https://photomalayalam.com Camera News For Malayali Sat, 24 Sep 2022 09:44:32 +0000 en-US hourly 1 https://photomalayalam.com/wp-content/uploads/2020/04/cropped-fav-32x32.png Photo Malayalam https://photomalayalam.com 32 32 EOSR10, RF-മൗണ്ടിൽ ബഡ്ജറ്റ് ക്യാമറ https://photomalayalam.com/eosr10-apsc-canon-rf-budget/ https://photomalayalam.com/eosr10-apsc-canon-rf-budget/#respond Sat, 24 Sep 2022 09:23:08 +0000 https://photomalayalam.com/?p=1074

കാനൻ EF, EF-S, EF-M മൗണ്ടുകളിൽ നിന്ന് RF മൗണ്ടിലേക്കു മാറുകയാണ്. അപ്പോൾ RF ക്രോപ് ഫ്രെയിം ക്യാമെറകൾക്കു വേണ്ടി RF മൗണ്ടും ലെന്സുകളും ഇറക്കി കഴിഞ്ഞു. ഇതാണ് RF-S. കാനൻ EOS R7, EOS R10 എന്നീ ക്യാമറകൾ RF-S മൗണ്ടിൽ ആണ് ഇറങ്ങിയിരിക്കുന്നത്. രണ്ടും APSC സെൻസർ ആണ് എന്ന് എടുത്തു പറയേണ്ടത് ഇല്ലലോ. നമുക്ക് EOS R10 ഇന്റെ വിശേഷങ്ങളിലേക്ക് പോകാം.

EOS R10

നിലവിൽ കാനൻ RF മൗണ്ടിൽ ഉള്ള എൻട്രി ലെവൽ ക്യാമറ എന്ന് വിശേഷിപ്പിക്കാവുന്ന ക്യാമറ ആണ് EOSR10. എൻട്രി ലെവൽ എന്ന് പറഞ്ഞത് കൊണ്ട് ഇത് ഒരു കുറഞ്ഞ കാമറ എന്ന് അർഥം ആക്കേണ്ടതില്ല. EOSR7 ന്റെ ഏകദേശം എല്ലാ സംവിധാനങ്ങളും ഇതിലും ഉൾപ്പെടുത്തിയിട്ടുണ്ട്.

ഒരു 24.2MP (മെഗാ പിക്സൽ) ഉള്ള ക്രോപ് ഫ്രെയിം APSC സെൻസറോഡ് കൂടി വരുന്ന ക്യാമറ പരമാവധി 6000×4000 പിക്സൽ റെസൊല്യൂഷൻ ചിത്രങ്ങൾ തരുന്നുണ്ട്. JPEG , HEIF , RAW ഫോര്മാറ്റുകളിൽ ചിത്രങ്ങൾ എടുക്കാം. സെക്കൻഡിൽ 15 ചിത്രങ്ങൾ വരെ (15fps) മെക്കാനിക്കൽ ഷട്ടർ ഉപയോഗിച്ച് എടുക്കാൻ കഴിയും. ഇലക്ട്രോണിക് ഷട്ടർ ഉപയോഗിച്ച് സെക്കൻഡിൽ 23 fps വേഗത ലഭ്യം ആണ്. മെക്കാനിക്കൽ ഷട്ടർ വേഗത 30 മുതൽ 1/4000 sec വരെ ആണ്.

4K UHD Fine ക്വാളിറ്റിയിൽ 30 fps , 4K UHD Crop (സെൻസർ ക്രോപ്) ഓട് കൂടി 60 fps ഇലും റെക്കോർഡ് ചെയ്യാം. എന്നാൽ കാനൻ ലോഗ് (Canon Log) ലഭ്യം അല്ല. ഫുൾ എഛ് ഡി (Full HD 1920 x 1080) വീഡിയോ ഹൈ ഫ്രെയിം റേറ്റ് ആയി 120 fps വേഗതയിൽ ഷൂട്ട് ചെയ്യാം.

ഇമേജ് സ്റ്റെബിലിസിങ് (Image Stabilisation)

ഒപ്റ്റിക്കൽ സ്റ്റെബിലിസിങ് ഉള്ള ലെൻസുകൾ ഉപയോഗിക്കുമ്പോൾ അതും, ക്യാമെറയിൽ ഡിജിറ്റൽ സ്റ്റെബിലൈസിംഗും ലഭ്യമാണ്. എന്നാൽ സെൻസർ ഷിഫ്റ്റ് ഇൻ ബോഡി സ്റ്റെബിലിസിങ് (IBIS) ഈ ക്യാമെറയിൽ ഇല്ല.

നോർമൽ ഓട്ടോ ISO സെന്സിറ്റിവിറ്റി 100 മുതൽ 32000 വരെ ആണ്. എന്നാൽ ഇത് 51200 വരെ കൂട്ടാം.

കാനൻ LP-E17 ബാറ്ററി ആണ് നു ഉള്ളത് (ഇത് EORSR,R6, R7 എന്നിവയിൽ നമ്മൾ കണ്ട ബാറ്ററി അല്ല).

ഒരു മെമ്മറി കാർഡ് മാത്രം ആണ് ഇടാൻ കഴിയുക.

SD, SDHC, SDXC, UHS-II എന്നീ മെമ്മറി കാർഡുകൾ ഉപയോഗിക്കാം. UHS-II ഹൈ സ്പീഡ് മെമ്മറി കാർഡുകൾ ആണ് 4k വീഡിയോ പകർത്താൻ കാനൻ റെക്കമെന്റ് ചെയ്യുന്നത്.

സാധാരണ അമേച്ചർ കാമെറകളിൽ കാണുന്ന പോലെ ഇൻ ബോഡി ഫ്ലാഷ് നൽകിയിട്ടുണ്ട്.

1024×768 റെസൊല്യൂഷൻ (2.36 Million dots) ഉള്ള ഒരു 0.39″ ഇഞ്ച് OLED കളർ ഇലക്ട്രോണിക് വ്യൂ ഫൈൻഡർ (EVF) ആണ് EOSR10 നു ഉള്ളത്.

2.95″ TFT കളർ LCD മോണിറ്റർ ഏകദേശം 1.04 മില്യൺ ഡോട്ട് റെസൊല്യൂഷനോട് കൂടി ആണ് വന്നിരിക്കുന്നത്. ഇത് പുറത്തേക്കു തുറക്കാവുന്ന സെൽഫിക്കു സഹായകമാകുന്ന വെരി ആംഗിൾ ഡിസ്പ്ലേ ആയി ആണ് വരുന്നത്.

ഒരു ക്രോപ് ഫ്രെയിം കാമറ നോക്കുന്ന തുടക്കക്കാർക്ക്, വൈൽഡ് ലൈഫ് ഫോട്ടോഗ്രാഫേഴ്സ് നു, വെഡിങ് വീഡിയോഗ്രാഫി നോക്കുന്നവർക്ക്, കാനൻ RF മൗണ്ട് കാമറ ഉപയോഗിക്കുന്നവർക്ക് ഒരു സെക്കന്ററി കാമറ ആയി വെക്കാൻ ഒക്കെ നല്ല ഒരു ഓപ്ഷൻ ആണ് EOSR 10.

RF-S18-150mm കിറ്റ് ലെന്സ് ഉൾപ്പടെ 1,17,995.00 രൂപ ആണ് വില നിശ്ചയിച്ചിരിക്കുന്നത്, ബോഡി മാത്രം ആയി 80,995.00 രൂപ

കൂടുതൽ വായന.

]]> https://photomalayalam.com/eosr10-apsc-canon-rf-budget/feed/ 0 കാനൻ EOSR 7 ആരൊക്കെ വാങ്ങേണ്ടത് https://photomalayalam.com/canon-eosr7/ https://photomalayalam.com/canon-eosr7/#respond Fri, 19 Aug 2022 03:07:36 +0000 https://photomalayalam.com/?p=1033

ഡിജിറ്റൽ ക്യാമറകൾ ഫുൾ ഫ്രെയിമിലേക്കു കൂടുതൽ പ്രചാരം ആയപ്പോഴും അതിനിടയിൽ വളരെ അധികം പ്രിയപ്പെട്ടതായി നിന്ന APS-C (ക്രോപ് ഫ്രെയിം) ക്യാമെറ ആണ് കാനൻ EOS 7D. കാനോൺ മിറർലെസ് ക്യാമറകളിലേക്ക് വന്നപ്പോൾ EOS 7D യുടെ പിൻഗാമിയായി ആണോ EOSR 7 ഇറക്കിയിരിക്കുന്നത് എന്ന് തോന്നാം. കാനൻ ആർ എഫ് മൌണ്ടില്‍ 32.5 എംപി എ പി എസ് സി സീമോസ് സെൻസർ ഓടുകൂടി വരുന്ന പുതിയ ക്യാമറയാണ് EOSR 7.

ക്രോപ് ഫ്രെയിം സെൻസർ ആണെങ്കിലും സെന്സറിനു 32.5 MP ഉള്ളതിനാൽ 6960×4640 വരെ ഉയർന്ന റെസൊല്യൂഷനിൽ ചിത്രങൾ ലഭിക്കുന്നു. മെക്കാനിക്കൽ ഷട്ടറിൽ സെക്കൻഡിൽ 15 ചിത്രങ്ങളും ഇലക്ട്രോണിക് ഷട്ടറിൽ സെക്കൻഡിൽ 30 ചിത്രങ്ങളും പകർത്താൻ കഴിയും.

60p Fps 4K വീഡിയോ സൗകര്യം ലഭ്യമാക്കിയിട്ടുണ്ട്. 10 bit C-Log 3 വീഡിയോ പകർത്താൻ സാധിക്കും. ക്യാമറയുടെ പരമാവധി ഡൈനാമിക് റേഞ്ച് പ്രേയോഗനപ്പെടുത്തി വിഡിയോകൾ ഗ്രേഡ് ചെയ്യാൻ ഇത് വളരെ അധികം സഹായകമാകും.

100 മുതൽ 32000 വരെ ആണ് നോർമൽ ഓട്ടോ ISO എന്നാൽ ഇത് 51200 വരെ കൂട്ടാൻ ആകും. ഇൻ ബോഡി സെൻസർ-ഷിഫ്റ്റ് ഇമേജ് സ്റ്റെബിലൈസേഷൻ ഉൾപ്പെടുത്തിയിട്ടുണ്ട്. 8 സ്റ്റോപ്പുകൾ വരെ ഇൻ-ബോഡി ഇമേജ് സ്റ്റെബിലൈസേഷൻ (IBIS) ലഭ്യമാകും.

651 ഫോക്കസ് പോയിന്റുകളോട് കൂടെ കോർണർ റ്റു കോർണർ 100% ഓട്ടോ ഫോക്കസ് കവറേജ്‌ ഈ ക്യാമെറ നൽകുന്നു. EOS R7 സാധാരണ പുതു തലമുറ ക്യാമെറകൾക്കു എല്ലാം ഉള്ള ഐ സെറ്റക്ഷന്, ഹെഡ് ഡിറ്റക്ഷൻ, ട്രാക്കിങ് തുടങ്ങിയ സംവിധാങ്ങളിൽ ഒന്നും കുറവ് വരുത്തിയിട്ടില്ല.

വൈൽഡ് ലൈഫ്, ബിഡ് ഫോട്ടോഗ്രാഫി എന്നീ മേഖലകളിൽ ഉള്ളവർക്ക് APSC ക്യാമെറകളോഡ് പ്രിയം കൂടുതൽ ആണല്ലോ. ഇത്തരക്കാർക്ക് ഉപകാരം ആകും വിധം അനിമൽ പ്രേയോറിട്ടി മോഡും അതിനു പുറമെ സ്പോർട്സ് റേസിംഗ് ഫോട്ടോഗ്രാഫി നോക്കുന്നവർക്ക് വെഹിക്കിൾ പ്രേയോരിറ്റിയും ഉൾപ്പെടുത്തിയിട്ടുണ്ട്.

പനോരാമിക് ചിത്രങ്ങൾ എടുക്കാനുള്ള സൗകര്യം ക്യാമെറയിൽ ഉണ്ട്. എടുത്തു പറയേണ്ട മറ്റൊരു സൗകര്യം ആണ് ബോഡിയിൽ വെച്ച് തന്നെ ഫോക്കസ് സ്റ്റാക്കിങ് ചെയ്യുക എന്നത്. മാക്രോ ഫോട്ടോഗ്രാഫി ചെയ്യുന്നവർക്ക് വളരെ ആശ്വാസകരമാവുന്ന വാർത്തയാണ് ഇത്.

ക്യാമറയുടെ ഇൻ ബോഡി സ്റ്റെബിലിസിങ് ന്റെ സാധ്യത ഉപയോഗിച്ച് ചിത്രങ്ങളുടെ ഹൊറിസോണ്ടൽ ലെവെലിങ് ഓട്ടോമാറ്റിക് ആയി ബോഡിയിൽ ചെയ്യാം.

കാനൻ ക്യാമെറയിൽ കണ്ടു വരുന്ന മൾട്ടി കണ്ട്രോൾ ജോയ് സ്റ്റിക് നു ഒരു ക്വിക് കണ്ട്രോൾ ഡയല് കൊടുത്തിരിക്കുന്നത്. ക്യാമെറയുടെ മുൻപിൽ വലത് വശത്തായി മാനുകൾ/ഓട്ടോ ഫോക്കസ് സെക്ക്ടർ ആയി ഒരു ലിവർ സ്വിച്ച് കൊടുത്തിട്ടുണ്ട്.

2.36 മില്യൺ ഡോട്സ് ഉള്ള ഇലക്ട്രോണിക് വ്യൂ ഫൈൻഡർ ആണ് നൽകിയിട്ടുള്ളത്. ഒരു ഒപ്റ്റിക്കൽ വ്യൂ ഫൈൻഡർ പോലെ ഉള്ള അനുഭവം ഇത് നൽകും എന്ന് കാനൻ അവകാശപ്പെടുന്നു. 1.62 മില്യൺ ഡോട്സ് ഉള്ള 3 ഇഞ്ച് പുറത്തേയ്ക്കു തുറക്കാവുന്ന ഡിസ്പ്ലേ ആണ് (Vari-Angle LCD) EOSR7 ഇന് ഉള്ളത്.

1DX മാർക്ക് 3, EOS R5, EOS R6 എന്നീ ക്യാമെറകൾക്ക് ഉപയോഗിച്ച ഡിജിക് എക്സ് (DIGIC X) പ്രൊസസർ ആണ് EOS R7 ഇന് ഉള്ളത്. മെമ്മറി കാർഡുകൾ 2 എണ്ണം ഉപയോഗിക്കാവുന്ന തരത്തിൽ ആണ് സ്റ്റോറേജ് സംവിധാനം ഒരുക്കിയിരിക്കുന്നത്.

ഹൈ കപ്പാസിറ്റി ബാറ്ററി ആയ LP-E6 NH എന്ന മോഡൽ ബാറ്ററി EOS R7 ഇൽ ഉപയോഗിക്കുന്നു.

ഒരു പുതു തലമുറ മിററർലെസ്സ് ക്രോപ് ഫ്രെയിം കാമറ നോക്കുന്നവർക്ക്, എന്തുകൊണ്ടും പരിഗണിക്കാവുന്ന ഒരു മോഡൽ ആണ് കാനൻ EOSR 7.

ബോഡിക്ക് 127995 രൂപ ആണ് വില നിശ്ചയിച്ചിരിക്കുന്നത്.

കൂടുതൽ വായന.

