട്ടോ ഫോക്കസ് (AF)

സ്ലോ മോഷൻ വിഡിയോയിൽ ഉൾപ്പടെ ഐ ഫോക്കസിങ് റിയൽ ടൈം ട്രാക്കിങ് തുടങ്ങിയ എ എഫ്  സംവിധാനങ്ങൾ മുൻ ക്യാമെറയെക്കാൾ 30% മികച്ച രീതിയിൽ പ്രവൃത്തിക്കുമെന്നു സോണി അവകാശപ്പെടുന്നു. 759 AF പോയിന്റുകൾ സെൻസറിൻറെ 92% കവർ ചെയ്യുന്ന തരത്തിലാണ് ആണ് ഉള്ളത്.

ഇൻ ബോഡി സ്റ്റബിലൈസിങ്ങ് (IBIS)

സ്റ്റബിലൈസിങ്ങ് കാര്യത്തിൽ സോണി മുപെ ഇൻ ബോഡി സ്റ്റബിലൈസിങ്ങ് (IBIS) നല്കുന്നുണ്ട്. 5 ആക്സിസ് സെൻസർ ഷിഫ്റ്റ് സ്റ്റബിലൈസിങ്ങ് ഇതിനും തീർച്ചയായും ഉൾപ്പെടുത്തിയിരിക്കുന്നു. 5.5 സ്റ്റോപ് സ്റ്റബിലൈസിങ്ങ് ആണ് ക്യാമറ നൽകുന്നത്. ഇതിന് പുറമെ പുതിയ ആക്റ്റീവ് സ്റ്റബിലൈസിങ്ങ് ചേർത്തിരിക്കുന്നു. ചെറിയ ഒരു ക്രോപ് ഉണ്ടാകും. റോളിങ്ങ് ഷട്ടർ എഫ്ഫെക്ട് പ്രശ്നം a7S-2 നേക്കാൾ മൂന്നുമടങ്ങ് പരിഹരിച്ചിട്ടുണ്ട്.

എടുത്തു പറയത്തക്ക മാറ്റമാണ് മോണിറ്റർ ഡിസ്പ്ലേയിൽ വന്നിട്ടുള്ളത്.
പുറത്തേയ്ക്കു തുറക്കാവുന്ന 3 ഇഞ്ച് ടച്ച് സ്ക്രീൻ 1.44 മില്യൺ ഡോട് ഡിസ്പ്ലേ ആണ് (Fully articulated Vari-Angle LCD) a7S-3 ക്ക് ഉള്ളത്. ഈ ഡിസ്പ്ലേ വീഡിയോഗ്രാഫർ മാരെ ഒരുപാട് സഹായിക്കും. മുൻപുള്ള മോഡലുകളിൽ ടച്ച് ഫോക്കസ് ഉണ്ടാകുമെങ്കിലും ടച്ച് ഉപയോഗിച്ച് മെനു നിയന്ത്രിക്കാൻ കഴിയുമായിരുന്നില്ല. വീഡിയോ മോഡിലേക്കും സ്റ്റിൽ മോഡിലേക്കും ക്യാമറ മാറ്റുന്നതിന് അനുസരിച്ച് മെനു സംവിധാനവും സൗകര്യാർത്ഥം മാറും. 9.44 മില്യൺ ഡോട് QXGA ഇലക്ട്രോണിക് വ്യൂ ഫൈൻഡർ (EVF) ആണ് നൽകിയിരിക്കുന്നത്. ഇത്തരത്തിലുള്ള ഈ വി എഫ് ആദ്യമായാണ് ഉപയോഗിക്കുന്നത് എന്ന് സോണി അവകാശപ്പെടുന്നു.

ഇനി ഫോട്ടോഗ്രാഫർമാർക്ക് വേണ്ടി സ്റ്റിൽ വിശേഷങ്ങൾ നോക്കാം.
വീഡിയോ സവിശേഷത ആയി പറഞ്ഞ ലോ ലൈറ്റ് പെർഫോമൻസ് ഇവിടെയും ബാധകം ആണ് എന്ന് എടുത്തു പറയേണ്ടതില്ല. 80 മുതൽ 102400 വരെ പോകുന്ന നോർമൽ ഐ എസ് ഒ (ISO) 40 മുതൽ 409600 വരെ എക്സ്പാൻഡബിൾ ആണ്.
JPEG, HEIF, RAW (Sony ARW 4.0 format compliant) എന്നീ ഫോർമാറ്റുകളിൽ സ്റ്റിൽ ഇമേജുകൾ പകർത്തുവാൻ കഴിയും. പരമാവധി 4240×2832 പിക്സൽ വരെ ആണ് റെസല്യൂഷൻ ലഭിക്കുക. ഇവിടെ ആണ് വെഡ്ഡിംഗ് ഫോട്ടോഗ്രാഫർമാർക്ക് ഒരു ചെറിയ ബുദ്ധിമുട്ട് ഉണ്ടാകാൻ സാധ്യത ഉള്ളത്.
നിലവിൽ നമ്മൾ ഉപയോഗിക്കുന്നതും പുതിയത് ആയി ഇപ്പൊൾ കൂടുതൽ ശ്രദ്ധ പതിയുന്നതും ആയ മറ്റ് കാമറകൾ ആയി താരതമ്യപ്പെടുത്തിയാൽ റെസല്യൂഷൻ വളരെ കുറവാണ്. 12 മെഗാ പിക്സൽ ശേഷിയുമായി വന്ന സെൻസർ ആണ് ഇവിടെ വില്ലൻ.
Sony a7M III – 6000 x 4000
Canon 5D-IV – 6720 x 4480
Canon R5 – 8192 x 5464
Sony a7R IV – 9504 x 6336

15×24 ഇഞ്ച് സൈസിൽ 300 പിക്സൽ റെസല്യൂഷനിൽ ഒരു ആൽബം പേജ് ഡിസൈന് ചെയ്യുന്ന ആൾക്ക് a7s3 യുടെ ചിത്രം ട്രാൻസ്ഫോം ചെയ്യാതെ വെച്ചാൽ പേജിന്റെ പകുതിയിലും ചെറുതായിരിക്കും വരുക. 200 പിക്സൽ റെസല്യൂഷനിൽ ഡിസൈൻ ചെയ്താലും പേജ് നിറയില്ല. ട്രാൻസ്ഫോം ചെയ്യേണ്ടി വരും. ഇത് ചെറിയ നിരാശ ചിലരിൽ എങ്കിലും വരുത്തും.
sony 7s 3 info
രണ്ട് മെമ്മറി കാർഡ് സ്ലോട്ടുകൾ ആണ് ഉള്ളത്. ഇതിൽ സി എഫ് എക്സ്പ്രസ്സ് ടൈപ്പ് എ (CFexpress Type A) കാർഡുകളോ SDXC / SDHC കാർഡുകളോ (UHS-I and UHS-II speed classes) ഉപയോഗിക്കാം.
സോണിയുടെ NP-FZ100 എന്ന മോഡൽ  ബാറ്ററി ആണ് ഉപയോഗിച്ചിരിക്കുന്നത്. പുറത്തുനിന്നു യൂ എസ് ബി വഴി (USB Type-C Terminal) ചാർജ് ചെയ്തു കൊണ്ട് വർക്ക് ചെയ്യാൻ സാധിക്കും.

ഒരു സോണി മിറർലെസ്സ് ഉപയോഗിക്കുന്ന വിഡിയോഗ്രാഫർ ആഗ്രഹിച്ചിരിക്കാൻ വഴിയുള്ള എല്ലാ മാറ്റങ്ങളും വരുത്തി ആണ് എ 7എസ് മാര്‍ക്ക് 3 വന്നിരിക്കുന്നത് എന്ന് നിസംശയം പറയാം.

$3,498 യു എസ് ഡോളർ വില വിദേശ വെബ്സൈറ്റുകൾ ബോഡിക്കു പറയുന്നുണ്ട്. ഇന്ത്യൻ വിപണി വില പറയാറായിട്ടില്ല എങ്കിലും ഏകദേശം 3 ലക്ഷം പ്രതീക്ഷിക്കാം.
കൂടുതൽ വായനക്ക്.

Tags

camera, sony, Mirrorless, E-mount

]]> https://photomalayalam.com/sony-a7s-iii-mark-3-4k-120-full-frame/feed/ 1 8K വിഡിയോയും ആയി കാനൻ EOS R5 ഇറങ്ങി. https://photomalayalam.com/8k-video-canon-eos-r5-ibis/ https://photomalayalam.com/8k-video-canon-eos-r5-ibis/#comments Thu, 30 Jul 2020 10:30:59 +0000 https://photomalayalam.com/?p=564
കാനൻ ക്യാമെറകളിൽ ഈ അടുത്ത് ഏറ്റവും കൂടുതൽ ചർച്ച ചെയ്യപ്പെട്ട മിറർ ലെസ്സ് കാമറ ആണ് EOS R5. കാനൻ ആദ്യ ഫുൾ ഫ്രെയിം മിറർ ലെസ്സ് കാമറ EOSR ഇറക്കിയപ്പോഴോ ഈ അടുത്ത് 1DX മാർക്ക് 3 ഇറക്കിയപ്പോഴോ ഇത്രയധികം ചർച്ചയോ അഭ്യുഹങ്ങളോ ഉണ്ടായിട്ടില്ല. ഒരു പക്ഷെ കാനൻ കമ്പനി ഔദ്യോഗികമായി അറിയിച്ച ശേഷം കാമറ ഇറങ്ങുവാൻ ആയി കോവിഡ്-19 മൂലം ഉണ്ടായതെന്ന് കരുതപ്പെടുന്ന കാലതാമസവും ഇതിനു ഒരു കാരണം ആകാം.

EOS R5 നെ പറ്റി മുൻപ് എഴുതിയപ്പോൾ ഈ ക്യാമറയെ പറ്റി വളരെ ചുരുങ്ങിയ വിവരങ്ങളെ നമുക്ക് ലഭ്യമായിരുന്നുള്ളു. കഴിഞ്ഞ ജൂലൈ 9 – ആം തീയതി കാനൻ EOS R5, EOS R6 ഉൾപ്പടെ കുറച്ചു അധികം പ്രൊഡക്ടുകൾ അവതരിപ്പിച്ചു.

8 കെ റോ (8K RAW), ഇൻ ബോഡി ഇമേജ് സ്റ്റെബിലൈസേഷൻ (IBIS), പുതിയ 45 എം പി സെൻസർ, ഒരു സെക്കൻഡിൽ മെക്കാനിക്കൽ ഷട്ടർ ഉപയോഗിച്ച് 12 സ്റ്റിൽ (12fps Mechanical Shutter), ഇലക്ട്രോണിക് ഷട്ടറിൽ 20 സ്റ്റിൽ (20fps Silent Shutter) തുടങ്ങി ഒട്ടനവധി പുതുമകളോട് കൂടി കാനൻ “Born to rule” (ഭരിക്കാൻ ജനിച്ചു) എന്ന അടിക്കുറിപ്പിൽ അവതരിപ്പിക്കുന്ന പ്രൊഫഷണൽ മിറർലെസ്സ് ക്യാമറ ആണ് EOS R5.

ഇനി ക്യാമറയെ കുറച്ചു വിശദമായി മനസിലാക്കാം.

45 മെഗാപിക്സലോട് കൂടി കാനൻ പുതിയതായി വികസിപ്പിച്ച സെൻസർ ആണ് ആദ്യം എടുത്തു പറയേണ്ടത്. 8192 X 5464 റെസൊല്യൂഷൻ ചിത്രങ്ങളും 8K വിഡിയോയും എടുക്കാൻ EOS R5 നെ പ്രാപ്തമാക്കുന്നത് ഈ സെൻസർ ആണ്.

കാനൻ 1DX Mark 3, EOS R6 എന്നീ ക്യാമറകളിൽ ഉപയോഗിക്കുന്ന പ്രൊസസർ ആണ് കാനൻ ഡിജിക് 10 (Canon DIGIC X). ഇതേ പ്രൊസസർ ആണ് EOS R5 ഇലും ഉപയോഗിക്കുന്നത്.

8K RAW Video.

EOS R5 ഇൽ ഏറ്റവും കൂടുതൽ എടുത്തു പറയപ്പെട്ട ഫീച്ചർ ആണ് 8K RAW വീഡിയോ. 8K DCI റെസൊലൂഷനിൽ 29.97 fps റോ വീഡിയോ 12 ബിറ്റ് ഡെപ്തിൽ റെക്കോർഡ് ചെയ്യാൻ കഴിയും. ഇത് RAW, ALL-I, IPB  എന്നീ മൂന്ന് മോഡുകളിലും റെക്കോർഡ് ചെയ്യാൻ കഴിയും. 8K വീഡിയോ പോസ്റ്റ് പ്രൊഡക്ഷൻ സമയത്തു റീ-പൊസിഷനിംഗ് / ഫ്രെയിമിങ് ചെയ്യുന്ന കാര്യങ്ങൾക്കും 12 bit RAW ഇതുവരെ DSLR / മിറർ ലെസ്സ് ക്യാമറകളിൽ കിട്ടിയിരുന്ന വിഡിയോയെക്കാൾ വളരെ അധികം ഗ്രേഡിംഗ് സാധ്യതകൾ തുറന്നു തരുന്നതും ആണ്. നോർമൽ മൂവി മോഡിൽ 10 bit കാനൻ ലോഗ് (Canon Log) ഫയൽ  റെക്കോർഡ് ചെയ്യാനും ആകും. ഫുൾ സെൻസർ റീഡ് ചെയ്തു ആണ് 8k, 4k വിഡിയോകൾ പകർത്തുന്നത്.