]]> https://photomalayalam.com/canon-eosr7/feed/ 0 പുതിയ കാനൻ 16mm, 50mm RF ലെൻസുകൾ പരിചയപ്പെടാം. https://photomalayalam.com/canon-16mm-50mm-rf-lens/ https://photomalayalam.com/canon-16mm-50mm-rf-lens/#comments Thu, 21 Oct 2021 03:05:11 +0000 https://photomalayalam.com/?p=977

കാനൻ EF to RF മൌണ്ട് അഡാപ്റ്റർ ഉപയോഗിച്ചു താൽക്കാലികമായി പരിഹരിച്ച ലെൻസിന്റെ ക്ഷാമം ഏകദേശം തീർന്നു എന്ന് തന്നെ പറയാം. കാനൻ അവരുടെ ഫുൾ ഫ്രെയിം മിറർലെസ് ക്യാമറകൾക്ക് ആവശ്യമായ പ്രൊഫഷണൽ സീരിയലിലെയും അമച്വർ സീരീസിലെയും ലെൻസുകൾ അത്യാവശ്യം ഇറക്കി കഴിഞ്ഞു.

50mm f 1.2 ലെന്സ് കാനൻ മുൻപേ ഇറക്കിയിരുന്നു എങ്കിലും 50mm ഫോക്കൽ ലെങ്ങ്തിൽ ഒരു ബഡ്ജറ്റ് ലെന്സ് ഇത്തിരി വൈകി ആണ് വന്നത്. കാനൻ EOS-R3 എന്ന ഏറ്റവും പുതിയ മിറർ ലെസ്സ് കാമറ അവതരിപ്പിച്ചതിനൊപ്പം ആണ് 16mm ലെൻസും അവതരിപ്പിച്ചത്. ഈ രണ്ട് ലെൻസുകളെ ആണ് നമ്മൾ ഇവിടെ പരിചയപ്പെടാൻ പോകുന്നത്.

കാഴ്ച്ചയിൽ വളരെ അധികം സാമ്യം തോന്നുന്ന ഈ ലെൻസുകൾ ഫീച്ചേഴ്സ് ലും ചില സാമ്യതകൾ ഉള്ളതുകൊണ്ടാണ് ഈ രണ്ട് ലെൻസുകളും ഒരുമിച്ച് പരിചയപ്പെടുത്താം എന്ന ആശയം ഉണ്ടായത്. രണ്ടും ഫുൾ ഫ്രെയിം ലെൻസുകൾ ആണെന്ന് എടുത്തു പറയേണ്ടതില്ലല്ലോ. രണ്ടു ലെൻസുകൾക്കും 7 ഡയഫ്രം ബ്ലേഡുകൾ ആണ് ഉള്ളത്. ഡീസന്റ് ആയ ബൊക്കെഹ് എഫ്ഫക്റ്റ് നല്കാൻ ഇത് പ്രാപ്തം ആണ്.

മിനിമം അപ്പേർച്ചർ വാല്യൂ 22 ആണ്. ഫിൽറ്റർ സൈസ് 43 mm. മെറ്റെൽ മൗണ്ട് ആയി ആണ് ലെൻസുകൾ ഇറക്കിയിരിക്കുന്നത്. ഭാരത്തിൽ അഞ്ച് ഗ്രാമിന്റെ (5 gm) മാത്രം വ്യത്യാസമാണ് ഈ രണ്ടു ലെൻസുകൾ തമ്മിലുള്ളത്. 16mm ലെൻസിനു 165 ഗ്രാം ഭാരവും 50mm ലെൻസിനു 160 ഗ്രാം ഭാരവും. ഭാരം വളരെ കുറവായതു കൊണ്ട് തന്നെ ഗിമ്പൽ ഉപയോഗിക്കുന്നവരുടെ പ്രിയം പിടിച്ചു പറ്റാൻ വളരെ അധികം സാധ്യത ഉണ്ട്

RF16mm f/2.8 STM

16mm ലെൻസിനു മാക്സിമം 2.8 ഓപ്പണിങ് ആണ് ഉള്ളത്. 16mm എന്നത് ഫുൾഫ്രെയിം ഫോർമാറ്റിൽ അത്ര സാധാരണമായ ഒരു ഫോക്കൽ ലെങ്ത് അല്ല. അഗ്രികൾച്ചറൽ ഇന്റീരിയർസ്, ലാൻഡ്സ്കേപ്പ്, മിൽക്കിവേ ഫോട്ടോഗ്രാഫി അതുപോലെതന്നെ വെബ്ക്യാമ് ആയി ക്യാമറ ഉപയോഗിക്കുന്ന അവസരങ്ങളിൽ ഒക്കെ വളരെ ഉപകാരപ്രദമാകും വിധമാണ് ഈ ലെൻസ്. ഡയഗണൽ ആങ്കിൾ ഓഫ് വ്യൂ 108 ഡിഗ്രിയാണ്. ഇത്ര അധികം വൈഡ് ഫ്രെയിം നൽകുമ്പോഴും ചിത്രത്തിന്റെ ആഗ്രഹങ്ങളിലെ വക്രത (distortion) വളരെ കുറവാണ് എന്നത് എടുത്തു പറയേണ്ട മികവ് തന്നെ ആണ്. മിനിമം ഫോക്കൽ ഡിസ്റ്റൻസ് 0.13 മീറ്റർ (0.13m, 0.43 feet). മാക്സിമം മാഗ്നിഫിക്കേഷൻ 0.26x ആണു.

RF50mm f/1.8 STM

50 mm ലെൻസ് ഉപയോഗത്തെപ്പറ്റി ഒരു ഫോട്ടോഗ്രാഫർഓട് പറയേണ്ട ഒരു ആവശ്യവുമില്ല. ഫുൾഫ്രെയിം ഫോർമാറ്റിൽ ആർക്കും ഒഴിച്ചുകൂടാനാകാത്ത ലെൻസാണ് 50mm. പഴയ EF മൗണ്ട് f 1.8 ലെൻസ് RF മൗണ്ട് അഡാപ്റ്റർ ഉപയോഗിച്ച് കാനോൺ മിറർലെസ് ക്യാമറകളിൽ ചിത്രങ്ങൾ എടുക്കുമ്പോൾ കിട്ടുന്ന റിസൾട്ട് നേക്കാൾ വളരെ മികച്ച റിസൾട്ട് തന്നെ പുതിയ ലെൻസ് തരും. പ്രത്യേകിച്ച് മാക്സിമം ഓപ്പണിങ്ങിൽ ചിത്രങ്ങൾ എടുക്കുന്ന അവസരങ്ങളിൽ ചിത്രങ്ങളുടെ കോർണർകളിൽ ഉണ്ടാകുന്ന ഷാർപ്നെസ് അതുപോലെ കോണ്ട്രാസ്റ്റ് എന്നിവ പുതിയ RF ലെൻസിൽ വളരെ മികച്ചതാണ്.

കാനൻ ഒഫീഷ്യലിൽ നിന്ന് ഉള്ള വിവരം പ്രകാരം കാനൻ R5, R6 ക്യാമെറകളിൽ ഗൈറോ സെന്സറിന്റെ (gyro sensor) സഹായത്തോടെ 7 സ്റ്റോപ്പ് ഇമേജ് സ്റ്റെബിലൈസേഷൻ നൽകാൻ 50mm f 1.8 RF ലെന്സിനു കഴിയും. മിനിമം ഫോക്കൽ ഡിസ്റ്റൻസ് 30 സെൻറ്റി മീറ്റർ (30cm). മാക്സിമം മാഗ്നിഫിക്കേഷൻ 0.25 ആണു.

ഇനി വില.

RF16mm f/2.8 STM – ലെന്സിനു ഇന്ത്യൻ വില Rs. 26 995.00

RF50mm f/1.8 STM – ലെന്സിനു ഇന്ത്യൻ വില Rs. 17 995.00

കൂടുതൽ വായന.

]]> https://photomalayalam.com/canon-16mm-50mm-rf-lens/feed/ 1 കുഞ്ഞൻ ഡ്രോണിൽ ഒത്തിരി കാര്യം. Mavic Air 2S അവതരിപ്പിച്ച്‌ DJI https://photomalayalam.com/dji-mavic-air-2s/ https://photomalayalam.com/dji-mavic-air-2s/#respond Fri, 15 Oct 2021 07:39:40 +0000 https://photomalayalam.com/?p=931

ഫോട്ടോഗ്രാഫി വീഡിയോഗ്രാഫി മേഖല, സിനിമ ചിത്രീകരണം മുതലായവയിൽ വ്യത്യസ്ത രീതിയിൽ വൈഡ് ആംഗിൾ, ഏരിയൽ ഫോട്ടോഗ്രാഫി എന്നിവയിൽ വിപ്ലവ മാറ്റത്തിന് തുടക്കം കുറിച്ചു കൊണ്ടാണ് ഡ്രോൺ ഉപയോഗിച്ച് കൊണ്ടുള്ള ചിത്രീകരണ ആവിഷ്കാര രീതി ഇപ്പോൾ അവലംബിച്ച് പോകുന്നത്. മുൻകാലങ്ങളിൽ ഇത്തരം ചിത്രീകരണത്തിന് ഭാരിച്ച ചിലവ് വന്നിരുന്നു. ഇന്ന് ഡ്രോൺ സാങ്കേതികവിദ്യയിൽ മുൻനിര കമ്പനിയായ Dji ആണ് ഇക്കാര്യത്തിൽ നവീന സാങ്കേതിക രംഗത്തെ പ്രമുഖ ബ്രാൻഡ്ആയി അറിയപ്പെടുന്നത്. Dji യുടെ മുൻ മോഡലായ മാവിക് (Mavic) സീരീസിലെ മാവിക് എയർ (Mavic- air) മാവിക് മിനി (Mavic- mini) എന്നിവയും ഒട്ടേറെ പ്രചാരം നേടിയ മറ്റ് മോഡലുകളാണ്.

Dji കമ്പനി Mavic സീരീസിലെ ഏറ്റവും പുതിയ മോഡലായാണ് മാവിക് എയർ ടു എസ് (Mavic- Air 2S) ഒട്ടനവധി പ്രത്യേകതകളോടെ 2021-ൽ പുറത്തിറക്കിയിരിക്കുന്നത്.

സവിശേഷതകൾ

മാവിക് എയർ ടു എസ് (Mavic Air 2S) എന്ന മോഡലിൽ പ്രധാനഘടകം അതിന്റെ 1 ഇഞ്ച് (1 inch CMOS 2.4) സെൻസർ ആണ്. ഇതിൽ നിന്ന് മികച്ച ക്വാളിറ്റി ഉറപ്പുവരുത്തുന്നു. “വലിയ ലോകം വലിയ സെൻസർ” (Big World, Big Sensor) എന്ന ക്യാപ്ഷൻ തന്നെയാണ് കമ്പനി അതിന്റെ സവിശേഷതകളെക്കുറിച്ച് വർണിച്ചിരിക്കുന്നത്. ഇത് 5.4K റെസല്യൂഷനിൽ വീഡിയോ ചിത്രീകരണം 30fps (Frame Per Second) വരെ സാധ്യമാകുന്നു. കൂടാതെ 4k യിൽ പരമാവധി 60fps വരെയും 2k യിൽ 120 fps വരയും നൽകിയിരിക്കുന്നു.

മാവിക് എയർ ടു എസ് (Air 2 S) വളരെ സൗകര്യപ്രദമായി ഉപയോഗിക്കുന്നതിന് വേണ്ടി ഇതിന്റെ ബോഡി വെയ്റ്റ് 600 ഗ്രാമിൽ താഴെ മാത്രമായി ചുരുങ്ങിയിരിക്കുന്നു. ഇത് യാത്രകളിലും മറ്റും ഉപയോഗിക്കുന്നവർക്ക് സൗകര്യപ്രദമായി കൊണ്ടുപോകുന്നതിന് എളുപ്പമാക്കുന്നു. 12 കിലോമീറ്റർ ദൂരത്തേക്ക് പോയി വരെ ചിത്രീകരണം സാധ്യമാക്കുന്ന “Ocu sync Wi-Fi protocol transmission system 3.0” മറ്റൊരു പ്രധാനപ്പെട്ട സവിശേഷതയാണ്.

ഹെലിക്യാം ഉപയോഗിക്കുന്നവരുടെ പ്രധാന വെല്ലുവിളി ഇതിൽ ഉണ്ടാകുന്ന അപകടസാധ്യത തന്നെയാണ് അതായത് എവിടെയെങ്കിലും തട്ടി താഴെ വീണുണ്ടാകുന്ന നഷ്ടം,അത് പരിഹരിക്കുന്നതിനായി 4 ഡയറക്ഷൻ ഒബ്സ്റ്റക്കിൾ സെൻസിംഗ് തടസ്സങ്ങളെ അതിജീവിച്ച സ്വയംനിയന്ത്രിത സംവിധാനം ഈ മോഡലിൽ കൂടുതൽ കാര്യക്ഷമമായി പ്രവർത്തിക്കുന്നു. അതിനായി (ADSB) ഡിജെഐ പുതുതായി അവതരിപ്പിച്ചിട്ടുള്ളത് മാവിക് എയർ ടു എസ് എന്ന ഈ മോഡലിലൂടെ ആണ്.

കൂടാതെ 10 Bit D-log-m കളർ പ്രൊഫൈൽ, സിനിമ,വീഡിയോ ചിത്രീകരണത്തിന് ഈ ചെറിയ ഡ്രോൺ മോഡലിൽ ഉൾക്കൊള്ളിച്ചിട്ടുണ്ട്. 20 എം പി റെസല്യൂഷനിലുള്ള വൺ ഇഞ്ച് സെൻസറിൽ നിന്നും ഷാർപ്പ് ആയ ചിത്രങ്ങൾ റോ ഇമേജ് ലൂടെ 12.6 സ്റ്റോപ്പ്‌ ഡൈനാമിക് റേഞ്ച് നൽകുവാൻ പുതിയ മോഡലിനെ കഴിയുന്നു. ഇത് പോസ്റ്റ് പ്രോസസിംഗ് സമയത്ത് പ്രൊഫഷണൽ ക്യാമറകളോട് സാമ്യമായ രീതിയിൽ ചിത്രങ്ങൾ എടുക്കാൻ സഹായിക്കുന്നു. Intelligent HDR ടെക്നോളജിയിലൂടെ പോസ്റ്റ് പ്രൊഡക്ഷൻ ഒഴിവാക്കിയുള്ള ഫോട്ടോ ചിത്രീകരണം ഇതിൽ ഉൾക്കൊള്ളിച്ചിട്ടുണ്ട്. മൾട്ടിപ്പിൾ പിക്ചർ ഷൂട്ട് ലൂടെയാണ് ഇത് സാധ്യമാക്കുന്നത്. ഇത്തരം ചിത്രീകരണ സംവിധാനത്തിലൂടെ ഡൈനാമിക് റേഞ്ച് കൂട്ന്നതിനും ഇത് സഹായിക്കുന്നു. ഒറ്റക്ലിക്കിൽ നൂതന വീഡിയോ സാങ്കേതികവിദ്യ ആയ ഹൈപ്പർ ലാപ്സ് ചിത്രീകരണം, പനോരമിക് എന്നീ ഫീച്ചറുകളും നൽകിയിട്ടുണ്ട്.

“സ്മാർട്ട് ഫീച്ചർ പെർഫെക്ട് ഷോട്ട്” എന്നാണ് കമ്പനി ഇതിനു നൽകുന്ന ഓമനപ്പേര്. ഡ്രോൺ ഉപഭോക്താക്കൾക്ക് പ്രധാനമായും നേരിടുന്ന പോരായ്മയാണ് ഫോക്കസിംഗ്. ഇതിന് പരിഹാരമെന്നോണം വിവിധ ഇനം ആവശ്യങ്ങൾക്കുള്ള ഫോക്കസ് ട്രാക്കിംഗ് ഓപ്ഷൻ ഇതിൽ പുതുതായി അവതരിപ്പിച്ചിരിക്കുന്നു.

Cinematic, spotlight 2.0, active tracking, point of interest എന്നിങ്ങനെ വിവിധ ഉപയോഗത്തിന് ആവശ്യമായ ഫോക്കസ് സംബന്ധമായ പ്രശ്നങ്ങൾ കമ്പനി കണ്ടെത്തിയതാണ് ഇത്തരം ഓപ്ഷനുകളും ചിത്രീകരണ രീതിയും സുഗമമാക്കും.