ഇനി 8K വീഡിയോയുടെ ഫയൽ സൈസ് കണക്കാക്കുമ്പോൾ നമ്മുടെ മെമ്മറി കാർഡ് നിറയുന്ന കാര്യം കൂടി നോക്കാം. ഒരു 64 GB കാർഡ് ആണ് നമ്മൾ ഉപയോഗിക്കുന്നത് എന്ന് ഇരിക്കട്ടെ  (പറയുന്നത് ഏകദേശ കണക്കു ആണ്).

ഒരു 8K റോ വീഡിയോ 3 മിനിറ്റ് നേരം റെക്കോർഡ് ചെയ്യുമ്പോ കാർഡ് നിറയും.

ALL-I മോഡിൽ 6 മിനിറ്റും IPB മോഡിൽ 18 മിനിറ്റും റെക്കോർഡ് ചെയ്യാം. 8K വീഡിയോ എടുക്കാൻ ഉദ്ദേശിക്കുന്നവർ എത്രത്തോളം കാർഡ് കരുതണം എന്ന് ഏകദേശ ധാരണ വന്നുകാണും എന്ന് തോനുന്നു.

നിലവിൽ ലഭ്യമായ വിവരങ്ങളുടെ അടിസ്ഥാനത്തിൽ 4k വീഡിയോ ക്വാളിറ്റിയിൽ യാതൊരു വിധ വിട്ടുവീഴ്ചയും ഇല്ലാത്ത തരാം ഔട്ട്പുട്ട് ലഭിക്കുന്നുണ്ട് എന്ന് നിസംശയം പറയാം. 4K DCI വീഡിയോ 59.94 fps ഇൽ റെക്കോർഡ് ചെയ്യാൻ കഴിയും. ഇതിനു പുറമെ ഹൈ ഫ്രെയിം റേറ്റ് മോഡിൽ 119.88 fps ഇലും റെക്കോർഡ് ചെയ്യാം. 4K  വീഡിയോ 10 ബിറ്റ് ഡെപ്തിൽ (10 Bit depth) H265 കംപ്രഷനിൽ 4:2:2 (Color sampling method YCbCr 4:2:2) കളർ സാംപ്ലിങ് മെതേഡിൽ ഉപയോഗിക്കാം എന്നത് വലിയ ഒരു മാറ്റം ആണ്. Full HD മോഡിലും ഹൈ ഫ്രെയിം റേറ്റ് (High Frame Rate 119.88 fps)ലഭ്യമാണ്.

മുൻപ് പറഞ്ഞതുപോലെ തന്നെ ഒരു 4K വീഡിയോ 50/59.94 fps ഇൽ റെക്കോർഡ് ചെയ്യുന്ന അവസ്ഥയിൽ ഉപയോഗിക്കുന്നത് 64 GB കാർഡ് ആണെങ്കിൽ, ALL-I മോഡിൽ 9 മിനിറ്റും IPB മോഡിൽ 36 മിനിറ്റും 119.88 fps ഹൈ ഫ്രെയിം റേറ്റ് ALL-I മോഡിൽ 4 മിനിറ്റും റെക്കോർഡ് ചെയ്യാം.

ഓവർ ഹീറ്റിംഗ്‌

8K , 4K വീഡിയോകളുടെ കാര്യം പറയുമ്പോൾ വിട്ടുപോകാൻ പാടില്ലാത്ത ഒരു കാര്യം ആണ് “ഓവർ ഹീറ്റിങ്” പ്രശ്‍നം. ക്യാമറകളുടെ ഇത്രയധികം മേന്മകൾ പോലെ തന്നെ ചർച്ച ചെയ്യപ്പെടുന്ന ഒരു കാര്യം ആണ് ഇത്. കാനൻ കമ്പനി തന്നെ ഇതിന്റെ പരിധികളെ പറ്റി പറയുന്നുണ്ട്. നിലവിൽ ലഭ്യമായ വിദേശ റിവ്യൂ കളുടെ അടിസ്ഥാനത്തിൽ റൂം ടെമ്പറേച്ചറിൽ 4k വീഡിയോ എടുക്കുമ്പോ ഏകദേശം 20 മിനിറ്റ് ആകുമ്പോൾ ഓവർ ഹീറ്റ് വാണിങ് തരുകയും ബോഡി ഓഫ് ആകുകയും ചെയ്യുന്നതായി റിപ്പോർട്ട് ഉണ്ട്. എന്നാൽ ഇവിടെ നമുക്ക് വീണ്ടും സംശയം ഉദിക്കുന്ന ഒന്ന് നമ്മുടെ നാട്ടിലെ ചൂടും ആയി ഈ കാമറ എത്രത്തോളം പൊരുത്തപ്പെടും എന്നതാണ്. എന്തായാലും തുടർച്ചയായി 4k എടുക്കേണ്ട അവസരങ്ങളിൽ അതായതു വിവാഹമോ മറ്റു ചടങ്ങുകളോ റെക്കോർഡ് ചെയ്യുന്ന അവസരത്തിൽ ഇത് ഒരു വെല്ലുവിളി ആണ്.

മറ്റു ഫീച്ചറുകൾ നോക്കുന്നതിനു മുൻപ് സ്റ്റിലിന്റെ വിവരങ്ങൾ കുറച്ചു നോക്കാം. 8K വീഡിയോ എന്ന് പറയുന്ന പോലെ തന്നെ  8192×5464 എന്ന വളരെ വലിയ റെസൊല്യൂഷൻ 8K സ്റ്റിൽ ആണ് EOS R5 തരുന്നത്.

1DX Mark 3 യിൽ 5472×3648, 5D Mark 4 ഇൽ 6720×4480
എന്നിങ്ങനെ ആണ് പരമാവധി റെസൊല്യൂഷൻ കിട്ടുക.

ഒരു സെക്കൻഡിൽ മെക്കാനിക്കൽ ഷട്ടർ ഉപയോഗിച്ച് 12 സ്റ്റിൽ (12fps Mechanical Shutter), ഇലക്ട്രോണിക് ഷട്ടറിൽ 20 സ്റ്റിൽ (20fps Silent Shutter) എന്നിവ ലഭിക്കുന്നു. ഏകദേശം 5,00,000 (5 ലക്ഷം) ഷട്ടർ ആയുസ് ആണ് കാനൻ വാക്ദാനം ചെയ്യുന്നത്.JPEG, HEIF, 14 bit RAW (CR3, 14 bit RAW format) എന്നീ ഫോർമാറ്റുകളിൽ ചിത്രങ്ങൾ പകർത്താം. sRGB, Adobe RGB എന്നീ കളർ സ്പേസുകൾ (Color Space) ലഭ്യമാണ്.

ഇനി പുതിയ ഫീച്ചേഴ്സിനെ പറ്റി പറയാം. EOS R6 നെ പറ്റി എഴുതിയത് നിങ്ങൾ വായിച്ചു കാണും എന്ന് വിശ്വസിക്കുന്നു. EOS R5, EOS R6 എന്നീ ക്യാമറകളും ഒരുമിച്ചു വരുന്നത് പോലെ തന്നെ ഒട്ടനവധി പുതിയ സംവിധാനങ്ങളും ഒരുപോലെ തന്നെ ആണ്.

മുകളിൽ നിന്ന് താഴേക്കും വശങ്ങളിലേക്കും 100% കവർ ചെയ്യുന്ന ഓട്ടോ ഫോക്കസ് (AF) സംവിധാനം. 1053 സോൺ ആയി തരംതിരിച്ചു ഇന്ന് ഉള്ളതിൽ വച്ച് ഏറ്റവും കൃത്യമായ ഓട്ടോ ഫോക്കസ് നൽകും വിധത്തിൽ ആണ് അവതരിപ്പിച്ചിരിക്കുന്നത്. ഓട്ടോ ഫോക്കസിംഗിൽ (AF) ഫേസ്, ഐ എന്നിവക്ക് പുറമെ പുതുതായി ബോഡി, അനിമൽ (Face, Eye, Body, Animal) ഇനീ ക്യാരക്ടർ ഡിറ്റക്ഷൻ കൂടെ ഉൾപ്പെടുത്തിയിരിക്കുന്നു. മൾട്ടി കൺട്രോളർ ഉപയോഗിച്ച് സെലക്ട് ചെയ്യുന്ന രീതിയിൽ 5940 എഫ് പോയിന്റുകൾ ആണ് സ്റ്റിൽ മോഡിൽ ഉണ്ടാവുക. വീഡിയോ മോഡിൽ 4500 ഉം.

R5-back
ഇൻ ബോഡി ഇമേജ് സ്റ്റെബിലിസിങ് (IBIS) ഉൾപ്പെടുത്തി ഇറക്കുന്ന ആദ്യ കാമറ ആണ് EOS R5. കാനൻ ലൈൻസിലെ ഒപ്റ്റിക്കൽ സ്റ്റെബിലൈസിംഗിനോടൊപ്പം IBIS കൂടെ ചേർന്ന് പ്രവർത്തിക്കുമ്പോൾ റിസൾട്ട് വളരെ മികച്ചതാകുന്നു. CIPA സ്റ്റാൻഡേർഡ് പ്രകാരം 24-105 ലെൻസിൽ (RF 24-105mm F4 L IS USM) 105 മാഗ്നിഫിക്കേഷന്‌യിൽ 8 സ്റ്റോപ്പ് സ്റ്റെബിലിസിങ് ലഭിക്കുന്നുണ്ട്. വളരെ ലോ ഷട്ടർ സ്പീഡിൽ ട്രൈപോഡിന്റെ സഹായമില്ലാതെ ചിത്രങ്ങൾ എടുക്കുവാനും. കയ്യിൽ വെച്ച് തന്നെ അത്യാവശ്യം നല്ല കുലുക്കം കുറഞ്ഞ വീഡിയോ എടുക്കാനും ഇത് വളരെ അധികം സഹായകമാകും.

EOSR ക്യാമെറയിൽ നമ്മൾ കണ്ട തരാം പുറത്തേയ്ക്കു തുറക്കാവുന്ന ഡിസ്പ്ലേ ആണ് (Vari-Angle LCD) R5 ഇന് ഉള്ളത്. 3.2 ഇഞ്ച് 2.1M ഡോട്ട് എൽ സി ഡി (2.1M dot LCD) യും 5.76-മില്യൺ ഡോട്ട് OLED ഇലക്ട്രോണിക് വ്യൂ ഫൈൻഡറും ആണ് EOS-R5 യിൽ ഉൾപ്പെടുത്തിയിരിക്കുന്നത്‌.

8k  വിഡിയോ പോലെ ഫാസ്റ്റ് ആയി ഉള്ള റെക്കോർഡിങ്ങുകൾ ഇന്റെർണൽ ആയി റെക്കോർഡ് ചെയ്യാൻ തീർച്ചയായും ഫാസ്റ്റ് ആയി ഉള്ള മീഡിയം വേണം. ടൈപ്പ് B കോംപാറ്റിബിൾ ആയ ഒരു സി എഫ് എക്സ്പ്രസ്സ് (CF express) കാർഡ് സ്ലോട്ട്,  UHS-II കോംപാറ്റിബിൾ ആയ ഒരു SD കാർഡ് സ്ലോട്ട് എന്നിങ്ങനെ 2 കാർഡ് സ്ലോട്ട് ആണ് ക്യാമറക്കു നൽകിയിരിക്കുന്നത്.

Wi-Fi സൗകര്യം ബോഡിയിൽ ഉൾപ്പെടുത്തിയിട്ടുണ്ട്. Image.Canon എന്ന കാനൻ ക്ളൗഡ്‌ സംവിധാനം സൗജന്യമായി ക്യാമറയോടൊപ്പം ലഭിക്കുന്നു. വളരെ പ്രയോജനപ്രദമായ ഈ സൗകര്യം പക്ഷെ നമ്മുടെ ഇടയിൽ അത്ര സുപരിചിതം അല്ല. ഇമേജ്.കാനൻ (Image.Canon) എന്ന സംവിധാനത്തെ പറ്റി ഒരു വിശദമായ പോസ്റ്റ് എഴുതുന്നതാണ്.

കാനൻ പുതുതായി വികസിപ്പിച്ച ഹൈ കപ്പാസിറ്റി ബാറ്ററി ആയ LP-E6 NH എന്ന മോഡൽ ബാറ്ററി EOS R5 ഇൽ ഉപയോഗിക്കുന്നു.

3,39,995 രൂപ ആണ് ബോഡി വില ആയി നിശ്ചയിച്ചിരിക്കുന്നത്.

കൂടുതൽ വായന.

Tags,
Canon EOS r5, EosR5, EOS-R5, EOSR-5.

]]> https://photomalayalam.com/8k-video-canon-eos-r5-ibis/feed/ 1 മുൻവിധിയോടെ കാണേണ്ട, അടുത്തറിയാം കാനൻ EOS-R6. https://photomalayalam.com/canon-eosr6-malayalam/ https://photomalayalam.com/canon-eosr6-malayalam/#respond Mon, 27 Jul 2020 07:48:53 +0000 https://photomalayalam.com/?p=552
ആദ്യം തന്നെ ഒന്ന് പറയട്ടെ. ഒരു പുതിയ കാമറ ഇറങ്ങുന്നതിനു മുൻപ് തന്നെ ആ കാമറ എന്ത് നിലവാരം തരും എന്ന് പ്രവചിക്കുന്നവർ കുറവല്ല നമ്മുടെ ഇടയിൽ. ഒരു ക്യാമറയുടെ സ്പെസിഫിക്കേഷൻ എത്ര ഗ്രാഹ്യമായി പഠിച്ചാലും ചില ക്യാമെറകൾ നമ്മളെ ഞെട്ടിക്കാറുണ്ട്, അതുപോലെ തന്നെ നിരാശപ്പെടുത്താറും ഉണ്ട്. ഇത് പറഞ്ഞത് മറ്റൊന്നും കൊണ്ടല്ല. EOS R6 നമ്മുടെ കയ്യിൽ ഇതുവരെ ലഭിച്ചിട്ടില്ല. പൂർണമായ വിവരങ്ങൾ പോലും ലഭ്യമാക്കുന്നതിന് മുൻപേ നമ്മൾ മലയാളി ഫോട്ടോഗ്രാഫർമാർ പലരും ഇതിന്റെ നിലവാരം പറഞ്ഞു കേൾക്കുന്നു. ഇതിൽ എത്രത്തോളം കഴമ്പ്‌ ഉണ്ട് എന്ന് തനിയെ ചിന്തിക്കുക.