മുൻപ് സൂചിപ്പിച്ച സെൻസർ സവിശേഷതകൾ AI environmental sensing algorithm ഉപയോഗിച്ചാണ് നാല് ദിശകളിലും ഉള്ള തടസ്സങ്ങളെ സ്വയം അതിജീവിച്ച് പ്രവർത്തിക്കുവാൻ APSC 4.0 ( advanced pilot assistance system technology ) യുടെ പ്രത്യേകതയാണ്.

മുൻപ് ഉപയോഗിച്ചിരുന്ന വൈഫൈ പ്രോട്ടോക്കോൾ ടെക്നോളജി ആയ ബ്രിഡ്ജ് പ്രോട്ടോക്കോളിൽ നിന്നും വൃത്യസ്തമായി ഒക്കൂ സിംഗ് ലൂടെ വീഡിയോ ട്രാൻസ്മിഷൻ 1080p ക്വാളിറ്റിയിൽ കാണുവാനും സാധിക്കുന്നത് കമ്പനിയുടെ പുത്തൻ ടെക്നോളജി തന്നെയായി Dji ക് മാത്രം അവകാശപ്പെട്ട ഒന്നാണ്. 4ആന്റിനകളുടെ സഹായത്തോടെയാണ് 2.4Ghs, 5.8 Ghs എന്നീ ബാൻഡ് വിഡ്ത്തുകളിൽ 12km ദൂരത്തുനിന്ന് വരെയുള്ള തൽസമയ വീഡിയോ സംപ്രേക്ഷണവും നിയന്ത്രണവും സുഖമായി സാധ്യമാക്കുക. അതിൽ ഡി ജെ ഐ (DJI) കമ്പനിയോട് കിടപിടിക്കുവാൻ മറ്റു കമ്പനികൾക്ക് സാധിക്കാത്തത് ഇതിനാൽ മാത്രമാണ്. വളരെ വേഗത്തിൽ ഈ മേഖലയിൽ ഡ്രോൺ മറ്റ് അനുബന്ധ ഉൽപ്പന്നങ്ങളുമായി ഒന്നാം സ്ഥാനം നിലനിർത്തി മുന്നോട്ടു കുതിക്കുന്നത്. Dji അവതരിപ്പിച്ചിട്ടുള്ള വിവിധ ഉൽപ്പന്നങ്ങൾ കാര്യക്ഷമതയിലും ഗുണമേന്മയിലും ഇപ്പോഴും മുൻപന്തിയിൽ തന്നെ എന്ന് അനുമാനിക്കാം.

പോരായ്മകൾ.

വൺ ഇഞ്ച് സെൻസർ കളിൽനിന്നും 5.4k, 4.K ഇമേജുകൾ ക്രോപ് ഫാക്ടറി ലൂടെ ലഭ്യമാകുമ്പോൾ വളരെ മികച്ച ദൃശ്യാനുഭവം എന്ന് അവകാശപ്പെടാൻ കഴിയില്ല. ആക്ടീവ ട്രാക്ക്, പോയിന്റ് ഓഫ് ഇൻട്രസ്റ്റ് എന്ന ഓപ്ഷൻ 5.4k, 4k എന്ന റസല്യൂഷൻ ലഭ്യമല്ല.

ഇന്ത്യയിൽ നിലവിൽ അംഗീകൃത ്് സെയിൽസ് , സർവീസ് സെന്ററുകൾ മാവിക് മിനി സീരീസ് ഒഴികെ ഒന്നിനും ലഭ്യമല്ല. നിലവിലെ നിയമമനുസരിച്ച് ഡി ജെ ഐ യുടെ വിവിധ മോഡലുകൾ ഇറക്കുമതി ചെയ്യുന്നതിനും മറ്റ് വിദേശരാജ്യത്ത് നിന്ന് വാങ്ങി ഇവിടെ ഉപയോഗിക്കുന്നതിനും നിയന്ത്രണങ്ങൾ ഏറെയാണ്. സൈഡ് സെൻസർ ഇല്ല എന്നതും മറ്റൊരു പോരായ്മയാണ്.

അവലോകനം

ഒട്ടനവധി സവിശേഷതകൾ കൊണ്ട് ഈ മേഖലയിൽ DJI mavic 2Sപുതു വിപ്ലവത്തിന് മാറ്റ് കൂട്ടും എന്ന കാര്യത്തിൽ സംശയമില്ല. ഒരു ചെറിയ മോഡൽ ഡ്രോൺ ഇത്രയധികം ഉപഭോക്താവിനാവശ്യകാര്യം ഉൾപ്പെടുത്തി അവതരിപ്പിക്കുവാൻ ഡിജെഐ കംബനിക്ക് മാത്രമേ എളുപ്പത്തിൽ കഴിയൂ. എങ്കിലും ഇന്ത്യയിലെ നിലവിലെ നിയമവ്യവസ്ഥയിൽ ഇത്തരം ഉപകരണങ്ങൾ ഉപയോഗിക്കുന്നതിന് ചെറിയ ഇളവുകൾ നിലനിൽക്കുന്നുണ്ടെങ്കിലും DGCA ഈ കമ്പനിയെ നിലവിൽ ഉൾപ്പെടുത്താത്ത തിനാൽ ഇത്തരം മോഡലുകൾ ഇന്ത്യയിൽ സുഖമായി ഫോട്ടോഗ്രാഫി വീഡിയോഗ്രാഫി സിനിമ മേഖലകളിൽ ഉപയോഗിക്കുന്നതിനായി നിയമത്തിലെ ചില നിയന്ത്രണങ്ങൾ അനുവാര്യത ആണോ എന്ന് ആത്മപരിശോധന നടത്തേണ്ടിയിരിക്കുന്നു. ഒറ്റ ചാർജിൽ 31 മിനിറ്റ് ആണ് ബാറ്ററി ദൈർഘ്യം. 20mm wide angle lens ,In built 8 gb memmory.999 ഡോളറാണ് വില, fly മോർ combo 1299 ഡോളർ. 75000 രൂപയാണ് ഇന്ത്യൻ മാർക്കറ്റിലെ ഏകദേശ വില.

Research & Writing:

Yasar Amaurys
Phototech journalist

കൂടുതൽ വായന.

]]> https://photomalayalam.com/dji-mavic-air-2s/feed/ 0 ആർട്ടിഫിഷ്യൽ ഇന്റലിജൻസ് ഉപയോഗിച്ച് ഫോട്ടോ എഡിറ്റ് സാധ്യമാണോ? https://photomalayalam.com/luminar-ai-reenus-imagical/ https://photomalayalam.com/luminar-ai-reenus-imagical/#respond Wed, 29 Sep 2021 01:02:05 +0000 https://photomalayalam.com/?p=754

ഫോട്ടോ എഡിറ്റിംഗ് ജോലികൾ ഏറെ സമയമെടുക്കുന്നതും സങ്കീർണ്ണവുമാണെന്ന് പറയേണ്ടതില്ലല്ലോ, ഫോട്ടോഷോപ്പ് 1 മുതലിങ്ങോട്ട് 2021 വരെ ഇവ ലഘൂകരിക്കാൻ ശ്രമിച്ചുകൊണ്ടിരിക്കുന്നത് നാം കാണുന്നുമുണ്ട്. എന്നാൽ ഇപ്പോഴും പരിമിധികളൊരുപാട് ഉണ്ട്, ഉദാഹരണത്തിന് ഫോട്ടോഷോപ്പ് ആക്ഷനെടുത്താൽ (Photoshop actions) എല്ലാതരം ഫോട്ടോകളിലും ഒരുപോലെയായിരിക്കും അത് പ്രകടമാക്കുക. ഓരോ ചിത്രത്തിന്റെയും സ്വഭാവം വ്യത്യസ്ഥമായി അനലൈസ് ചെയ്തല്ല ഇത് അപ്ലേ ചെയ്യുന്നത്.

ഈ സമയത്താണ് ആർട്ടിഫിഷ്യൽ ഇന്റലിജൻസ് (Artificial Intelligents – Ai) (പൂർണ്ണമായും Ai അല്ല, മെഷിൻലേണിഗും ന്യൂറൽ നെറ്റ് വർക്കും ഇവിടെ Ai ഗണത്തിൽ പറഞ്ഞുപോകുന്നുണ്ട്. ഇവ മറ്റൊരിക്കൽ വിഷദമായി പറയാം) അഥവ കൃത്രിമബുദ്ധി ഉപയോഗിച്ചു തുടങ്ങിയത്. ഫോട്ടോഷോപ്പും ഇപ്പോൾ ആർടിഫിഷ്യൽ ഇന്റലിജൻസ് ഉപയോഗിക്കുന്നുണ്ടെങ്കിലും ഇന്ന് നമ്മൾ പറയാൻ പോകുന്നത് ലുമിനാർ എ.ഐ. എന്ന ആർടിഫിഷ്യൽ ഇന്റലിജൻസ് അടിസ്ഥാനമായി പ്രവർത്തിക്കുന്ന ഒരു സോഫ്റ്റ്‌വെയറിനെ കുറിച്ചാണ്.

ലുമിനാർ എ.ഐ. (Luminar Ai)

ആർടിഫിഷ്യൽ ഇന്റലിജൻസ് ഉപയോഗിച്ച് പ്രവർത്തിക്കുന്ന ഒരു വിപ്ലവകരമായ പുതിയ ഇമേജ് എഡിറ്റിംഗ് സോഫ്റ്റ് വെയറാണ് ലുമിനാർ എ.ഐ. (Luminar 4 ൽ നിന്നും അല്പം വ്യത്യസ്തമാണ് ഇത്) ഇതൊരു സ്റ്റാന്റ് എലോൺ (Stand Alone) സോഫ്റ്റ് വെയറായും ലൈറ്റ്റൂം ഫോട്ടോഷോപ്പ് പ്ലഗിനായും (Plug-In) ഉപയോഗിക്കാം. വളരെ ലളിതവും സുന്ദരവുമായ രൂപകല്പന ആയതിനാൽ (User Interface) തുടക്കക്കാർക്കും പ്രൊഫഷണലുകൾക്കും വളരെ പെട്ടെന്ന് തന്നെ സ്വായത്തമാക്കാവുന്നതാണ് ലുമിനാർ എ.ഐ.

ഫോട്ടോ എഡിറ്റിംഗ് രംഗത്ത് പരമ്പരാഗതമായ സമീപനമല്ല ലൂമിനാർ പുലർത്തുന്നത് എന്നതിനാൽ ഒരു നവ്യാനുഭവം തന്നെയാണ് പൂർണ്ണമായും എ.ഐ. ഉപയോഗിച്ച് പ്രവർത്തിക്കുന്ന ലോകത്തിലെ ആദ്യത്തെ എഡിറ്റിംഗ് സോഫ്റ്റ് വെയർ എന്നവകാശപ്പെടുന്ന ലുമിനാർ എ.ഐ. ആർടിഫിഷ്യൽ ഇന്റലിജൻസ് ഉപയോഗിക്കുമ്പോൾ ഉള്ള പ്രധാന പോരായ്മ പൂർണ്ണ നിയന്ത്രണം കമ്പ്യൂട്ടർ ഏറ്റെടുക്കുന്നു എന്നാണ്. എന്നാൽ, ഉപയോക്താക്കൾക്ക് പൂർണ്ണ നിയന്ത്രണം ലുമിനാർ എ.ഐ. ഉറപ്പ് നൽക്കുന്നു. അത്കൊണ്ട് തന്നെ ഫോട്ടോ പ്രോസസിംഗിൽ കൃത്രിമത്വം (Artificiality) പ്രകടമാകുന്നത് നിയന്ത്രിക്കാനും സാധിക്കുന്നു. അതായത് ഉത്തമാ… പ്രൊസസിംഗിൽ ശ്രദ്ധ കേന്ദ്രീകരിക്കുന്നതിന് പകരം റിസൾട്ടിൽ ശ്രദ്ധിക്കാൻ സാധിക്കുന്നു.

ഒന്നുകൂടെ വ്യക്തമാക്കി പറഞ്ഞാൽ ഫ്രീക്വൻസി സെപറേഷൻ (Frequecy Seperation) ലൂമിനോസിറ്റി മാസ്കിംഗ് (Luminocity Masking), ടോണാലിറ്റി മാസ്ക് (Tonality Masking) എന്നൊക്കെ കേട്ട് പേടിച്ച് എഡിംഗ് ഒന്നും നമ്മുടെ ഇമേജിന് ആവശ്യമില്ലെന്ന് പറഞ്ഞു നടക്കുന്നവർക്കും, ഞാൻ സിമ്പിളായി ലൈറ്റ്റൂം പ്രീസെറ്റിട്ട് വാല്യൂസ് അങ്ങോട്ടും ഇങ്ങോട്ടും പിടിച്ച് തിരിച്ച് അങ്ങ് ഒപ്പിക്കും… എന്ന് പറയുന്നവർക്കും സധൈര്യം ഒന്ന് പരീക്ഷിക്കാം ലൂമിനാർ എ.ഐ.

വെറും 30 മിനിറ്റ് ചിലവാക്കാനുണ്ടോ നിങ്ങൾക്കും സുന്ദരമായി പഠിച്ചെടുക്കാവുന്ന ഒന്നാണ് ലുമിനാർ എ.ഐ.

ക്രിയേറ്റിവിറ്റിയെ (സർഗ്ത്മകത) ത്യജിക്കാതെ ഫോട്ടോ എഡിറ്റിംഗിന്റെ മടുപ്പിക്കുന്നതും സങ്കീർണ്ണവുമായ ഭാഗങ്ങൾ ലളിതവും നിയന്ത്രിതവുമാകയാൽ ഇവിടെ എഡിറ്റിംഗ് രസകരവും എളുപ്പമുള്ളതുമായി തീരുന്നു.

ലുമിനാർ എ.ഐ. സവിശേഷതകളും ന്യൂനതകളും

സവിശേഷതകൾ

ലളിതമായ വർക്സ്പെയ്സ് ആയതിനാൽ തന്നെ കുടുതൽ കാര്യക്ഷമമായ വർക്ക്ഫ്ലോ സാധ്യമാകും. ലുമിനാർ 4നെ അപേക്ഷിച്ച് ഇമേജ് മാനേജ്മെന്റ് ഒഴിവാക്കിയതിലൂടെ മെച്ചപ്പെട്ട പ്രകടനം, സ്പീഡ് നൽകാൻ സാധിക്കുന്നു. (ഇമേജ് മാനേജ്മെന്റാണ് ലൈറ്റ്റൂം ക്ലാസിക്കിന്റെ പോരായ്മയും സവിശേഷതയും എന്നോർക്കുക)

പ്രധാനമായും 4 വർക്സ്പെയ്സുകളാണ് ഉള്ളത്. കാറ്റലോഗ് (Cataloge), ടെപ്ലേറ്റ് (Template), എഡിറ്റിംഗ് (Editing) & എക്സോർട് (Export)

1. കാറ്റലോഗ്

ചിത്രങ്ങളും, ഫോൾഡറുകളും, ആൽബങ്ങളും കാണിക്കുന്നു. ലൂമിനാർ 4, ലൈറ്റ്റൂം, ക്യാപ്ച്വർ വൺ പോലെ ഒരു സമ്പൂർണ്ണ കാറ്റലോഗൊന്നുമല്ല ഇത്. അഡോബ് ബ്രിഡ്ജ് പോലെ കണക്കാക്കാം.

2. ടെംപ്ലേറ്റ്

ലൂമിനാർ എ.ഐയുടെ സവിശേഷമായ ഒരു വർക്സ്പെയ്സ് ആണിത്. നമ്മൾ സെലക്ട് ചെയ്യുന്ന ചിത്രത്തിനെ വിശകലനം ചെയ്ത് മികച്ച എഡിറ്റുകൾ നിർദ്ദേശിക്കുന്ന സൂപ്പർ പ്രീസെറ്റുകൾ പോലെയാണ് ഈ വർക്സ്പെയ്സ് നിലകൊള്ളുന്നത്.