കാനൻ കമ്പനി ക്യാമെറയിൽ ഇത്രയധികം മാറ്റങ്ങൾ വരുത്തി ഇറക്കുന്നത് കൊണ്ട് തന്നെ, കാനൻ ഈ അടുത്ത് ഫോട്ടോഗ്രാഫര്മാരെയും വിഡിയോഗ്രാഫര്മാരെയും ഏറ്റവും കൂടുതൽ ഞെട്ടിച്ച രണ്ടു ക്യാമെറകളാണ് EOS R5, EOS R6 എന്നിവ. ഇവയിൽ രണ്ടിനും പുതുതായി വന്നിരിക്കുന്ന സംവിധാനങ്ങളും സൗകര്യങ്ങളും ഏറെക്കുറെ ഒരുപോലെ ആണ്.

കാനൻ EOS R5 ഇനെ പ്രൊഫഷണൽ കാമറ എന്ന പേരിൽ അവതരിപ്പിച്ചപ്പോൾ EOS R6  ഒരു എന്തുസിയസ്റ് (Enthusiast) പട്ടികയിൽ ആണ് പെടുത്തിയിരിക്കുന്നത്. അതായത് 6D , 7D , EOS R തുടങ്ങിയ ക്യാമറകളുടെ പട്ടികയിൽ. 5D , 1DX തുടങ്ങിയ ക്യാമെറകളെയാണ് കാനൻ പ്രൊഫഷണൽ പട്ടികയിൽ പെടുത്തിയിരിക്കുന്നത്.

ഇനി നമുക്ക് അറിയാൻ കഴിഞ്ഞ കാര്യങ്ങളിലൂടെ EOS R6 നെ പരിചയപ്പെടാൻ ശ്രെമിക്കാം.

വിഡിയോഗ്രാഫിക്കും ഫോട്ടോഗ്രഫിക്കും ഒരുപോലെ പ്രാധാന്യം നൽകി ഇറക്കുന്ന ഒരു ഫുൾ ഫ്രെയിം മിറർലെസ്സ് കാമറ ആണ് EOS R6. കാനൻ EOSR ക്യാമെറയിൽ ഉള്ള RF ലെന്സ് മൗണ്ട് തന്നെ ആണ് EOS R6 ഇന്നും ഉള്ളത്.

20.1 മെഗാ പിക്സൽ (Effective Pixels (Megapixels)) ഉള്ള ഫുൾ ഫ്രെയിം CMOS സെൻസർ ആണ് ഇതിൽ ഉപയോഗിക്കുന്നത്. മെഗാ പിക്സൽ EOS R5 ഇൽ 45 ആണ് ആയതിനാൽ EOS R6  കുറഞ്ഞ കാമറ ആണ് എന്ന്  പറയുന്നവർ ഉണ്ട്. അപ്പൊ കാനൻ 1DX ക്യാമറയുടെ മെഗാ പിക്സിൽ ചോദിച്ചാൽ മതിയാകും (1DX ക്യാമറയിൽ പുതുതായി വികസിപ്പിച്ച 20.1 MP ഫുൾ ഫ്രെയിം CMOS സെൻസർ ആണ് ഉപയോഗിച്ചിരിക്കുന്നത്). ഇവിടെ 1DX ക്യാമറയുടെ സെൻസർ ആണ് ഉപയോഗിക്കുന്നത് എന്ന് അർത്ഥമില്ല എങ്കിലും ഫോട്ടോഗ്രാഫിക്ക് 20.1 മതി എന്ന് സൂചിപ്പിച്ചു എന്ന് മാത്രം. എന്നാൽ EOS R5 ഇനെ അപേക്ഷിച്ചു കുറച്ചു കൂടി ലോ ലൈറ്റ് പെര്ഫോമെൻസ് EOS R6 നൽകാൻ സാധ്യത ഉണ്ട്. കാനൻ പുതിയതായി അവതരിപ്പിച്ചു 1DX മാർക്ക് 3, EOS R5  എന്നീ ക്യാമെറകൾക്ക് ഉപയോഗിച്ച ഡിജിക് എക്സ് (DIGIC X) പ്രൊസസർ ആണ് EOS R6 ഇന് ഉള്ളത്.

ഇൻ ബോഡി ഇമേജ് സ്റ്റെബിലിസിങ് (IBIS) ഉൾപ്പെടുത്തി ഇറക്കുന്ന കാമറ ആണ് EOS R6. CIPA സ്റ്റാൻഡേർഡ് പ്രകാരം 24-105 ലെൻസിൽ (RF 24-105mm F4 L IS USM) 105 മാഗ്നിഫിക്കേഷന്‌യിൽ 8 സ്റ്റോപ്പ് സ്റ്റെബിലിസിങ് ലഭിക്കുന്നുണ്ട്.

EOSR ക്യാമെറയിൽ നമ്മൾ കണ്ട പുറത്തേയ്ക്കു തുറക്കാവുന്ന ഡിസ്പ്ലേ ആണ് (Vari-Angle LCD) R6 ഇന് ഉള്ളത്. എന്നാൽ 3.15 ഇഞ്ച് 2.1M ഡോട്ട് എൽ സി ഡി (2.1M dot LCD) എന്നതിൽ നിന്നും 3 ഇഞ്ച് 1.6 M ഡോട്ട് എൽ സി ഡി (1.6 M dot LCD) എന്ന മാറ്റം വന്നു. എന്നാൽ EOS R ക്യാമെറയിൽ കണ്ടത് പോലെ ഉള്ള 3.69-മില്യൺ ഡോട്ട് (3.69-million dot) OLED ഇലക്ട്രോണിക് വ്യൂ ഫൈൻഡർ ആണ് EOSR-6 യിലും ഉൾപ്പെടുത്തിയിരിക്കുന്നത്‌.

5472×3648 വരെ റെസൊല്യൂഷനിൽ ചിത്രങ്ങൾ പകർത്താൻ ആകും. JPEG L,RAW/C-RAW,HEIF എന്നീ ഫോര്മാറ്റുകളിൽ ആകും ചിത്രങ്ങൾ പകർത്താൻ ആകുക. 100 മുതൽ 102400 വരെയാണ് നോർമൽ ISO നൽകിയിരിക്കുന്നത്.