3. എഡിറ്റ്

എ.ഐ ഉപയോഗിച്ച് എഡിറ്റ് ചെയ്യുന്ന ടൂളുകളും മറ്റും ഉൾപ്പെടുത്തിയിരിക്കുന്ന വിഭാഗത്തെ നാലായി തരം തിരിച്ചിക്കുന്നു. എസെൻഷ്യൽ, പോട്രേറ്റ്, ക്രീയേറ്റീവ്, പ്രൊഫഷണൽ.

4. എക്സ്പോർട്

വ്യത്യസ്ഥ ഫോർമാറ്റുകളിലേക്കും ഡിവൈസുകളിലേക്കും ചിത്രങ്ങളെ അനായാസം സേവ് ചെയ്യാൻ ഈ വർക്സ്പെയ്സ് ഉപയോഗിക്കുന്നു.

പ്രവർത്തനങ്ങൾ വിശദമായി നോക്കാം

കാറ്റലോഗ് (Cataloge)

മുകളിലുള്ള +Button ക്ലിക്ക് ചെയ്ത് ഒരു ചിത്രമായോ ഒന്നിലധികം ചിത്രങ്ങളുള്ള ഫോർഡറുകളായോ Import ചൊയ്യാം. RAW ഫയൽ ആയാലും JPEG ആയാലും വളരെ വേഗം തന്നെ ഇമ്പോർട്ടിംഗ് (Importing) സാധ്യമാകും.

ടെംപ്ലേറ്റ് (Template)

ലൂമിനാർ എ.ഐയുടെ ഹൃദയം എന്നാണ് ടെംപ്ലേറ്റ് വർക്സ്പെയിസിനെ (Workspace) വിശേഷിപ്പിക്കുന്നത്. സാധാണ പ്രീസെറ്റുകൾ “അന്ധമായി” ആണ് ഒരു ചിത്രത്തിലേക്ക് ഉപയോഗിക്കപ്പെടുന്നത് എങ്കിൽ ഇവിടെ കൃത്രിമബുദ്ധി ഉപയോഗിച്ച് ചിത്രത്തെ അവലോകനം ചെയ്ത ശേഷം, അതിനനുസൃതമായ മികച്ച എഡിറ്റുകൾ നിർദ്ദേശിക്കപ്പെടുന്നു. ഇതിൽ വേണമെങ്കിൽ ആവശ്യമായ മാറ്റങ്ങൾ വരുത്താനും നിങ്ങൾക്ക് സാധിക്കും.(ലൈറ്റ്റൂമിൽ പ്രീസെറ്റ് എന്നും ലൂമിനാർ4 ൽ ലുക്സ് എന്നും പറയുന്നപോലെ ഇവിടെ ടെംപ്ലേറ്റ് എന്ന് പറയുന്നു.)

ഫോട്ടോഷോപ്പിലും ലൈറ്റ്റൂമിലും പ്ലഗ്നിനായി (Plug-In) ഉപയോഗിക്കാം.

ഇത്രയും സമയം നമ്മൾ സംസാരിച്ചത് സ്റ്റാന്റ് അലോൺ (Stand Alone) സോഫ്റ്റ് വെയറിനെ കുറിച്ചായിരുന്നു. എന്നാൽ നിലവിലെ വർക്ഫ്ലോ മാറ്റുക എന്നത് ഒരു പ്രൊഫഷണലിനെ സംബന്ധിച്ച് അല്പം ബുദ്ധിയുള്ള കാര്യമാണ്. ലൂമിനാർ എ.ഐ. പ്ലഗ്-ഇൻ ആയി ഉപയോഗിക്കുന്നതിലൂടെ വർക്ഫ്ലോ തടസ്സപ്പെടുത്താതെ തന്നെ ലൂമിനാർ എ.ഐ. ഉപയോഗിക്കാൻ സാധിക്കുന്നു എന്നതാണ്.

ലൈറ്റ്റൂം 6 മുതലുള്ള വേർഷനുകളിലും ഫോട്ടോഷോപ്പ് സി.എസ് 5ന് മുകളിലുള്ള വേ‍ർഷനുകളിലും ലൂമിനാർ എ.ഐ. ഇൻസ്റ്റാൾ ചെയ്യുന്ന സമയത്ത് തന്നെ ഓട്ടോമാറ്റിക്ക് ആയി പ്ലഗ്-ഇൻ ഇൻസ്റ്റാൾ ആകുന്നാതാണ്.

ഒരു ചെറിയ ടിപ്പ് (പ്രത്യേകിച്ചും എഡിറ്റർമാർക്ക്) ലൂമിനാർ എ.ഐ. സ്റ്റാന്റ് അലോൺ ഉപയോഗിക്കുന്നതിനേക്കാൾ നല്ലത് ലൈറ്റ്റൂം, ഫോട്ടോഷോപ്പ് പ്ലഗ്-ഇൻ ആയി ഉപയോഗിക്കുന്നതാണ്.

കൃത്രിമ ബുദ്ധി സമയം ലാഭിക്കും!!!

ഒരു ചിത്രത്തിൽ നിങ്ങൾക്ക് ഒരു Highend റീടച്ചർ മണിക്കൂറുകൾ ചിലവിട്ട് നേടുന്ന റിസൾട്ടും പെർഫെക്ഷനും ക്വാളിറ്റിയും ഒന്നും അത്രതന്നെ ആവശ്യമില്ല എന്നാൽ അല്പസ്വല്പം മെച്ചപ്പെട്ട റിസൾട്ട് പെട്ടെന്ന് കിട്ടുകയും വേണം. അവരുപയോഗിക്കുന്ന സ്കീൻ സ്മൂതനിഗും ഐ ബ്രൈറ്റനിംഗും ലിക്വുഫൈയും എല്ലാം കിട്ടുകയും വേണം. എന്നാൽ അതിനുവേണ്ടി ഫ്രീക്വൻസി സെപ്പറേഷനോ (Frequency Seperation) ഡോഡ്ജ് ആന്റ് ബേണോ (Dodge & Burn) ലൂമിനോസിറ്റി മാക്സിങ്ങോ (Luminocity Mask) ചെയ്യാൻ വശവുമില്ല, സമയവുമില്ല. നിങ്ങളെ ലുമിനാർ എ.ഐ സഹായിക്കും ഈ പറഞ്ഞ കാര്യങ്ങളൊന്നുമില്ലാതെ.

ഒരു പ്രെഫഷണൽ റീടച്ചർ മണിക്കൂറുകുൾ ചിലവിട്ട് അയാളുടെ ക്രിയേറ്റിവിറ്റിയും കൃത്രിമമല്ലാത്ത ബുദ്ധിയും എക്സ്പീരയൻസും ഉപയോഗിച്ച് നേടിയെടുക്കുന്ന റിസൾട്ട് അത്പോലെ കിട്ടും എന്ന് ഇതിനർത്ഥമില്ല കെട്ടോ. (എനിക്ക് എയറിൽ പോകാൻ വയ്യ)

ഫോട്ടോഷോപ്പ്, ലൈറ്റ് റൂം, അഫിനിറ്റി ഫോട്ടോ (Affinity Photo), ക്യാപ്ച്വർ വൺ (Capture One) തുടങ്ങീ അതിശക്തമായ ഒട്ടനവധി എ‍‍ഡിറ്റിംഗ് സോഫ്റ്റ് വെയറുകൾ ഉണ്ടായിട്ടും തുടക്കക്കാരനായ (റിലീസായിട്ട് ഏകദേശം ഒരു വർഷം) ലൂമിനാർ എ.ഐയെ വിപണിയിൽ മുന്നിലെത്തിക്കുന്നത് ലൂമിനാറിലെ എ.ഐ. സങ്കേതങ്ങൾ തന്നെയാണ്.

നിങ്ങൾ ഏതുതരത്തലുള്ള ഫോട്ടോഗ്രാഫർ ആണെങ്കിലും (വെഡിംഗ്, ലാന്റ്സ്കേപ്, വൈൽഡ് ലൈഫ്…) എഡിറ്റിംഗിൽ മുൻപരിചയം ഇല്ലെങ്കിലും ലൂമിനാർ എ.ഐ. വളരെ എളുപ്പത്തിൽ ഉപയോഗിക്കാനാകും, ഒരു മൊബൈൽ ആപ്പ് പോലെ.

ലൂമിനാറിലെ എ.ഐ. ടൂളുകൾ ഏതൊക്കെയാണെന്ന് നോക്കാം (പ്രധാനപ്പെട്ടത് മാത്രം)

അറ്റ്മോസ്ഫിയർ എ.ഐ. (Atmospher AI)

മൂടൽ മഞ്ഞ്, പുകപടലം, നീരാവി, ചാറ്റൽ മഴ എന്നിവ കൊണ്ടുണ്ടാകുന്ന മൂടൽ നീക്കി 3ഡി ഡെപ്തിൽ (3D Depth) വീണ്ടെടുക്കാനും സഹായിക്കുന്നു. അതായത് ബാക്ക്ഗ്രൗണ്ട്, ഫോർഗ്രൗണ്ട് (Object) തിരിച്ചറിഞ്ഞ് പ്രവർത്തിക്കുക കൂടി ചെയ്യുന്നു.

ബോഡി എ.ഐ. (Body AI)

ശരീര വണ്ണം കൂട്ടുകയോ, കുറക്കുകയോ ചെയ്യാൻ സാധിക്കുന്നു. വയറു കുറക്കാനും സാധിക്കും. (മെച്ചപ്പെട്ട അപ്ഡേറ്റ് പ്രതീക്ഷിക്കുന്ന ഒരു വിഭാഗം കൂടിയാണ് ബോഡി എ.ഐ. ഉദാഹരണം വലതുകൈ വണ്ണം കുറക്കുക)

കോമ്പോസിഷൻ എ.ഐ. (Composition AI)

ചിത്രത്തെ അനലൈസ് ചെയ്ത് റൂൾ ഓഫ് തേഡ് (Rule of Third), ഗോൾഡൻ‍ റേഷ്യോ (Golden Ratio) പോലെയുള്ള ചിത്രത്തിന് അനുയോജ്യമായ മികച്ച കോമ്പോസിഷൻ നൽകാൻ സഹായിക്കുന്നു.

പൊട്രേറ്റ് ബൊക്കെ എ.ഐ. (Potrate Bokhe)

വലിയ അപ്പേർച്ചർ ഉപയോഗിച്ച് ഷാലോ ഡെപ്ത് ഓഫ് ഫീൽഡ് (Shallow Depth of Field) ക്രിയേറ്റ് ചെയ്യാൻ സഹായിക്കുന്നു. ഇവിടെ എ.ഐ. ഉപയോഗിച്ച് ഒബ്ജെക്ട് കൃത്യമായി നിർവചിക്കുന്നു എന്നതാണ് മറ്റു സോഫ്റ്റുവെയറുകളെ അപേക്ഷിച്ച് ലുമിനാർ എ.ഐയെ വ്യത്യസ്തമാക്കുന്നത്.

ഫെയ്സ് എ.ഐ. (Face AI)

മുഖ വണ്ണം കുറക്കുക, കണ്ണിനു ചുറ്റുമുള്ള കറുത്ത പാടുകൾ നീക്കം ചെയ്യുക. പല്ലുകൾ വെളുപ്പിക്കുക, ചുണ്ടുകൾ മെച്ചപ്പെടുത്തുക. എന്നിവയെല്ലാം ചെയ്യാനാകും.

പോട്രേറ്റ് ഇമേജുകളിൽ മുഖത്തേക്ക് കൂടുതൽ വെട്ടം നൽകാൻ ഫെയ്സ് ലൈറ്റിംഗ് (Face Lighting) ഉപയോഗിക്കാം. ഇവയെല്ലാം ഗ്രൂപ്പ് ഫോട്ടോയിലും സാധ്യമാണ്.

ഐറിസ് എ.ഐ. (Iris AI)

കണ്ണിന്റെ ആകൃതി, നിറം, വലിപ്പം തുടങ്ങിയവ ക്രമീകരിക്കാൻ സാധിക്കും. എ.ഐ. ഉപയോഗിച്ച് കണ്ണ് ഡിറ്റെക്ട് ചെയ്യുന്നതിനാൽ പ്രത്യേകം സെലക്ട് ചെയ്യേണ്ടതില്ല. ഗ്രൂപ്പ് ഫോട്ടോകളിൽ ഒന്നിലധികം കണ്ണുകളിലും പ്രായോഗികമാണ്. പോട്രേറ്റുകളിൽ ഐ പോപ്പ് ചെയ്യാൻ വളരെ എളുപ്പത്തിൽ സാധിക്കും

സ്കൈ എ.ഐ. (Sky AI)

ലാന്റ്സ്കേപ്പ് ഇമേജുകളിൽ ആകാശം നിർണ്ണയകമാണ്. ആകാശം ആകർഷണമുള്ളതാക്കി മാറ്റാൻ ഉപയോഗിക്കാം. കൂടാതെ ലുമിനാർ എ.ഐയിൽ മാത്രമുള്ള പ്രത്യേകത അകാശത്തിന്റെ പ്രതിഫലനം (Reflection) കൂടി മാറ്റാനാകും എന്നതാണ്. വെറുതെ മാറ്റുകയല്ല, ആകാശത്തിന്റെ നിറത്തിനനുയോജ്യമായി സീൻ റീലൈറ്റിംഗ് (Seen Relighting) ഫീച്ചറും ഉണ്ട്. മരച്ചില്ലകൾ, മനുഷ്യൻ തുടങ്ങിയ ഫോർഗ്രൗണ്ടുകളെ കൃത്യമായി വേർത്തിരിച്ചെടുക്കാനും സാധിക്കുന്നു. നിങ്ങൾ എടുത്ത ആകാശത്തിന്റെ ചിത്രങ്ങൾ ചേർക്കാനും സാധിക്കുന്നു.

ആക്സന്റ് എ.ഐ. (Accent AL)‌

ഓട്ടോ ലെവൽ (Auto Level), ഓട്ടോ വൈറ്റ് ബാലൻസ് (Auto White Balance), ഓട്ടോ കോൺട്രാസ്റ്റ് (Auto Contrast) എന്നിവയ്ക്ക് സമാനമായി ഉപയോഗിക്കാവുന്ന ഫീച്ചറാണ് ആക്സന്റ് എ.ഐ. എന്നാൽ ബാക്ക്ഗൗണ്ടിനെയും സബ്ജക്ടിനേയും പ്രത്യേകം വേർത്തിരിച്ചെടുത്ത് കൈകാര്യം ചെയ്യാൻ ആർടിഫിഷ്യൽ ഇന്റലിജൻസ് സഹായിക്കുന്നു.

ഓഗ്യുമെന്റ് എ.ഐ. (Augument AI)

ആകാശത്ത് പറവകളെയും മഴവില്ലും മേഘങ്ങളും തുടങ്ങീയവയെ സന്നിവേശിപ്പിക്കാൻ ഉപകരിക്കും.

കളർ ഹാർമണി (Color Harmony)

നിറത്തിന്റെ ആഴത്തിലുള്ള സമന്വത്തിന് വേണ്ടി ഉപയോഗിക്കുന്നു.

മൂഡ് (Mood)

കളർ ഗ്രേഡിംഗ് ചെയ്യാൻ സഹായിക്കുന്ന ലട്സ് (LUT, Color Lookup Table) ഉപയോഗിച്ച് ചിത്രത്തിന് പ്രത്യേക മൂഡ് ക്രിയേറ്റ് ചെയ്യാൻ സഹായിക്കുന്നു.

സ്കിൻ എ.ഐ. (Skin AI)

മുഖത്തെ പാടുകളും മറ്റും നീക്കം ചെയ്യാനും, സ്കിൻ സ്മൂത്ത് (Skin Smooth) ചെയ്യാനും പ്രധാനമായി ഉപയോഗിക്കാം. (സ്കിൻ ഫൈനർ Skin Finer, പോട്രേച്ചർ Potrature പോലെയെക്കെ)

സ്കൈ എൻഹാൻസ്മെന്റ് (Sky Enhancement)

സ്വാഭാവികമായ ആകശത്തെ മികച്ചതാക്കാൻ ഇത് സഹായകരമാണ്.