ഒരു സെക്കൻഡിൽ മെക്കാനിക്കൽ ഷട്ടർ ഉപയോഗിച്ച് 12 വരെയും ഇലക്ട്രോണിക് ഷട്ടർ ഉപയോഗിച്ച് 20 വരെയും ചിത്രങ്ങൾ പകർത്തുവാൻ കഴിയും. ഏകദേശം 3,00,000 (3 ലക്ഷം) ഷട്ടർ ആയുസ് ആണ് കാനൻ വാക്ദാനം ചെയ്യുന്നത്.

ചിത്രത്തിന്റെ 100% ഏരിയയിലും (100% vertical and horizontal) ഐ ഓട്ടോ ഫോക്കസ് (Eye AF) ആണ് കമ്പനി അവകാശപ്പെടുന്നത്. ഓട്ടോ ഫോക്കസിംഗിൽ (AF) ഫേസ് ഐ എന്നിവക്ക് പുറമെ പുതുതായി ബോഡി, അനിമൽ (Face, Eye, Body, Animal) ഇനീ ക്യാരക്ടർ ഡിറ്റക്ഷൻ ഉൾപ്പെടുത്തിയിരിക്കുന്നു. EOS R , EOS R5 എന്നിവയെക്കാളും ലോ ലൈറ്റ് ഓട്ടോ ഫോക്കസ് റെസ്പോൺസ് കാണിക്കുവാൻ സാധ്യത EOS R6 ഇന് ആണ്.

4K/60P UHD (3840 × 2160) വീഡിയോ പകർത്താൻ കഴിയും. ഫുൾ സെൻസർ റീഡ് ചെയ്യുന്നു എന്ന് പറയാൻ കഴിയില്ല എങ്കിലും 94% സെന്സറും ഉപയോഗിക്കുന്നുണ്ട്. ഇതിനെ വലിയ ഒരു ക്രോപ് ആയി കണക്കാക്കാൻ കഴിയില്ല. APSC ക്രോപ് മോഡിലും 4K പകർത്തുവാൻ കഴിയും. EOSR ക്യാമെറയിൽ 4K APSC-ക്രോപ് മോഡിൽ മാത്രമേ പകർത്താൻ കഴിയുമായിരുന്നുള്ളൂ. കാനൻ പുറത്തുവിട്ടിരിക്കുന്ന വിവരങ്ങളിൽ “MOV” ഫോർമാറ്റിനെ പറ്റി പറഞ്ഞു കേൾക്കുന്നില്ല. കാനൻ ലോഗ് ഫോർമാറ്റിൽ 4:2:2 കളർ സാംപ്ലിങ് മെതേഡിൽ 10 BIT വീഡിയോ ഇന്റെര്ണല് ആയി റെക്കോർഡ് ആക്കുമെന്നത് ഒരു വലിയ മികവ് ആണ്. പോസ്റ്റ് പ്രൊഡക്ഷൻ ഗ്രേഡിംഗ് ചെയ്യുന്നവർക്ക് ഇത് ഒരു വലിയ സാധ്യത തുറന്നു തരുന്നു. എന്നാൽ പല സന്ദര്ഭങ്ങളിലും ALL-I ഫോർമാറ്റ് ലഭിക്കുന്നില്ല. പകരം IPB മാത്രമാണ് ഉള്ളത്. ഇത് കാനൻ എന്തുസിയസ്റ് (enthusiast) ക്യാമെറകളിൽ സാധാരണയായി വരുത്തുന്ന ഒരു മാറ്റം തന്നെ ആണ്. വെഡിങ് വിഡിയോഗ്രാഫർമാർ ALL-I മോഡ് അധികം ഉപയോഗിക്കാറ് ഇല്ല എങ്കിലും ചെറിയ പ്രൊഫഷണൽ വർക്കുകൾ എടുക്കാൻ ആഗ്രഹിക്കുന്നവരെ ഇത് നിരാശപ്പെടുത്തും.

canon Eosr6-Side
UHS-II മോഡൽ മെമ്മറി കാർഡുകൾ 2 എണ്ണം ഉപയോഗിക്കാവുന്ന തരത്തിൽ ആണ് സ്റ്റോറേജ് സംവിധാനം ഒരുക്കിയിരിക്കുന്നത്. EOSR ക്യാമെറയിൽ ഒരു മെമ്മറി കാർഡ് മാത്രമായിരുന്നു ഉൾപ്പെടുത്തിയിരുന്നത്.

രൂപത്തിന്റെ കാര്യത്തിൽ EOS R5, EOS R6 എന്നീ രണ്ടു ക്യാമെറകളും ഏകദേശം ഒരേ പോലെ തന്നെ ആണ് വന്നിട്ടുള്ളതു. EOS R5 ക്യാമറയുടെ മുകളിൽ ആയി വരുന്ന LCD പാനല് EOS R6 ഇൽ ഇല്ല. പകരം മോഡ് സെലക്ഷൻ ഡയൽ ആണ് ഇവിടെ നൽകിയിട്ടുള്ളത്. EOS R ക്യാമെറയിൽ ഏറെ വിമർശിക്കപ്പെട്ട സ്ലൈഡ് ബാർ പുതിയ EOS R6 ഇൽ നിന്നും  ചെയ്തിട്ടുണ്ട്. ഫോക്കസ് സെലക്ഷന് ജോയ് സ്റ്റിക് ആണ് വച്ചിരിക്കുന്നത്.


ക്യാമെറയിൽ ഉള്കൊള്ളിച്ചിട്ടുള്ള 4k, IBIS തുടങ്ങിയ പുതിയ സംവിധാനങ്ങൾക്കു ദീർഘ നേരം പ്രവർത്തിക്കുന്ന  ബാറ്ററി ആവശ്യമാണ്.  അതിനാൽ കാനൻ പുതുതായി വികസിപ്പിച്ച ഹൈ കപ്പാസിറ്റി ബാറ്ററി ആയ LP-E6 NH എന്ന മോഡൽ ബാറ്ററി EOS R6 ഇൽ ഉപയോഗിക്കുന്നു.

ബോഡിക്ക് 2,15,995 രൂപ ആണ് വില നിശ്ചയിച്ചിരിക്കുന്നത്.

കൂടുതൽ വായന.

Tags
Canon EOSR6, EOS R6, EOS-R6, EOSR 6, photo malayalam, Photomalayalam.com

]]> https://photomalayalam.com/canon-eosr6-malayalam/feed/ 0 സോണിയുടെ വ്ലോഗ് ക്യാമറ ZV-1 (VLOG CAMERA ZV-1) എത്തുന്നു. https://photomalayalam.com/sony-vlog-camera-z-v-1-e-magazine-malayalam/ https://photomalayalam.com/sony-vlog-camera-z-v-1-e-magazine-malayalam/#respond Sat, 30 May 2020 12:07:01 +0000 https://photomalayalam.com/?p=440

Sony VLOG CAMERA ZV-1

യൂട്യുബിലും മറ്റു സോഷ്യൽ മീഡിയകളിലും വ്ളോഗിംഗ് ചെയ്യുന്നവർക്ക് എല്ലാ വിധ സൗകര്യങ്ങളും ഒരുക്കും വിധം സോണിയുടെ പുതിയ കോംപാക്ട് (Compact) ക്യാമറ ZV-1 (Sony VLOG CAMERA ZV-1) വരുന്നു. പുറത്തേയ്ക്കു തുറക്കാവുന്ന LCD സ്ക്രീനും (Vari-angle LCD screen) കൃത്യമായ സൗണ്ട് റെക്കോർഡിങ്ങിനു ഉതകും വിധം ഉള്ള ഇൻബിൽട് മൈക്കും എല്ലാം ഇത്തരക്കാർക്ക് ഏറ്റവും ഉപാകാരപ്രദം ആകുന്ന സംവിധാനങ്ങൾ ആണ്.

Still

5,472 x 3,648 റെസൊല്യൂഷൻ വലുപ്പത്തിൽ ചിത്രങ്ങൾ (Still) എടുക്കാൻ കഴിയും. പനോരമ സൗകര്യവും ഉണ്ട്. റോ (RAW) യിലും JPEG ഫോർമാറ്റിലും ചിത്രങ്ങൾ പകർത്താം.

Video

4k റെസൊല്യൂഷനിൽ വീഡിയോ എടുക്കാൻ കഴിയുമെങ്കിലും NTSC മോഡിൽ 30 fps വരെയും PAL മോഡിൽ 25 fps വരെയും ഫ്രെയിം റേറ്റിൽ മാത്രമേ എടുക്കാൻ കഴിയു. എന്നാൽ ഫുൾ HD (1920*1080) റെസൊല്യൂഷനിൽ 60 fps വരെ കിട്ടും. ഇതിനു പുറമെ ഹൈ ഫ്രെയിം റേറ്റ് (HFR) മോഡിൽ 1,000 fps ഫുൾ HD വീഡിയോ എടുക്കാൻ കഴിയും.പോസ്റ്റ് പ്രൊഡക്ഷനിൽ കൂടുതൽ ഡീറ്റൈൽ കിട്ടും വിധം  S-Log2, S-Log3, HLG, Cine  തുടങ്ങിയ പിക്ചർ പ്രൊഫൈലുകളും ഉൾപ്പെടുത്തിയിരിക്കുന്നു. 

ഒരു വ്‌ളോഗിംഗ് ക്യാമറ  ആയതു കൊണ്ട് തന്നെ ഏറ്റവും മികച്ച സ്കിൻ ടോൺ നൽകുവാനായി ഈ ക്യാമറയിൽ ശ്രെമിച്ചിട്ടുണ്ട്. കൂടാതെ മുഖത്ത് വീഴുന്ന വെളിച്ചത്തെ ആധാരമാക്കി ക്യാമറ വീഡിയോയുടെ വെളിച്ചം കൈകാര്യം ചെയ്യുന്ന സൗകര്യം വ്ലോഗര്മാക്കു ഇഷ്ട്ടമാകാതിരിക്കാൻ വഴിയില്ല.

ISO

സ്റ്റിൽ മോഡിൽ 100 മുതലും വീഡിയോ മോഡിൽ 125 മുതലും 12800 വരെ ആണ് നോർമൽ ISO വരുന്നത്. ഓട്ടോ മോഡിൽ ISO ലിമിറ് സെറ്റ് ചെയ്തു കൊടുക്കാൻ കഴിയും. ഇത് ഓട്ടോ മോഡിൽ ഷൂട്ട് ചെയ്യുന്നവർക്ക് ഒരുപാട് ഉപയോഗം ഉള്ളത് ആണ്. 

സോണിയുടെ വ്ലോഗ് ക്യാമറ ZV-1 (VLOG CAMERA ZV-1) എത്തുന്നു. 6
ഓട്ടോ ഫോക്കസ് (Auto focus)

ഫോക്കസിങ് ആണ് എടുത്തു പറയേണ്ട മറ്റൊരു കാര്യം. വീഡിയോ എടുക്കുമ്പോൾ ഫാസ്റ്റ് ആയി തന്നെ വർക്ക് ചെയ്യുന്ന ഐ ഫോക്കസിങ് (കണ്ണ് ഫോക്കസ് ചെയ്യുന്നു) സംവിധാനം ഇതിൽ ഉണ്ട്. അതിലുപരി പ്രോഡക്റ്റ്  റിവ്യൂ ചെയ്യുന്നവർക്ക് ഒരു ഒബ്ജക്റ്റ് മുന്നിലേക്ക് വന്നാൽ അതിലേക്കു ഫോക്കസ് ഷിഫ്റ്റ് ആക്കും വിധം ക്യാമറയെ മാറ്റാനും ആകും. ഇതിനും മെനുവിൽ കയറി ഒരുപാട് മാറ്റങ്ങൾ ഒന്നും വരുത്താതെ കസ്റ്റം ബട്ടൺ സെറ്റ് ചെയ്തു “പ്രോഡക്റ്റ് ഷോകേസ് (Product showcase)” എന്ന ഫോക്കസ് സംവിധാനത്തിലേക്ക് പെട്ടെന്ന് പോകാൻ ആകും.

സെൻസർ (sensor), ലെൻസ് (Lens)

1.0 ഇഞ്ച് (13.2 mm x 8.8 mm) എക്സ് മോർ സിമോസ് സെന്സറിനു (Exmor® RS CMOS sensor) ഏകദേശം 20.1 എഫെക്റ്റീവ് മെഗാ പിക്സലാണ് (Approx. 20.1 EFFECTIVE MP ) ഉള്ളത്. 24 -70 നു തുല്യമായ മാഗ്നിഫിക്കേഷനിൽ കാൾ സിസ് (24-70 mm Carl Zeiss) ലെൻസാണ് ZV-1 നു ഉള്ളത്. വൈഡ് ആയി ഇരിക്കുമ്പോൾ 1.8 വരെ ഓപ്പണിങ് ഉള്ള ലെന്സ് സൂം ചെയ്യുമ്പോ 2.8 ഓപ്പണിങ്ങിലേക്കു വരെ മാറും. ND ഫിൽറ്റർ സംവിധാനവും ഉൾപ്പെടുത്തിയിട്ടുണ്ട്. ഒപ്റ്റിക്കൽ സ്റ്റെബിലൈസിങ്ങും ഒപ്പം ഡിജിറ്റൽ ഇലക്ട്രോണിക് സംവിധാനവും ചേർന്ന രീതിയിലും  സ്റ്റെബിലിസിങ് സാധ്യമാകും.

Screen

7.5 cm (3.0 type) വലുപ്പത്തിൽ 4:3 അനുപാതത്തിൽ ആണ് ഡിസ്പ്ലേ ഉള്ളത്. 921,600 ഡോട്സ് ഉള്ള ഡിസ്പ്ലേ 176 ഡിഗ്രി പുറത്തേക്കു തുറക്കുംവിധം ആണ്. സെൽഫി വീഡിയോ എടുക്കുന്നവർക്ക് ഇത് വളരെ ഉപകാരപ്രദം ആണ്. ടച് ഫോക്കസ് സംവിധാനവും ഉണ്ട്. 