(എ.ഐ. ഉപയോഗിച്ചാണ് മിക്ക ഫീച്ചറുകളും വർക്ക് ചെയ്യുന്നത് എന്നതിനാൽ തന്നെ പ്രത്യേകം പ്രത്യേകം സെലക്ഷൻ ആവശ്യമായി വരുന്നില്ല. എന്നാൽ സൂക്ഷ്മതക്ക് വേണ്ടി ചില ഘട്ടങ്ങളിൽ കസ്റ്റമൈസേഷൻ ആവശ്യമായി വരാം. പേടിക്കേണ്ട, അതും മാസ്കിംഗിലൂടെ സാധ്യമാണ്. മാസ്കിംഗിനെ കുറിച്ച് താഴെ വിവരിക്കാം)

സ്ട്രക്ചർ എ.ഐ. (Structure AI)

ആളുകൾ, വെള്ളം, ആകാശം, വസ്തുക്കൾ എന്നിവ തിരിച്ചറിഞ്ഞ് ചിത്രത്തിന് വ്യക്തതയും ആഴവും (Depth & Clarity) കൊണ്ടുവരുന്നു. Architecture, Cityscape, Urbun Photos എന്നിവയ്ക്ക് വളരെ ഉപകാരപ്രദമാണ്. ടെക്സ്റ്ററുകൾ പരിഷ്കരിക്കുന്നതിനും Texture Refinement ഡീറ്റെയിൽ കൂട്ടുന്നതിനും ഉപയോഗിക്കാം.

സൺറേയ്സ് (Sun Rays)

ലൂമിനാർ 4 ന്റെ പ്രയപ്പെട്ട ഫീച്ചറാണ് സൺറേയ്സ്. ഒരു സീനിലേക്ക് റീലൈറ്റ് ചെയ്യാൻ ചിത്രത്തിലേക്ക് സൂര്യകിരണങ്ങൾ ഓവർലേ ആയി ചേർക്കുമ്പോൾ ഒരു ആർടിഫിഷ്യൽ ഫീൽ ഉണ്ടാവുക സ്വാഭാവികമാണ്. എന്നാൽ റിയാലിറ്റി ഫീലോടെ സൂര്യകിരങ്ങൾ ചേർക്കാൻ സൺറേയ്സ് ഉപകരിക്കും. സൂര്യകിരണങ്ങൾക്ക് അനുസൃതമായി ചിത്രത്തെ റീലൈറ്റിംഗും ചെയ്യാനാകും.

സൂപ്പർ കോൺട്രാസ്റ്റ് (Super Contrast)

ലാന്റ്സ്കേപ്പ് ചിത്രങ്ങളിൽ എൻ.‍ഡി. ഫിൽറ്ററുകൾ (ND Filter – Nuetral Density) ഉപയോഗിച്ച് കിട്ടുന്ന റിസൾട്ട് ഒരു പരിധിവരെ കൊണ്ടുവരാൻ സാധിക്കുന്നു. ഹൈലൈറ്റ്, മിഡിടോൺ, ഷാഡോ ഏരികളെ വേർത്തിരിച്ച് കോൺട്രോസ്റ്റ് കൊണ്ടുവരാൻ സാധിക്കുന്നു എന്നത് മറ്റൊരു പ്രത്യേകതയാണ്.

ടെക്സ്റ്റർ ഓവർലേ (Texture Overlay)

ലൈറ്റ് ലീക്സ് (Light Leaks), ബൊക്കെ ഇഫക്ട് (Bohke Effect), ടെക്സ്റ്റ് (Text), വാട്ടർമാർക്ക് (Watermark), ലോഗോ (Logo) തുടങ്ങിവയ ചേർക്കാൻ സാഹായിക്കുന്നു.

അറ്റ്മോസ്ഫിയർ എ.ഐ. (പുതിയ അപ്ഡേറ്റ്) (Atmosphear AI)

Fog, Mist (മുടൽ മഞ്ഞ്) തുടങ്ങിയവ ചിത്രത്തിലേക്ക് കൂട്ടിചേർക്കാൻ സാധിക്കുന്നു. പ്രത്യേകിച്ചും ലാന്റ്കേപ്പ് (Landscape), സിറ്റിസ്കേപ്പ് (City Scape) ചിത്രങ്ങൾക്ക് ത്രിമാന സ്വഭാവം (3D Effect) കൊണ്ടുവരാൻ സാധിക്കും.

പ്രധാനപ്പെട്ട ഫീച്ചറുകൾ മാത്രമാണ് ഇവിടെ പ്രതിഭാതിച്ചിട്ടുള്ളത്.

മാസ്കിംഗ് MASKING

ഒരു പ്രൊഫഷണലിനെ സംബന്ധിച്ചിടത്തോളം പെർഫെക്ഷൻ (Perfection) എന്നത് കണിശതയുള്ള കാര്യമാണ്. എല്ലാം പൂർണ്ണമായും കമ്പ്യൂട്ടറിന് വിട്ട് കൊടുത്ത് കയ്യുംകെട്ടി ഇരുന്നാൽ പെർഫെക്ഷൻ കിട്ടുകയുമില്ല. അത്തരക്കാർക്ക് വേണ്ടി സമ്പൂർണ്ണ നിയന്ത്രണം സാധ്യമാക്കുകയാണ് മാസ്കിംഗിലൂടെ ലൂമിനാർ എ.ഐ.

ഓരോ പ്രധാന ടൂളിനോടൊപ്പവും മാസ്കിംഗ് കൂടി ഉൾപ്പെടുത്തിയിട്ടുണ്ട്. ഇത് കാരണം അന്തിമഫലത്തിന്റെ (End Result) സമ്പൂർണ്ണ നിയന്ത്രണം നിങ്ങൾക്ക് നൽക്കുന്നു ലൂമിനാർ എ.ഐ. ഉദാഹരണത്തിന് ഒരു ഗ്രൂപ്പ് ഫോട്ടോയിൽ ഫേസ് ലൈറ്റിംഗ് ഉപയോഗിച്ചു എന്നിരിക്കട്ടെ കൂട്ടത്തിലൊരാൾ നല്ല വെളുത്തിട്ടും ബാക്കിയുള്ളവർ ഇരുനിറമോ കറുത്തിട്ടോ ആണെങ്കിൽ വെളുത്ത ആളുടെ മുഖം നന്നായി വിളറി വെളുത്തിരിക്കും (Over Exposed) ഇത് പരിഹരിക്കാൻ മാസ്ക് ഉപയോഗിച്ച് അയാളുടെ മുഖത്തെ ഫെയ്സ് ലൈറ്റിംഗ് ഇഫക്ടിൽ നിന്നും ഒഴിവാക്കാനാകും.

ബാച്ച് പ്രോസസ്സിംഗ് (Batch Processing)

നേരത്തെ ഉദാഹരണം തന്നെ എടുക്കാം. ഒരു ഗ്രൂപ്പ് ഫോട്ടോയിലെ എല്ലാ മുഖങ്ങളും വെളുപ്പിക്കണം, കണ്ണുകൾ മികച്ചതാക്കണം, പല്ലുകൾ വെളുപ്പിക്കണം, ചുണ്ടുകൾ അല്പരം തുടുത്തും ഇരിക്കണം. സാധ്യമാണ്! എന്നാൽ ഇതേ കാര്യം തന്നെ 5-10 ചിത്രങ്ങളിൽ ആവർത്തിക്കണെങ്കിൽ… ഓഹ് ഡാർക്ക്… എത്ര സമയം എടുക്കും?

ഇല്ല, ലൂമിനാർ എ.ഐ. യിൽ ഒരു കോപ്പി പേസ്റ്റിന്റെ സമയം മാത്രം!!! ഞെട്ടിയോ… ഞെട്ടണ്ട ഇവിടെ കണ്ണും മൂക്കും പല്ലും ചുണ്ടും ഒക്കെ തിരിച്ചരിയുന്നത് എ.ഐ. ആണ്. അത് കൊണ്ട് തന്നെ പണി വളരെ എളുപ്പമാണ്. വെഡിംഗ് ഫോട്ടോ എഡിറ്റ് ചെയ്യുന്നവർക്കും ആല്ബം ഡിസൈനർമാർക്കും ഇതൊരു വലിയ അനുഗ്രഹമാണ്. ഒരുപാട് സമയം ലാഭിക്കാനും ഇതുവഴി സാധിക്കുന്നു.

നിർഭാഗ്യവശാൽ ലൂമിനാർ 4ലെ (Luminar 4) പോലെ ഒരു ബാച്ച്പ്രൊസസിംഗ് ചെയ്യാനോ, ലൈറ്റ്റൂമിലെ പോലെ സിഗർനൈസ് (Sychorinize) ചെയ്യാനോ സാധിക്കില്ല (ഒരേ സമയം നിരവധി ഫയലുകളിലേക്ക് എഡിറ്റുകൾ ചേർക്കുക) തുടർന്നു വരുന്ന അപ്ഡേറ്റുകളിൽ ഇത് പ്രതീക്ഷിക്കാം.

ലൂമിനാർ എ.ഐ. നല്ല സ്പീഡുണ്ടോ?

ലൈറ്റ് റൂം, ക്യാപ്ച്വർ വൺ, ലൂമിനാർ 4 തുടങ്ങിയ എല്ലാ സോഫ്റ്റ് വെയറുകൾക്കും ഉള്ള ഒരു പ്രധാന പരാതി പോകെ പോകെ സ്പീഡ് കുറയുന്നു എന്നതാണ്. കാറ്റലോഗിൽ ഫയലുകൾ കൂടുന്നതിനനുസരിച്ച് വേഗതയും കുറയും എന്നത് സ്വാഭാവികമാണ്. നമുക്കറിയാം ഇന്ന് നമ്മളുപയോഗിക്കുന്ന ക്യാമറകൾ തരുന്നത് നല്ല സൈസുള്ള വലിയ ഫയലുകളാണ്. സ്വാഭാവികമായും പ്രോസസറിനും (Processor) റാമിനും (RAM) കൂടുതൽ ജോലി ചെയ്യേണ്ടതായും വരും. മാത്രവുമല്ല മുകളിൽ പറഞ്ഞ സോഫ്റ്റ് വെയറുകളത്രയും ഫയൽ മാനേജ്മെന്റിൽ അതിഷ്ഠിതമായ ഡാം (DAM – Digital Asset Management) സാങ്കേതിക വിദ്യ ഉപയോഗിക്കുന്നു. എന്നാൽ ലൂമിനാർ എ.ഐ. ഇത്തരമൊരു ഭാരം ചുമക്കുന്നില്ല. ആയതിനാൽ സോഫ്റ്റ് വെയർ ഓപ്പൺ ചെയ്യുമ്പോൾ തന്നെ പ്രവർത്തനം തുടങ്ങാനാവും.

അതുപോലെ മറ്റു സോഫ്റ്റ് വെയറുകളിൽ വ്യത്യസ്ഥ മൊഡ്യൂളുകളിലേക്ക് (Module) മാറുമ്പോൾ ലാഗ് (Lag) വരുന്നതായി കാണാം. ടൂളുകൾ മാറി മാറി ഉപയോഗിക്കുമ്പോൾ വേഗത നഷ്ടമാകും. എന്നാൽ ലൂമിനാർ എ.ഐ. അത്തരത്തിലുള്ള ബാധ്യതകളൊന്നും തന്നെ ഇല്ലാത്തതിനാൽ അവിടെയും വേഗത കൈമോശം വരുന്നില്ല. ഒരു മൊബൈൽ ആപ്പ് പോലെ രസകരമായി ഉപയോഗിക്കാനാകും ലൂമിനാർ എ.ഐ.

ന്യൂനതകൾ

– ബാച്ച് പ്രോസ്സസിംഗ് ബാച്ച് റീനെയ്മിംഗ് ഒന്നുമില്ല

– സ്റ്റാന്റ് അലോൺ (Stand Alone) സോഫ്റ്റ് വെയറാണെങ്കിലും വാട്ടർമാർക്ക് ആഡ് ചെയ്യുക ഒരു കൂട്ടം ഫയലുകൾ ഒരുമിച്ച് എഡിറ്റ് ചെയ്യുക, സിഗ് ചെയ്യുക എന്നിവ സാധ്യമല്ല.

– ലെയർ ബേയ്സ്ഡ് (Layer Based) എഡിറ്റിംഗ് സാധ്യമല്ല. (Photoshop ലെ പോലെ)

– രണ്ട് ചിത്രങ്ങൾ പരസ്പരം താരതമ്യം ചെയ്യാനാകില്ല

– DAM ഇല്ലാത്ത് കൊണ്ട് ഫയൽ ഓർഗനൈസിംഗിന് ( Organising – Star rate, Keyword…) സാധ്യമല്ല.

[ഇത് കൊണ്ടാണ് ഞാൻ തുടക്കത്തിലേ പറഞ്ഞത് ഒരു പ്ലഗ് ഇൻ ആയി ഉപയോഗിക്കുന്നതാണ് ഉത്തമം എന്ന്. ലൈറ്റ് റൂം പ്ലഗിനായി ഉപയോഗിച്ചാൽ ഒരു പരിധിവരെ ഈ പ്രശ്നങ്ങൾ ഒരു പരിധി വരെ പരിഹരിക്കാം.]

ലൂമിനാർ എ.ഐ ആർക്ക് വേണ്ടിയാണ്.

– സങ്കീർണ്ണമായ എഡിറ്റുകളിൽ നിന്ന് സമയം ലാഭിക്കാൻ ആഗ്രഹിക്കുന്നവർക്കും, സോഷ്യൽ മീഡിയയിൽ അപ്ലോഡ് ചെയ്യാൻ അല്പം മിനുക്ക് പണികൾ മാത്രം മതിയെന്നുള്ളവർക്കും.

– ഹോബിയസ്റ്റ് ഫോട്ടോഗ്രാഫർമാക്കും എഡിറ്റിംഗ് പഠിക്കാൻ ആഗ്രഹമോ സമയമോ ഇല്ല, എന്നാൽ എഡിറ്റ് ചെയ്യാതെ ചിത്രങ്ങൾ പബ്ലിഷ് ചെയ്യാനും വയ്യ എന്നുള്ളവർക്കും.

– നിലവിൽ എ‍ഡിറ്റിംഗ് ചെയ്യുന്നവർക്ക് എ.ഐ. ഫീച്ചറുകൾ ഉപയോഗിച്ച് അല്പം സമയം ലാഭിക്കാൻ.

– തുടക്കകാർക്ക്. ലൈറ്റ്റൂമിനേക്കാൾ പെട്ടെന്ന് മനസ്സിലാക്കി എടുക്കാൻ സാധിക്കും.

– ഒരുപാട് സമയം കമ്പ്യൂട്ടറിന് മുന്നിൽ ചിലവഴിക്കാൻ താല്പര്യമില്ലത്ത പ്രൊഫഷണൽ ഫോട്ടോഗ്രാഫർമാർക്ക് ലൂമിനാർ എ.ഐ. നല്ലൊരു ഉപാധിയാണ്.

ലൂമിനാർ ആർക്ക് വേണ്ടിയല്ല

– ഒരു ഹൈ എന്റ് റീട്ടർക്ക് (High End) പൂർണ്ണമായി ലൂമിനാർ എ.ഐ. ഉപയോഗിക്കാൻ സാധിക്കില്ല. ഇതിലെ പല ഫീച്ചറുകളും ഒരുപാട് മെച്ചപെടേണ്ടതുണ്ട്. എ.ഐ. എഡിറ്റിംഗ് അതിന്റെ ശൈശവത്തിലാണ്.

– ലൂമിനാർ 4 ഉപയോഗിച്ച് കൊണ്ടിരിക്കുന്നവർക്ക്. കാര്യമായ പുതിയ അപ്ഡേറ്റുകളൊന്നുമില്ല ലൂമിനാർ എ.ഐയിൽ. വെറുതെ കാശുകളയുന്നത് മിച്ചം.