Sound

ഇൻബിൽട് മൈക്രോഫോൺ എടുത്തു പറയേണ്ട ഒന്ന് തന്നെ ആണ്. വ്ളോഗിംഗ് ചെയ്യുന്ന വിഡിയോഗ്രാഫേഴ്സിനെ സംബന്ധിച്ചിടത്തോളം വീഡിയോ പോലെ തന്നെ പ്രസക്തമാണ് ശബ്ദവും. എന്നാൽ ഒരു ഡെഡിക്കേറ്റഡ് മൈക്കും ലേപ്പലും എപ്പോഴും സൗകര്യം ആകണം എന്നില്ല. ഔട്ഡോർ ഷൂട്ട് ചെയ്യുമ്പോഴും കാറ്റ് ഉള്ളപ്പോഴും ലൈവ് സംസാരം റെക്കോർഡ് ചെയ്യാൻ വളരെ ബുദ്ധിമുട്ടു തന്നെ ആണ്. ഇത് മനസിലാക്കി തന്നെ ആണ് ZV-1 ഇറക്കിയിരിക്കുന്നത്. 3-ക്യാപ്സ്യൂൾ മൈക്കുകൾ ആണ് ഇൻബിൽട് ആയി ഉള്ളത്. ഇതിനോടൊപ്പം ഒരു വിൻഡ് സ്ക്രീനും ലഭിക്കുന്നുണ്ട്. വളരെ നല്ല ലൈവ് ഓഡിയോ റെക്കോർഡ് ചെയ്യാൻ ഇവ സഹായിക്കുന്നുണ്ട്.

എക്സ്ടെർണൽ മൈക്ക് കണക്ട് ചെയ്യണം എന്നുണ്ടെങ്കിൽ അതിനു മൈക്ക് ഇൻ പോർട്ടും ലഭ്യമാണ്. കൂടാതെ സോണിയുടെ തന്നെ എക്സ്ടെർണൽ മൈക്കുകൾ ആയ ECM-XYST1M, ECM-GZ1M തുടങ്ങിയ മോഡലുകൾ മൈക്ക് ഷൂവിൽ കണക്ട് ചെയ്യുമ്പോൾ പുറത്തുകൂടി വയർ കണക്ട്ചെയ്യേണ്ടതില്ല എന്നതും അനാവശ്യ വയറുകൾ കുറച്ചു വ്ലോഗർക്കു നല്ല സൗകര്യം ഒരുക്കുന്നു.

zv-1
പ്രത്യേകതകൾ (Features)

ക്യാമറയുടെ നിർമാണം വ്ലോഗർ മാരെ ലക്ഷ്യം വച്ച് ആണ് എന്ന് ഞാൻ പറഞ്ഞല്ലോ. സെഫി എടുക്കുമ്പോഴും അല്ലാത്തപ്പോഴും കയ്യിൽ ഒരുപോലെ ഒതുങ്ങുന്ന വിധം ആണ് ബോഡി ഡിസൈൻ ചെയ്തിട്ടുള്ളത്. വീഡിയോ റെക്കോർഡ് ബട്ടൺ വലുതായിത്തന്നെ മുകളിൽ കൊടുത്തിരിക്കുന്നു.

സെൽഫി വീഡിയോ റെക്കോർഡ് ചെയ്യുന്ന സമയം വീഡിയോ റെക്കോർഡ് ആക്കാൻ ചിലപ്പോൾ മറന്നു പോകാറുണ്ട്. ക്യാമറയുടെ മുൻപിൽ റെക്കോർഡ് ചെയ്യുന്നത് സൂചിപ്പിക്കുന്ന ഒരു ചുവന്ന ലൈറ്റ് ഉള്ളത് ഇത്തരത്തിലുള്ള അബദ്ധങ്ങൾ ഒഴിവാക്കുന്നു. ബാഗ്രൗണ്ട് ബ്ളർ ആകുന്ന വിധം പെട്ടെന്ന് ക്യാമറയെ മാറ്റാനായി പ്രത്യേകം ബൊകെ സ്വിച്ച് റെക്കോർഡ് ബട്ടണിന്റെ അടുത്ത് തന്നെ വെച്ചിരിക്കുന്നത് ZV-1 നെ പൂർണമായും വ്ളോഗറുടെ സൗകര്യം നോക്കുന്ന ക്യാമറ ആക്കി മാറ്റുന്നു.

105.5 mm വീതി 60 mm ഉയരം 43.5mm കനവും ഉള്ള ക്യാമറക്കു ഏകദേശം 294 ഗ്രാം ഭാരം മാത്രമാണ് ഉള്ളത്.സെൽഫി മോഡിൽ ട്രാവലോഗ് പോലെ ഉള്ള ഫ്രെയിം എടുക്കാൻ ആഗ്രഹിക്കുന്നവർക്ക് 24 mm വൈഡ് മാഗ്നിഫിക്കേഷൻ മതിയാകുമോ. കുറച്ചുകൂടി വൈഡ് അല്ലെങ്കിൽ ബാഗ്രൗണ്ട് ഒരുപാട് മറയും എന്നൊരു ആശങ്ക ആണ് റിവ്യൂ ചെയ്യുന്ന എല്ലാവരും ഒരുപോലെ പ്രകടിപ്പിച്ചത്. ആക്റ്റീവ് സ്റ്റെബിലൈസേഷൻ കൂടി ഓൺ ചെയ്താൽ 24 mm എന്നത് വീണ്ടും സൂം ആകും.

ബാറ്ററി ആണ് മറ്റൊരു ചെറിയ കുറവ്. NP-BX1 എന്ന ചെറിയ മോഡൽ റീചാർജബിൾ ബാറ്ററി ആണ് ZV-1 ഇൽ ഉപയോഗിക്കുന്നത്. സാധാരണ ഉപയോഗത്തിൽ ഏകദേശം 260 ചിത്രങ്ങൾ പകർത്താൻ ആണ് ഒരു ഫുൾ ചാർജ് ബാറ്ററി ഉപയോഗിച്ച് സാധിക്കുക. ഇത് ഉപയോഗിക്കുന്ന രീതി അനുസരിച്ചു മാറ്റം വരും എങ്കിലും വ്‌ളോഗിംഗ് എന്ന ആവശ്യം മുന്നിൽ കാണുമ്പോ എക്സ്ട്രാ ബാറ്ററി തീർച്ചയായും കരുതാതെ കഴിയില്ല.

ഇന്ത്യൻ വിപണിയിൽ വില വന്നിട്ടില്ല. അമേരിക്കൻ വെബ്സൈറ്റിൽ വില 749.99 ഡോളർ ആണ്.

കൂടുതൽ വായനക്ക്.

Tags

camera, Compact, sony, vloging, v-loging, youtube, social

]]> https://photomalayalam.com/sony-vlog-camera-z-v-1-e-magazine-malayalam/feed/ 0