– ഫയൽ മാനേജ്മെന്റിൽ അധിഷ്ഠിതമായി എഡിറ്റിംഗ് ചെയ്യുന്നവർക്ക് ( വെഡ്ഡിംഗ്, വൈൽഡ് ലൈഫ്) പൂർണ്ണമായി ലൂമിനാർ എ.ഐയിലേക്ക് മാറാനാകില്ല. എന്നാൽ പ്ലഗ്-ഇനായി ഉപയോഗിക്കാം.

– ഫോട്ടോഷോപ്പ് – ലൈറ്റ് റൂം ഉപയോഗിക്കുന്നവർക്ക് പകരം സോഫ്റ്റ് വെയറായി പൂർണ്ണമായി ലൂമിനാർ എ.ഐയിലേക്ക് മാറാൻ സാധിക്കില്ല.

അവലോകനം

ടെസ്ലയുടെ (Tesla) ഓട്ടോ പൈലറ്റ് (Auto Pilote) പോലെയുള്ള സെല്ഫ് ഡ്രൈവിംഗ് (Self Driving) വാഗ്ദാനം ചെയ്യുന്ന ഒരു എഡിറ്റിംഗ് സോഫ്റ്റ് വെയറായി ലൂമിനാർ എ.ഐയെ കണക്കാക്കാം. വളരെ കുറച്ച് പരിശ്രമത്തിലൂടെ ലക്ഷ്യസ്ഥാനത്തേക്ക് എത്തിച്ചേരാൻ നിങ്ങളെ സഹായിക്കുന്നു. എന്നാൽ നിങ്ങൾക്ക് വേണമെങ്കിൽ പൂർണ്ണ നിയന്ത്രണം ഏറ്റെടുക്കാവുന്നതുമാണ്.

ലൂമിനാർ എ.ഐ. ഉപയോഗിക്കാൻ വളരെ എളുപ്പമാണ്. എഡിറ്റിംഗ് “ഓവറാക്കി ചളമാക്കാൻ” അതിലും എളുപ്പമാണ് ഇതിൽ. അഥവാ ഉപയോഗിക്കുന്ന സാങ്കേതിക വിദ്യ ആർടിഫിഷ്യൽ ആണെങ്കിലും ചിത്രങ്ങളിൽ ആ ആർടിഫിഷ്യാലിറ്റി ആവശ്യമില്ല എന്ന് സാരം.

മുമ്പ്, ഉയർന്ന വൈദഗ്ധ്യമുള്ള ആളുകൾക്ക് മാത്രം സൃഷ്ടിക്കാൻ സാധിച്ചിരുന്ന എഡിറ്റുകൾ ഇപ്പോൾ അവിദഗ്ധരായ ആളുകളെ കൊണ്ട് സൃഷ്ടിക്കാൻ സഹായിക്കുക മാത്രമാണ് ലൂമിനാർ എ.ഐ. ചെയ്യുന്നത്. Skills always Skills

ഫൈനൽ വേഡ് (അവസാന വാക്ക്)

എഡിറ്റിംഗ് ഒരു പാപമാണെന്ന് കരുതന്നവർ ഇപ്പോഴുമുണ്ട് നമുക്ക് ചുറ്റും. എഡിറ്റിംഗ് ഒട്ടും ചെയ്യാത്ത പടങ്ങൾ കണ്ടാൽ ഇതെല്ലാം എഡിറ്റിംഗ് ആണെന്ന് പറയുന്നവരും കുറവല്ല. എഡിറ്റിംഗ് പാപമൊന്നുമല്ല, നിങ്ങളുടെ ഫൈനൽ റിസൾട്ട് മാത്രമേ പ്രേക്ഷകർ കാണുന്നുള്ളു. നിങ്ങൾ ഏത് ക്യാമറ ഉപയോഗിക്കുന്നു ഏത് സോഫ്റ്റ് വെയർ ഉപയോഗിക്കുന്നു എന്നതൊന്നും അവരെ സംബന്ധിച്ച് വിഷയമല്ല. മികച്ച സൃഷ്ടികൾ ഉണ്ടാക്കി കൊണ്ടേ ഇരിക്കുക. Keep Creating

Research & Writing: Reenus Babu

Luminar AI (ലുമിനാർ എ.ഐ.) ഒഫീഷ്യൽ വെബ്സൈറ്റ് ലിങ്കിനു ഇവിടെ ക്ലിക്ക് ചെയ്യൂ.

കൂടുതൽ വായന.

]]> https://photomalayalam.com/luminar-ai-reenus-imagical/feed/ 0 പുതുപുത്തൻ കാനൻ Eos R3 വിശേഷങ്ങൾ നോക്കാം https://photomalayalam.com/eos-r3/ https://photomalayalam.com/eos-r3/#respond Tue, 21 Sep 2021 14:29:21 +0000 https://photomalayalam.com/?p=787

ക്യാമറയുടെ സ്പെസിഫിക്കേഷൻഇലേക്കും ഫീച്ചേഴ്സ്ഇലേക്കും പോകുന്നതിനു മുൻപ് കാനൻ മിറർലെസ് ക്യാമറകളുടെ ഒരു ചെറു ചരിത്രം.

EosR എന്ന ക്യാമറ അവതരിപ്പിച്ചു കൊണ്ടാണ് കാനൻ ഫുൾ ഫ്രെയിം മിറർ ലെസ്സ് ക്യാമെറകളുടെ ലോകത്തിൽ സാനിധ്യം അറിയിച്ചത്. കാനൻ അവരുടെ Eos mark 4 എന്ന DSLR ക്യാമറയുടെ ഏകദേശം സമാനമായ സ്പെസിഫിക്കേഷനോട് കൂടെ വന്ന EosR നെ എന്തുസിയാസ്റ്റിക് ഗണത്തിൽ ആണ് ഉൾപെടുത്തിയത്. Eos Mark 4 ഒരു പ്രൊഫഷണൽ സീരീസ് ക്യാമറ ആണ് എന്നോർക്കണം. കാനൻ Eos R5 അവതരിപ്പിച്ചു കൊണ്ടാണ് മിറർ ലെസ്സ് പ്രൊഫഷണൽ ക്യാമറ സീരീസ് തുടങ്ങിയത്. അപ്പോഴും കാനൻ ഫ്ലാഗ്ഷിപ് ക്യാമറ എന്നാ പേരിനുടമ Dslr ആയ 1dx ക്യാമറ തന്നെ. ആ വിഭാഗത്തിലേക്ക് ഒരു മിറർ ലെസ്സ് ക്യാമറ ഇന്നു വരെ കാനൻ കൊണ്ട് വന്നിട്ടില്ല.

പറഞ്ഞു വന്നത്…

പുതിയ മിറർ ലെസ്സ് ക്യാമറ ആയ Eos R3 കാനൻ 1Dx ഭാഗത്തിൽ പെടുന്ന ഫ്ലാഗ്ഷിപ്പ് ക്യാമറകളിൽ ഉൾപ്പെടുത്തിയിട്ടില്ല. !!!

(കാനൻ R1 എന്നൊരു ക്യാമറയെ പറ്റി റൂമർ ഉണ്ട്. അതാണോ ഇനി ഫ്ലാഗ്ഷിപ്?)

എങ്കിലും, Eos R ക്യാമറയിലൂടെ ഫുൾഫ്രെയിം മിറർലെസ് ക്യാമറകളിലേക്ക് കാൽ വച്ച കാനോൻ 1Dx ശ്രേണിയിലേക്ക് മിറർലെസ് ക്യാമറകൾ ഇറക്കുന്നതിന്റെ ആദ്യപടി തന്നെയാണ് Eos R3.

ഒറ്റനോട്ടത്തിൽ കാനൻ 1Dx ന്റെ രൂപത്തോട് സാദൃശ്യം തോന്നുമെങ്കിലും. 1Dx mark 3 യെകാൾ ഒരല്പം ചെറുതാണ് Eos-R3. ക്യാമറയുടെ മുകളിൽ R5 ഇൽ കണ്ടത് പോലെ ഉള്ള ഡിജിറ്റൽ ഇൻഫർമേഷൻ ഡിസ്പ്ലേ കൊടുത്തിട്ടുണ്ട്. 1Dx ന് കാമറയുടെ പിന്നിൽ ഫിക്സിഡ് ആയ LCD ആണ് ഉള്ളത്. എന്നാൽ R3 യിൽ പുറത്തേക്ക് തുറക്കാവുന്ന വിധം ടച്ച് സ്ക്രീൻ വെരി ആംഗിൾ LCD ആണ് കൊടുത്തിരിക്കുന്നത്. 1440 ഗ്രാം ഉള്ള 1Dx പലപ്പോഴും ഭാരത്തിന്റെ പേരിൽ പഴി കേൾക്കാറുണ്ട് എന്നാൽ Eos R3, 1015 ഗ്രാം ഭാരമേ ഉള്ളു.

ഇനി ക്യാമറ വിശേഷങ്ങൾ നോക്കാം.

കാനൻ Eos R3 ക്യാമറയിൽ 24.1 മെഗാപിക്സൽ ബാക്ക്-ഇല്യൂമിനേറ്റഡ് സ്റ്റാക്ക് ഫുൾ ഫ്രെയിം CMOS സെൻസറാണ് നൽകിയിട്ടുള്ളത്. (1Dx മാർക്ക് 3 ക്യാമറ 20.1 MP ആണ്). ഫോട്ടോഗ്രാഫിക് ആവശ്യങ്ങൾക്ക് പരമാവധി 6000×4000 എന്ന റെസൊല്യൂഷൻ ലഭിക്കും. 1dx നു ലഭിക്കുന്നതിനേക്കാൾ (5472 × 3648) കൂടുതൽ ആണിത്. അതായത് കുറച്ചു കൂടെ ഇമേജ് എൻലാർജ് ചെയ്യാൻ കഴിയും. 100 മുതൽ 102400 വരെ നോർമൽ ISO സ്പീഡ് നൽകുന്നുണ്ട്. കുറഞ്ഞ പ്രകാശം ഉള്ള സാഹചര്യങ്ങളിലും നോയ്‌സ് കുറഞ്ഞ ചിത്രങ്ങൾ എടുക്കുവാൻ കഴിയും. ഇലക്ട്രോണിക് ഷട്ടർ ഉപയോഗിച്ച് സെക്കൻഡിൽ 30 ചിത്രം എന്ന വേഗത ക്യാമെറക്കുണ്ട്.

ഇലക്ട്രോണിക് ഷട്ടറിൽ ഫ്ലാഷ് ഉപയോഗിചു കണ്ടിന്യൂസ് ചിത്രങ്ങൾ പകർത്താം എന്നത് എടുത്തു പറയേണ്ട ഒരു അപ്ഡേഷന് തന്നെ ആണ്. (ടെക്നോളജിയുടെ കാര്യത്തിൽ എന്നും മുന്നേ പോകുന്ന സോണി പോലും അവരുടെ ലേറ്റസ്റ്റ് കാമറ ആയ എ 1 ൽ ആണ് സമാനമായ അപ്ഡേഷൻ കൊണ്ട് വന്നത്.)

ഓട്ടോ ഫോക്കസ് (AF)

വിപ്ലവകരമായ ടെക്നോളജി അപ്ഡേഷൻ ആണ് ഓട്ടോഫോക്കസ്ന്റെ കാര്യത്തിൽ കാനോൻ കൊണ്ടുവന്നിരിക്കുന്നത്. വ്യൂ ഫൈൻഡർ ഉപയോഗിച്ച ചിത്രമെടുക്കുമ്പോൾ ഫോട്ടോഗ്രാഫറുടെ കണ്ണിന്റെ ചലനം നോക്കി ഓട്ടോഫോക്കസ് നിർണയിക്കുന്ന സംവിധാനം ഐ കണ്ട്രോൾ ഓട്ടോ ഫോക്കസ് (Eye Control AF) ഒരു ഡിജിറ്റൽ ക്യാമറയിൽ ആദ്യമായി അവതരിപ്പിച്ചിരിക്കുകയാണ് R3 യിൽ കാനൻ.

ചിത്രത്തിന്റെ 100% ഭാഗങ്ങളും ഉൾക്കൊള്ളുന്ന തരത്തിലാണ് ഓട്ടോഫോക്കസ് ഒരുക്കിയിട്ടുള്ളത് (Corner-to-Corner AF coverage). ഓട്ടോഫോക്കസ് ട്രാക്ക് ചെയ്യുന്ന സബ്ജക്ട് ചിത്രത്തിന്റെ കോർണർ ഇലേക്ക് പോയാലും ഫോട്ടോ ഫോക്കസ് ലഭിക്കുമെന്നത് ഇതിന്റെ ഒരു മേന്മയാണ്.

ഐ ട്രാക്കിങ്, അനിമൽ ട്രാക്കിങ് എന്നിവക്ക് പുറമെ, സ്പോർട്സ് ഫോട്ടോഗ്രാഫി പോലുള്ള സാഹചര്യങ്ങളിൽ കാനൻ ഡീപ് ലേർണിംഗ് ടെക്നോളജി ഉപയോഗിച്ച് സബ്ജെക്ട് ഡിറ്റക്ഷൻ കൂടുതൽ മികച്ചതാക്കിയിട്ടുണ്ട്.

ഇനി കുറച്ചു വീഡിയോ വിശേഷങ്ങൾ നോക്കാം

12 ബിറ്റ് 6K RAW റോ വീഡിയോ ഷൂട്ട് ചെയ്യാൻ സാധിക്കും വിധമാണ് ക്യാമറയുടെ നിർമ്മിതി. 60p മോഡിലാണ് ഇത് സാധ്യമാകുന്നത്. 4K റെസല്യൂഷനിൽ വീഡിയോ എടുക്കാൻ ആണെങ്കിൽ 120 p മോഡിൽ അൾട്രാ സ്ലോമോഷൻ വീഡിയോ ലഭിക്കും.

ഇൻ ബോഡി ഇമേജ് സ്റ്റെബിലൈസർ സംവിധാനം (IBIS) ക്യാമറയിൽ ഉൾപ്പെടുത്തിയിട്ടുണ്ട്. ഇതിനോടൊപ്പം കാനോൻ ലെൻസിന്റെ ഒപ്റ്റിക്കൽ ഇമേജ് സ്റ്റെബിലൈസർ കൂടിച്ചേരുമ്പോൾ വളരെ നല്ലൊരു സ്റ്റെബിലൈസേഷൻ പെർഫോമൻസ് ക്യാമറ നൽകും.

ബോഡി വില . Rs: 4,99,995.00

കൂടുതൽ വായന.

]]> https://photomalayalam.com/eos-r3/feed/ 0 റസല്യൂഷനും സ്പീഡും ഒരുമിച്ചു നൽകി സോണി A1 https://photomalayalam.com/sony-a1/ https://photomalayalam.com/sony-a1/#comments Sat, 31 Jul 2021 11:32:21 +0000 https://photomalayalam.com/?p=733

കൂടുതൽ മെഗാ പിക്സലുകൾ അടങ്ങിയ ഫുൾ ഫ്രെയിം ഹൈ റസല്യൂഷൻ ക്യാമറകൾ ആണ് സോണി R സീരീസിൽ ഉൾപ്പെടുന്നത്. ആൽഫ 7R, 7R-2, 7R-3, 7R-4 എന്നിവയാണ് ഈ സീരീസിൽ ഉള്ളത്. 61 മെഗാപിക്സലുള്ള ആൽഫ 7R 4 ന് സെക്കൻഡിൽ 10 ചിത്രങ്ങൾ (10 fps) എന്ന വേഗതയാണ് ഉള്ളത്. വേഗതയ്ക്ക് വേണ്ടി ഇറക്കിയിരിക്കുന്ന സോണി ആൽഫ 9 മാർക്ക്‌ 2 എന്ന ഫുൾ ഫ്രെയിം ക്യാമറക്കു സെക്കൻഡിൽ 20 ചിത്രങ്ങൾ (20 fps) എടുക്കാൻ കഴിയും എന്നാൽ ഇതൊരു 24 മെഗാ പിക്സൽ ക്യാമറ ആണ്.

വേഗതയോടൊപ്പം ഹൈ റെസൊല്യൂഷൻ എന്ന പരിമിതി മറികടക്കും വിധം, 50 മെഗാപിക്സെൽ ഫുൾ ഫ്രെയിം സെൻസറോഡ് കൂടിയ സോണി a1 സെക്കൻഡിൽ 30 ചിത്രങ്ങൾ (30 fps) എന്ന വേഗത നൽകുന്നു. ഇവിടെയാണ് a1 വ്യത്യസ്തമാകുന്നത്.

കൂടുതൽ വിവരങ്ങൾ നോക്കാം.

50.1MP (മെഗാപിക്സൽ) ഉള്ള Exmor RS CMOS ഫുൾ ഫ്രെയിം (full frame) സെൻസർ ആണ് a1 ഇൽ ഉൾപ്പെടുന്നത്. 3:2 അനുപാതത്തിൽ 8640 x 5760 റെസൊല്യൂഷൻ ചിത്രങ്ങളും 16:9 അനുപാതത്തിൽ 8760 x 4864 റെസൊല്യൂഷൻ ചിത്രങ്ങളും പകർത്തുവാൻ കഴിയും. JPEG, RAW എന്നിവക്ക് പുറമെ HEIF ഫോർമാറ്റും ഉൾപ്പെടുത്തിയിട്ടുണ്ട്. സെന്‍സറിന്റെ 92 ശതമാനം ഓട്ടോഫോക്കസ് (AF) കവറേജ് നൽകുന്ന ക്യാമറയ്ക്ക് 759 ഫെയ്‌സ് ഡിറ്റെക്ട് ഓട്ടോഫോക്കസ് പോയിന്റുകളും ഉണ്ട്. 5 ആക്സിസ് ഇൻ ബോഡി ഇമേജ് സ്റ്റെബിലിസിങ് (5-axis in-body image stabilisation) ഉൾപ്പെടുത്തിയിട്ടുണ്ട്.

ഇലക്ട്രോണിക് വ്യൂഫൈന്‍ഡറും മികവുറ്റതാക്കിയിട്ടുണ്ട്. ഏകദേശം 9.44 മില്യൺ ഡോട്സ് ഉള്ള വ്യൂ ഫൈൻഡർ 240 fps റിഫ്രഷ് റേറ്റ് ഉള്ളതാണ്. കണ്ടിന്യൂസ് ഷട്ടർ ഉപയോഗിച്ച് ചിത്രങ്ങൾ എടുക്കുമ്പോ ബ്ലാകൗട് ഉണ്ടാകില്ല.

വീഡിയോയുടെ കാര്യം നോക്കുകയാണെങ്കിൽ 4K യുടെ 4 മടങ്ങു റെസൊല്യൂഷൻ ഉള്ള 8K വീഡിയോ (7680×4320) 30p മോഡിൽ എടുക്കാം. റിയൽ ടൈം ട്രാക്കിങ്ങും റിയൽ ടൈം eye AF സൗകര്യവും ഉൾപ്പടെ ആണ് 8k റെക്കോർഡിങ് സാധ്യമാകുന്നത്. സ്ലോ മോഷന് വേണ്ടി 4K വീഡിയോസ് 120 fps ഇൽ എടുക്കാൻ കഴിയും. S-Log2, S-Log3 എന്നീ ലോഗ് ഫോർമാറ്റുകൾ ലഭ്യമാണ് 10bit വീഡിയോ എടുക്കാൻ സാധിക്കും. കളർ ഗ്രേഡിങ്ങിനു 8 bit വിഡിയോയെക്കാൾ വളരെ അധികം സാധ്യത ഉള്ളതാണ് ഇത്. 15+ ഡൈനാമിക് റേഞ്ച് ആണ് സോണി അവകാശപ്പെടുന്നത്. എക്സ്ടെർണൽ റെക്കോർഡറിന്റെ സഹായത്താൽ 16-bit RAW വീഡിയോ പകർത്തുവാൻ a1 നു കഴിയും.

ഇത്തരം പ്രോസസ്സുകൾ ചെയ്യുവാൻ വളരെ വേഗത നൽകുന്ന പ്രൊസസർ അത്യാവശ്യമാണ്. a1 ഇൽ ഉപയോഗിച്ചിരിക്കുന്ന സോണിയുടെ പുതിയ BIONZ XR പ്രൊസസർ സോണിയുടെ BIONZ X എന്ന മുൻ തലമുറ പ്രോസസറിനേക്കാൾ 8 മടങ്ങു വേഗത നൽകുന്നതായി സോണി അവകാശപ്പെടുന്നു.

സോണി a 1 ഇൽ കൊണ്ട് വന്ന ഏറ്റവും മികച്ച സംവിധാനങ്ങൾ.

1) ഇലക്ട്രോണിക് ഷട്ടർ ഫ്‌ളാഷ് സിങ്ക് (Flash sync with electronic shutter)

ഇലക്ട്രോണിക് ഷട്ടർ ഉപയോഗിക്കുന്നവരുടെ ഏറ്റവും വലിയ പരിമിതി ആയിരുന്നു ഫ്ലാഷ് ഉപയോഗത്തിന്റെ പരിമിതി. ഇലക്ട്രോണിക് ഷട്ടറിൽ ഹൈ സ്പീഡ് ഫ്‌ളാഷ് സിങ്ക് സാധ്യമാകുന്ന സംവിധാനം സോണി a 1 ക്യാമെറയിൽ വരുത്തിയിരിക്കുന്നു

2) ആന്റി ഡിസ്ട്രോഷെൻ ഷട്ടർ (Anti-distortion Shutter)

ഇലക്ട്രോണിക് ഷട്ടർ മോഡിൽ ചിത്രം എടുക്കുമ്പോ ചിത്രത്തിൽ വരുന്ന ഡിസ്ട്രോഷെൻ (വേഗത്തിൽ ചലിക്കുന്ന ഒബ്ജക്റ്റുകൾക്കു വളവു സംഭവിക്കുന്ന പ്രതിഭാസം) വളരെ അധികം കുറക്കുന്ന സംവിധാനം ആണ് ഇത്. സോണിയുടെ a 9 മാർക്ക് 2 വിനേക്കാൾ 1.5 മടങ്ങു മികച്ച രീതിയിൽ ആന്റി ഡിസ്ട്രോഷേൻ പ്രവർത്തിക്കും.

3) ഫ്ലിക്കർ ഫ്രീ ഷട്ടർ (Flicker-free electronic and mechanical shutters)

ഫ്ലൂറസെന്റ് ലൈറ്റൊ മറ്റു ആർട്ടിഫിഷ്യൽ ലൈറ്റുകളോ ഉപയോഗിച്ച് ചിത്രങ്ങൾ എടുക്കുമ്പോ ചിത്രത്തിൽ കാണാറുള്ള ഫ്ലിക്കറിങ് ഒഴിവാക്കുന്ന സംവിധാനം.

ഇന്ത്യൻ വിപണി വില 559,990 രൂപ ആണ്.

കൂടുതൽ വായന.

]]> https://photomalayalam.com/sony-a1/feed/ 1 കാനൻ RF മൗണ്ടിനായി 85mm, 14mm ഓട്ടോഫോക്കസ് (AF) ലെൻസുകൾ ഇറക്കി സംയാങ്. https://photomalayalam.com/samyang-rf-mount-85mm-14mm-rf-lenses/ https://photomalayalam.com/samyang-rf-mount-85mm-14mm-rf-lenses/#respond Tue, 05 Jan 2021 03:40:58 +0000 https://photomalayalam.com/?p=698

കാനൻ അവരുടെ ആദ്യ ഫുൾ ഫ്രെയിം മിറർലെസ്സ് കാമറ ആയ EOSR അവതരിപ്പിച്ചപ്പോൾ ഒപ്പം അവതരിപ്പിച്ച പുതിയ ലെൻസ് മൗണ്ട് ആണ് കാനൻ ആർ എഫ് (Canon RF) മൗണ്ട്. പിന്നീട് ഇറങ്ങിയ ഫുൾ ഫ്രെയിം മിറർലെസ്സ് കാമറകളിൽ കാനൻ ഇതേ മൗണ്ട് തന്നെ ആണ് ഉപയോഗിക്കുന്നതും.

പുതിയ മൗണ്ട് ആയതിനാൽ തന്നെ ലെൻസുകൾ വളരെ പരിമിതമായിരുന്നു. കാനൻ ഫുൾ ഫ്രെയിം ക്യാമറകളിൽ അന്ന് വരെ ഉണ്ടായിരുന്ന EF മൗണ്ട് ലെൻസുകൾ RF ആയി ഉപയോഗിക്കുവാൻ അഡാപ്‌റ്റർ ലഭ്യമാക്കി ആണ് ലെൻസുകളുടെ കുറവ് കാനൻ താത്കാലികമായി പരിഹരിച്ചത്.

കാനൻ ക്യാമറകൾക്ക് വേണ്ടി ലെൻസ് നിർമ്മിച്ചിരുന്ന മറ്റു കമ്പനികളും RF മൗണ്ടിനു വേണ്ടി അധികം ലെൻസുകൾ ഇറക്കിയിട്ടില്ല. ഇവിടേക്കാണ് സംയാങ് ഈ ലെൻസുകൾ അവതരിപ്പിച്ചിരിക്കുന്നത്.

വെതർ സീലിംഗ് ഉറപ്പു വരുത്തും വിധം ആണ് ലെൻസുകൾ ഡിസൈൻ ചെയ്തിരിക്കുന്നത് . സംയാങ്ങിന്റെ UMC കോട്ടിങ് (Ultra Multi Coating) ലെന്സുകള്ക്കു ഉണ്ട്. ഇത് അനാവശ്യ ലെന്സ് ഫ്‌ളൈർ ഒരു പരിധി വരെ കുറക്കുന്നു.

ഓട്ടോ / മാനുവൽ ഫോക്കസ് സെലെക്ടർ സ്വിച്ച്ചും ഫോക്കസ് റിങ്ങും ലെന്സുകളിൽ ഉണ്ട് എന്നാൽ കാനൻ RF ലെന്സുകളിൽ കാണുന്ന കസ്റ്റമൈസ്‌ ചെയ്യാവുന്ന കണ്ട്രോൾ റിങ് ഉള്പെടുത്തിയിട്ടില്ല.

സംയാങ് RF മൗണ്ടിനായി ഇറക്കിയ 14mm F2.8 RF ലെന്സ് പരിചയപ്പെടാം

കാനൻ RFമൗണ്ടിനു വേണ്ടി ഉള്ള ലോകത്തിലെ ആദ്യ 14mm ഓട്ടോ ഫോക്കസ് ലെന്സ് (The World’s First AF 14mm for RF Mount) എന്ന പേരിൽ ആണ് സംയങ് 14mm, വൈഡ് ലെന്സ് അവതരിപ്പിച്ചത്.

ലെൻസിന്റെ പിൻ ഭാഗത്തു ആയി ഫിൽറ്റർ ഹോൾഡർ (Rear Filter holder) നൽകിയിട്ടുണ്ട്. 484g ഭാരമാണ് ഈ വൈഡ് ലെന്സിനു ഉള്ളത്.

ഈ ബ്ലോക്ക് ലെന്സിനു 7 ബ്ലൈടുകളാൽ നിയന്ത്രിക്കപ്പെടുന്ന പരമാവധി f 2.8 ഓപ്പണിങ് നൽകുന്ന അപ്പാർച്ചർ ആണ് ഉള്ളത്. മിനിമം ഫോക്കൽ ദൂരം 0.20m (0.66ft) ആണ്. 113.9 ഡിഗ്രി വൈഡ് ആംഗിളിൽ ലഭിക്കുന്ന ചിത്രങ്ങൾക്ക് ഡിസ്ട്രോഷൻ താരതമ്യേന കുറവാണ്.

സംയാങ് RF മൗണ്ടിനായി ഇറക്കിയ 85mm F1.4 RF ലെന്സ് പരിചയപ്പെടാം

പോർട്രേറ്റ് ഫോട്ടോഗ്രാഫർമാരുടെ ഇഷ്ട ഫോക്കൽ ലെങ്ത് ആയ 85mm ലെന്സ് ആണ് സംയാങ് അടുത്തതായി അവതരിപ്പിച്ചത്.

28.9˚ ഡിഗ്രി ആംഗിൾ ലഭിക്കുന്ന ഈ ബ്ലോക്ക് ലെന്സിനു 9 ബ്ലൈടുകളാൽ നിയന്ത്രിക്കപ്പെടുന്ന പരമാവധി f 1.4 ഓപ്പണിങ് നൽകുന്ന അപ്പാർച്ചർ ആണ് ഉള്ളത്. ഇത് വളരെ നല്ല ഒരു ബൊക്കെ എഫക്ട് ചിത്രങ്ങൾക്ക് നൽകും.

മിനിമം ഫോക്കൽ ദൂരം 0.90m (2.95ft) ആണ്. 582g ഭാരമാണ് ഈ വൈഡ് ലെന്സിനു ഉള്ളത്.

ജനുവരി പകുതിയോടെ ലെൻസുകൾ ഇന്ത്യയിൽ എത്തും എന്ന് പ്രെതീക്ഷിക്കുന്നു. 14 mm ലെന്സിനു $599 ഡോളർ (ഏകദേശം 44,000 ഇന്ത്യൻ രൂപ) വിലയും 85 mm ലെന്സിനു $679 ഡോളർ (ഏകദേശം 49,500 ഇന്ത്യൻ രൂപ) വിലയും ആണ് നൽകിയിരിക്കുന്നത്. കൃത്യമായ ഇന്ത്യൻ വില ഇതുവരെ അറിയിച്ചിട്ടില്ല.

കൂടുതൽ വായനക്ക്.

AF 85mm F1.4 RF ഒഫീഷ്യൽ ലിങ്ക് താഴെ.
AF 85mm F1.4 RF
AF 14mm F2.8 RF ഒഫീഷ്യൽ ലിങ്ക് താഴെ.
AF 14mm F2.8 RF
8K വിഡിയോയും ആയി കാനൻ EOS R5 ഇറങ്ങി.
മുൻവിധിയോടെ കാണേണ്ട, അടുത്തറിയാം കാനൻ EOS-R6.
ഫുജി പ്രേമികൾക്ക് ഇനി X-T4 യുഗം.
വേണ്ടതെല്ലാം ചേർത്ത് സോണി എ 7എസ് മാർക്ക് 3 ഇറങ്ങി.

]]> https://photomalayalam.com/samyang-rf-mount-85mm-14mm-rf-lenses/feed/ 0 4k വീഡിയോയുമായി മാവിക് മിനിയുടെ രണ്ടാം പതിപ്പ് എത്തി – DJI Mavic Mini 2 https://photomalayalam.com/dji-mavic-mini-2-4k-video/ https://photomalayalam.com/dji-mavic-mini-2-4k-video/#respond Mon, 09 Nov 2020 05:58:43 +0000 https://photomalayalam.com/?p=669

ഡി ജി സി എ യുടെ (Directorate General of Civil Aviation) നിയമപ്രകാരം, 250 ഗ്രാമിൽ താഴെ ഉള്ള നാനോ (Nano) വിഭാഗത്തിൽ പെടുന്ന ഡ്രോൺ ആയി ഡി ജെ ഐ (DJI) അവതരിപ്പിച്ചതാണ് മാവിക് മിനി (DJI Mavic Mini) ഡ്രോൺ. ഡ്രോണുകളിലെ കുഞ്ഞൻ ഡി ജെ ഐ (DJI) മാവിക് മിനി യുടെ രണ്ടാം പതിപ്പ് ഡി ജെ ഐ മാവിക് മിനി 2 (DJI Mavic Mini 2) പുറത്തിറങ്ങി.

DJI mavic mini 2
രൂപത്തിലും ഭാരത്തിലും കാര്യമായി മാറ്റങ്ങൾ ഒന്നും ഇല്ല എങ്കിലും സൗകര്യങ്ങളിൽ 4k വീഡിയോ ഉൾപ്പടെ വളരെ അധികം അപ്ഡേറ്റഡ് ആയി ആണ് മിനി 2 വന്നിരിക്കുന്നത്. 3 ആക്സിസ് ഗിമ്പലിൽ (3-Axis Motorized Gimbal) ഉറപ്പിച്ച കാമറ ആണ് ഇതിനു ഉള്ളത്. 1/2.3 ഇഞ്ച് സെന്സറില് 12 മെഗാപിക്സല് റോ (DNG) ഫോട്ടോ പകര്ത്താന് കഴിയും.m

ഡ്രോണിൽ നിന്നും നവീകരിച്ച റിമോട്ട് കോൺട്രോളറിലേക്കു വീഡിയോ ട്രാൻസ്മിറ് ചെയ്യാൻ ഒക്യൂ സിങ്ക് 2.0 (OcuSync 2.0) എന്ന പുതിയ സാങ്കേതികവിദ്യ ഉപയോഗിക്കുന്നതിനാൽ മുൻപ് ഉണ്ടായിരുന്നതിനേക്കാൾ കൂടുതൽ ദൂരത്തു നിന്നും വീഡിയോ സ്ട്രീമിംഗ് സാധ്യമാകും. പറക്കുന്ന വേഗതയിലും ബാറ്ററി ക്ഷമതയിലും പുതിയ ഡ്രോൺ അല്പം കൂടി മികവ് കാണിക്കുന്നുണ്ട്.

ഡ്രോൺ പറക്കുന്ന സമയത്തു തടസങ്ങളിൽ തട്ടാതെ നീങ്ങാനായി ഉള്ള സെൻസറുകൾ മാവിക് മിനി 2 വിൽ പഴയ മാവിക് മിനിയുടെ അവസ്ഥയിൽ തന്നെ ആണ്. അതായത് വശങ്ങളിലേക്കോ മുന്നിലേക്കോ മുകളിലേക്കോ തടസം മനസിലാക്കാൻ ഉള്ള സെൻസറുകൾ ഇല്ല. പറക്കുന്ന അവസ്ഥയിൽ ഡ്രോൺ സ്ഥായിയായി നില്കുന്നതിനും താഴേക്ക് തടസങ്ങൾ ഉണ്ടോ എന്ന് മനസിലാക്കുന്നതിനും ഉള്ള സെൻസർ മാത്രമാണ് ഉള്ളത്. 249 ഗ്രാമിന് ഉള്ളിൽ നിർത്തി ഡ്രോൺ നിർമിക്കുമ്പോൾ ചെയ്യേണ്ടി വന്ന വിട്ടുവീഴ്ച ആയിരിക്കാം അത്.

കാര്യമായ ഒരു വെത്യാസം കാണുന്ന മറ്റൊരു ഭാഗം വീഡിയോ തന്നെ ആണ്. 4k / 30 P വീഡിയോ എന്നതിന് പുറമെ 100 Mbps ബിറ്റ് റേറ്റിൽ വരെ വീഡിയോ എടുക്കാൻ കഴിയും എന്നത് വേർഷൻ 1 ഇൽ നിന്നും മാവിക് മിനി 2 നെ വ്യത്യസ്തമാക്കുന്നു. മാവിക് മിനി 1 നു പരമാവധി 40 Mbps ബിറ്റ് റേറ്റ് ആയിരുന്നു ഉണ്ടായിരുന്നത്. ഈ വെത്യാസം ലൈവ് വീഡിയോ ബിറ്റ് റേറ്റിലും കാണാനാകും.

പോക്കറ്റിൽ ഒതുക്കാവുന്ന ഈ കുഞ്ഞൻ ഡ്രോണിൽ വ്യത്യസ്ത തരത്തിൽ മുൻകൂട്ടി പ്രോഗ്രാം ചെയ്ത ഷൂട്ടിംഗ് മോഡുകള് ചേർത്തിട്ടുള്ളതിനാൽ തുടക്കക്കാർക്ക് സിനിമാറ്റിക് ഷോട്ടുകൾ എടുക്കുവാനും പനോരമ, 180 ഡിഗ്രി പോലെ ഉള്ള ഫോട്ടോസ് പകർത്തുന്നതിനും സൗകര്യം ഒരുക്കുന്നു.

ഡി ജെ ഐ ( DJI ) യുടെ വെബ് സ്റ്റോറിൽ 449 ഡോളർ ആണ് ബേസിക് കിറ്റിന്റെ വില.

കൂടുതൽ വായനക്ക്.

Dji Mavic mini 2 ഒഫീഷ്യൽ ലിങ്ക് താഴെ.
https://www.dji.com/mini-2
8K വിഡിയോയും ആയി കാനൻ EOS R5 ഇറങ്ങി.
മുൻവിധിയോടെ കാണേണ്ട, അടുത്തറിയാം കാനൻ EOS-R6.
ഫുജി പ്രേമികൾക്ക് ഇനി X-T4 യുഗം.
വേണ്ടതെല്ലാം ചേർത്ത് സോണി എ 7എസ് മാർക്ക് 3 ഇറങ്ങി.

]]> https://photomalayalam.com/dji-mavic-mini-2-4k-video/feed/ 0 ചെറിയ ബോഡിയിൽ ഫുൾ ഫ്രെയിം കാമറ, സോണി a7C പുറത്തിറങ്ങി. https://photomalayalam.com/a7c-compact-full-frame-camera-%ce%b17c/ https://photomalayalam.com/a7c-compact-full-frame-camera-%ce%b17c/#comments Thu, 17 Sep 2020 03:16:02 +0000 https://photomalayalam.com/?p=595

ഒപ്റ്റിക്കൽ ഇൻ ബോഡി സ്റ്റെബിലൈസേഷനോട് (IBIS) കൂടിയ ലോകത്തിലെ ഏറ്റവും ചെറുതും ഭാരം കുറഞ്ഞതുമായ ലെന്സ് മാറ്റാവുന്ന ഫുൾ ഫ്രെയിം മിറർലെസ്സ് ക്യാമറ സോണി a7C (ആൽഫ 7C) പുറത്തിറക്കി. (full-frame interchangeable-lens digital cameras with optical in-body image-stabilisation mechanism.)

a7C (Alpha α7C)

കാഴ്ചയിൽ സോണിയുടെ a6600 യോട് ചേരുന്ന രൂപം. ഉള്ളിൽ a7-3 യെ പുതുക്കിയതാണോ എന്ന് തോന്നിപ്പിക്കും വിധം സംവിധാനങ്ങൾ. ഇതാണ് സോണിയുടെ പുതിയ ഫുൾ ഫ്രെയിം മിറർ ലെസ്സ് ക്യാമറ.

ചെറിയ (കോംപാക്ട്) ക്യാമെറകൾ ഇഷ്ടപ്പെടുന്നവർക്കും APSc യിൽ നിന്ന് ഫുൾ ഫ്രെയിമിലേക്ക് അപ്ഗ്രേഡ് ചെയ്യണം എന്ന് ആഗ്രഹിക്കുന്നവർക്കും sony a7-C ഇഷ്ടമാകും. മറ്റു ഫുൾ ഫ്രെയിം മിററ്റ്ലെസ് ക്യാമെറകളെ അപേക്ഷിച്ചു വ്ളോഗിംഗിന് ഒരു ഫുൾ ഫ്രെയിം ക്യാമറ കരുതണം എന്ന് ആഗ്രഹിക്കുന്നവർക്കും ഇത് ഒരു നല്ല മോഡൽ ആണ്. വ്ളോഗിംഗിന് ഒരുപാടു ഉപകരിക്കുന്ന പുറത്തേക്കു തുറക്കാവുന്ന വേരി ആംഗിൾ ഡിസ്പ്ലേ ആണ് ക്യാമെറയിൽ ഉള്ളത്. ഈ അടുത്ത് അവതരിപ്പിച്ച സോണിയുടെ a7S3 യിലും ഇത്തരത്തിൽ ഉള്ള ഡിസ്പ്ലേ ആയിരുന്നു ഉള്ളത്. ഇനി കുറച്ചു ഡീറ്റൈലിലേക്കു പോകാം.

കാഴ്ച്ചയിൽ a6600 എന്ന് പറഞ്ഞത് കൊണ്ട് താരതമ്യം അവിടെ നിന്ന് തന്നെ തുടങ്ങാം.

124 mm വീതി ഉണ്ട് a7C ക്കു സോണിയുടെ a6600 ക്കു 120 mm ആണ്. വളരെ ചെറിയ വെത്യാസം മാത്രം. 509 ഗ്രാം ഭാരം ആണ് a7C ക്കു ഉള്ളത് a6600 ക്കു 503 ഗ്രാം. അതായത് a6600 ഉപയോഗിച്ച ആൾക്ക് വലുപ്പത്തിലും ഭാരത്തിലും വെത്യാസം തോന്നില്ല. a6600 യിൽ കണ്ട രീതിയിൽ നിന്നും ബട്ടണുകളുടെ സ്ഥാനങ്ങളിൽ മാറ്റം വരുത്തിയിട്ടുണ്ട്. a6600 യുടെ മുകളിലും മുന്നിലും ഉള്ള കസ്റ്റം ബട്ടണുകൾ a7C യിൽ നിന്നും ഒഴിവാക്കിയിരിക്കുന്നു.

ഇനി ക്യാമറക്കു ഉള്ളിൽ ഒരുക്കിയിരിക്കുന്ന സംവിധാനങ്ങൾ പരിശോധിക്കാം. ഇത് സോണി a7-III ക്യാമെറയുമായി താരതമ്യം ചെയ്തു നോക്കിയാൽ കാര്യങ്ങൾ എളുപ്പം മനസിലാക്കാം.

സോണി a7-III ക്യാമെറയിൽ ഉപയോഗിച്ചിരിക്കുന്നതു പോലെ 24.2 മെഗാ പിക്സൽ ഫുൾ ഫ്രെയിം സിമോസ് സെൻസർ (24.2 megapixels, 35 mm full frame Exmor R CMOS sensor) ആണ് a7C യിലും ഉള്ളത്.

വീഡിയോ മോഡിലും ഫോട്ടോ മോഡിലും നോർമൽ ISO 100 മുതൽ 51200 വരെ ആണ്.

14 bit RAW, JPEG എന്നീ ഫോര്മാറ്റുകളിൽ ചിത്രങ്ങൾ എടുക്കാം. കാനൻ (Canon) ക്യാമെറകളിൽ കാണുന്ന പുതുതായി ഉൾപ്പെടുത്തി കാണുന്ന HEIF ഫോർമാറ്റ് ഉൾപ്പെടുത്തിയിട്ടില്ല. സെക്കൻഡിൽ തുടർച്ചയായി (CONTINUOUS DRIVE SPEED) 10 ചിത്രങ്ങൾ വരെ പകർത്തുവാൻ കഴിയും. 1/4000 ആണ് പരമാവധി ഷട്ടർ സ്പീഡ്. 7M-3 യിൽ 1/8000 വരെ കഴിയും.

ഇനി വിഡിയോഗ്രഫിയുടെ കാര്യം നോക്കിയാൽ 4k വീഡിയോ (3840 x 2160 (4:2:0, 8 bit)) 30 ഫ്രെയിംസിൽ റെക്കോർഡ് ചെയ്യാൻ കഴിയും. എന്നാൽ 4K, 60 ഫ്രെയിം സ്പീഡ് ലഭ്യമല്ല. സ്ലോ മോഷൻ എടുക്കണമെങ്കിൽ റെസൊല്യൂഷൻ ഫുൾ എഛ് ഡി (Full HD) യിലേക്ക് മാറ്റേണ്ടതായി വരും. ഫുൾ HD (1920 x 1080) റെസൊല്യൂഷനിൽ 120p സ്പീഡ് ലഭിക്കും. 5 മടങ്ങു വരെ സ്ലോ മോഷൻ വീഡിയോ എടുക്കാൻ ഇത് സഹായിക്കും. a7M-3 യിലും സമാനമായ സൗകര്യം ആയിരുന്നു സോണി നൽകിയിരുന്നത്. XAVC S മോഡിൽ ആണ് വീഡിയോ റെക്കോർഡ് ആകുക.

a7M-3 യിലെ പോലെ തന്നെ 5 ആക്സിസ് ഇൻ ബോഡി സ്റ്റെബിലൈസേഷൻ (5-axis IBIS) ഉണ്ട് എന്ന് പറഞ്ഞിരുന്നു.

ഓട്ടോ ഫോക്കസ് (AF) ..

സോണിയുടെ പുതു തലമുറ ക്യാമെറകളൊന്നും ഫോക്കസിന്റെ പേരിൽ പരാതി കേൾപ്പിച്ചിട്ടില്ല. അതിൽ a7M-3 യെക്കാൾ ഒരു പടി മുൻപിൽ ആണ് a7-C. ഇമേജിന്റെ 93 ശതമാനവും ഉൾകൊള്ളുന്ന ഓട്ടോ ഫോക്കസ് (AF) ഏരിയ ആണ് 693 ഫേസ് ഡിറ്റക്ഷൻ ഓട്ടോ ഫോക്കസ് പോയ്ന്റ്സ് ആയി a7C ക്കു ഉള്ളത്. ചിത്രങ്ങൾക്ക് മൃഗങ്ങളുടെ ഐ ഫോക്കസിംഗും വീഡിയോക്കു മനുഷ്യരുടെ ഐ ഫോക്കസിംഗും ലഭിക്കും എന്ന പുതുമയും ഉണ്ട് (EYE AF Human (Right/Left Eye Select)).

a6600 ബോഡിയിൽ കണ്ടത് പോലെ തന്നെ ഒരു മെമ്മറി കാർഡ് സ്ലോട്ട് മാത്രമേ a7c യിൽ ഉള്ളു (UHS-I/II compliant memory card).

3 ഇഞ്ച് വൈഡ് TFT വേരി ആംഗിൾ ഡിസ്പ്ലേയോടൊപ്പം 1 cm ഇലക്ട്രോണിക് വ്യൂ ഫൈൻഡറും ആണ് a7C യിൽ ഉള്ളത് (1 cm electronic viewfinder XGA OLED). സോണിയുടെ ഫുൾ ഫ്രെയിം ക്യാമെറയിൽ കണ്ടു വരുന്ന NP-FZ100 എന്ന ബാറ്ററി ആണ് a7c ക്കും പവർ നൽകുന്നത്.

28 – 60 mm സൂം 4-5.6 വേരിയബിൾ അപ്പേർച്ചർ ഉള്ള ലെൻസാണ് കിറ്റ് ലെൻസായി വരുന്നത്.

$ 1799, US ഡോളർ ആണ് വില ഇത് ഇന്ത്യൻ രൂപയിലേക്കു മാറ്റിയാൽ 132300 രൂപ ആണ് വരുക. ഇന്ത്യൻ വിലയുടെ ഏകദേശ ധാരണ ഇതിൽ നിന്നും ലഭിക്കുമല്ലോ. ഇന്ത്യൻ വിപണി വില ഇതാകണം എന്നില്ല. കാമറ ഉടനെ തന്നെ ഇന്ത്യൻ വിപണിയിൽ എത്തിക്കും എന്ന് സോണി അറിയിച്ചു.

ഒരു ഫുൾ ഫ്രെയിം സോണി ക്യാമെറ ലോ ബഡ്ജറ്റിൽ സ്വന്തമാക്കാൻ ആഗ്രഹിക്കുന്നവർക്കും, ക്വാളിറ്റിയിലും സൗകര്യങ്ങളിലും ഒരു കോംപ്രമൈസും ഇല്ലാതെ എല്ലാം കൊണ്ടും ഒതുങ്ങിയ ഒരു സോണി ഫുൾ ഫ്രെയിം ക്യാമെറ വേണം എന്ന് ആഗ്രഹിക്കുന്നവർക്കും ഒരു ബെസ്ററ് ചോയ്സ് ആയി തന്നെ സോണി a7C യെ കാണാം.

കൂടുതൽ വായനക്ക്.

]]> https://photomalayalam.com/a7c-compact-full-frame-camera-%ce%b17c/feed/ 1